5 Mose 29:8 - Ṅmãle̱ Kroṅkroṅ Le̱

⁸ Nohewo̱ le̱ nyedſẽṅa kpãṅmo̱ ne̱ mli wiemo̱i le̱, ano̱ ni nyeyea no̱, koni nyeſere ye̱ nibii fẽ ní nyefeo̱ le̱ mli.

ŊMALƐ KRƆŊKRƆŊ LƐ

⁸ ni wɔŋɔ amɛshikpɔŋ lɛ, ni wɔjara shikpɔŋ lɛ wɔhã Rubenbii lɛ kɛ Gadbii lɛ kɛ Manasebii akutso lɛ fã kome akɛ amɛgbɛfaŋnɔ.

5 Mose 29:8 ပူးပေါင်းရင်းမြစ်များ

1 Maŋtsɛmɛi 2:3

ni oye Iehowa, o-Nyoṅmo̱ le̱, gbe̱nānii le̱ ano̱, ní onyie egbē̱i le̱ ano̱, ni oye ekpo̱i le̱ ke̱ ekitãi le̱ ke̱ emlai le̱ ke̱ edasei le̱ ano̱, take̱ bo̱ni *aṅmã ye̱ Mose mla le̱ mli le̱, koni nofẽno ni ofeo̱ ke̱ hefẽhe ní oyaã le̱ oſere; *5 Mose 17,14-20; Ios. 1,7. 23,6.

Lalai 135:12

ni eṅõ ame̱šikpoṅ le̱ ehã ake̱ gbošinii, emaṅ Israel gbošinii. Ios. 12

4 Mose 32:32

Wo̱ le̱ wo̱o̱sã wo̱he ní wo̱fo mli ke̱-nyie Iehowa hĩe ke̱-ya Kanaan šikpoṅ le̱ no̱, koni wo̱gbe̱fãṅnõ ní wo̱ná ye̱ Iordan bie̱gbe̱ le̱ ahĩ ši ahãwo̱.

4 Mose 32:33

Ke̱ke̱ ni Mose ṅõ Amorbii amaṅtše̱ Sihon maṅtše̱yeli le̱ ke̱ Bašan maṅtše̱ Og maṅtše̱yeli le̱ ke̱ mãdši ní yo̱ ehũsũi le̱ amli, ní dši šikpoṅ le̱ no̱ mãdši le̱ fẽ ke̱-kpe le̱, ehã Gadbii le̱ ke̱ Rubenbii le̱ ke̱ Iosef bi Manase akutšo le̱ fã. Ios. 13,8-31.

5 Mose 5:32

Nohewo̱ le̱ nyedſẽṅa no̱ ni nyeyea kitãi nī Iehowa, nye-Nyoṅmo̱ le̱, wonye le̱ no̱, ni nyekagba ninedšŭrõgbe̱ lo abe̱kugbe̱. 4,2; 28,14. Ios. 1,7. Abe̱i 4,27.

5 Mose 5:33

Gbe̱ ní Iehowa, nye-Nyoṅmo̱ le̱, ewonye he kitã le̱ fẽ no̱ nyenyiea, koni nyeyi aná wala, ni ahĩ ahãnye, ni nyegbĩĩ ase̱ atše̱ ye̱ šikpoṅ ní nyeyaṅõ le̱ no̱!

Yoshua 1:7

Wadšemo̱ ohe ni ofe ekã dšogbāṅ ke̱ke̱, ní odſẽṅ no̱ ni oye mla le̱ ni mitšũlo̱ Mose woö le̱ fẽ no̱; kādše he *ke̱-mīya ninedšũrõ lo abe̱ku, †beni afe ní ohĩe akã ši ye̱ nofẽno ni ofeo̱ mli. *5 Mose 6,32. †1 Maṅ. 2,5.

Yoshua 1:8

Kãhã ne̱ke̱ mla wolo ne̱ mli wiemo̱i le̱ mikpa ye̱ odãṅ, ši *dſẽṅmo̱ he nyōṅ ke̱ ſane, koni odſẽṅ no̱ ni ofe tamo̱ bo̱ni aṅmã ye̱ mli le̱ pẽpē̱pe̱; edšake̱ no aahã ofe no̱batše̱ ke̱ hĩešikãlo̱. *Lal. 1,2. 3.