5 Mose 3:8 - Ṅmãle̱ Kroṅkroṅ Le̱

⁸ Ni wo̱šõ šikpoṅ le̱ ke̱-dše̱ Amorbii le̱ amaṅtše̱mei enyo̱ ní yo̱ Iordan se̱ le̱ adeṅ ye̱ nakai be le̱ mli, ke̱-dše̱ Arnon fà le̱ nā ke̱-yaši Hermon goṅ le̱ he;

ŊMALƐ KRƆŊKRƆŊ LƐ

⁸ “Belɛ wɔshɔ̃ nakai be lɛ mli shikpɔji ni yɔɔ Amorbii amaŋtsɛmɛi enyɔ nɛɛ ashishi, yɛ Yordan Faa lɛ bokãgbɛ lɛ, yɛ amɛdɛŋ. Wɔshɔ̃ kɛjɛ Arnon Faa lɛ naa aahu kɛyashi Hermon Gɔŋ lɛ he.

5 Mose 3:8 ပူးပေါင်းရင်းမြစ်များ

1 Maŋtsɛmɛi 4:19

Geber, Uri bi le̱, yo̱ Gilead šikpoṅ le̱ ní dši Sihon, Amorbii le̱ amaṅtše̱ le̱, ke̱ Og, Bašan maṅtše̱ le̱, šikpoṅ le̱ no̱; ni le̱ kometō dši onĩahelo̱ ni ye̱ šikpoṅ le̱ no̱.

1 Kronika 5:23

Ši Manase akutšo le̱ fã le̱ṅ bii le̱ hĩ šikpoṅ le̱ no̱ ke̱-dše̱ Bašan ke̱-yaši Baal-Hermon ke̱ *Senir ke̱ Hermon goṅ le̱ he; ame̱yi fá. *5 Mose 8,9.

Lalai 42:6

Mē ko̱mō̱ odo̱ ne̱, misusuma, ni mẽ yeyēye ofe ye̱ mimli ne̱? Oke̱ ohĩe afo Nyoṅmo̱ no̱! Ši madšie eyi kẽ, moni dši mihĩe yeli-ke̱-buamo̱ ke̱ mi-Nyoṅmo̱ le̱. K. 12. Lal. 43,5.

Lalai 42:7

Misusuma edo̱ ko̱mō̱ ye̱ mimli, nohewo̱ le̱ mikaio̱o ye̱ Iordan šikpoṅ le̱ ke̱ Hermon gõdši le̱ ke̱ Mizar goṅ le̱ no̱.

Lalai 89:12

Ṅwei le̱ onõ ni, šikpoṅ le̱ hũ onõ ni; dšeṅ ke̱ emlinii le̱, bo noṅṅ oto šiši. Lal. 24,1.

5 Mose 4:47

ni ame̱ṅõ ešikpoṅ le̱ ke̱ Bašan maṅtše̱ Og šikpoṅ le̱, mei ní dši Amorbii amaṅtše̱mei enyo̱ ní yo̱ Iordan se̱ ye̱ bokãgbe̱ le̱,

5 Mose 4:48

ke̱-dše̱ Aroer ní kã Arnon fā le̱ nā le̱ ke̱-yaši *Sion goṅ ní dši Hermon le̱ he, *3,8. 9.

Yoshua 12:1

Ni mene̱mei dši šikpoṅ le̱ no̱ maṅtše̱mei ní Israelbii le̱ gbe ní ame̱ṅõ ame̱šikpõdši le̱, ye̱ Iordan se̱ ye̱ bokãgbe̱ le̱, ke̱-dše̱ Arnon fā le̱ nā ke̱-yaši Hermon goṅ le̱ he ke̱ ṅã kplanä le̱ fẽ ye̱ bokãgbe̱ le̱:

Yoshua 13:8

Edšake̱ efã le̱ ke̱ *Rubenbii ke̱ Gadbii ená ame̱gbošinii, ni Mose ṅõ-hãame̱ le̱ ye̱ Iordan se̱, ye̱ bokãgbe̱ le̱, tamo̱ bo̱ni Iehowa tšũlo̱ Mose ehãame̱ le̱, *K. 15-32.