5 Mose 28:62 - Ṅmãle̱ Kroṅkroṅ Le̱

⁶² Ni nyeyi fio ke̱ke̱ aaſe̱, tše̱ sá le̱ nyeyi fá *tamo̱ ṅwei ṅulamii; edšake̱ nyeboo Iehowa, nye-Nyoṅmo̱ le̱, gbē toi. *1,10.

ŊMALƐ KRƆŊKRƆŊ LƐ

⁶² Tsɛbelɛ sa lɛ nyɛyi fa tamɔ ŋwɛi ŋulamii, shi nyɛyi fioo kɛkɛ aaashwɛ, ejaakɛ nyɛbooo Yehowa, nyɛNyɔŋmɔ lɛ, toi.

5 Mose 28:62 ပူးပေါင်းရင်းမြစ်များ

2 Maŋtsɛmɛi 13:7

Tše̱ eſe̱e̱ maṅ le̱ mli eko ehãã Iehoahaz, ake̱ dša okpo̱ṅo̱iatše̱mei nyoṅmai-enumo̱ ke̱ ſīlii nyoṅma ke̱ naneno̱nyielo̱i akpei-nyoṅma; edšake̱ Aram maṅtše̱ le̱ eplenēame̱ ni efeame̱ tamo̱ ṅmā̃gbēmo̱ mlu.

2 Maŋtsɛmɛi 24:14

Ni eṅõ Ierusalem mū le̱ fẽ ke̱ lume̱i le̱ fẽ ke̱ abladei le̱ fẽ nom ke̱-te, gbomei akpei-nyoṅma, ke̱ ṅālo̱i ke̱ sõlo̱i le̱ fẽ hũ; ešĩĩ mokomoko, ake̱ dša šikpoṅ le̱ no̱ bii le̱ ateṅ mei ni dši ohĩafoi ke̱ke̱.

Nehemia 7:4

Ši mã le̱ mli le̱ ni eda hũ, ši mei ni yo̱ mli le̱ fáá, ni tšũi le̱ hũ amãmo̱ko.

Nehemia 9:23

Ni ohã ame̱bii le̱ hũ ayi fá tamo̱ ṅweĩ ṅulamii, ni oṅõame̱ ke̱-ba šikpoṅ le̱ ni okē̱ ame̱tše̱mei ake̱ ame̱ya ni ame̱ yaṅõ le̱ no̱.

Yesaia 1:9

*Efe ake̱ Iehowa Zebaot eſe̱e̱ ſē̱no bibiõ ko ehãāwo̱ kũle̱, wo̱tšṍ tamo̱ †Sodom, ni wo̱fe tamo̱ Gomora pe̱! *Rom. 9,29. †1 Mose 19,24. 25. 5 Mose 29,21-27.

Yesaia 24:6

Hewo̱ le̱ lōmo̱ mīye šikpoṅ le̱, ni eno̱bii le̱ tĕre sõ; hewo̱ le̱ šikpoṅ le̱ no̱ bii le̱ egbĩ, ni mei fiō pe̱ eſe̱.

Yesaia 6:11

Ni mikē̱: Nuṅtšo̱, ke̱-yaši mẽ beyino? Ni ekē̱: Ke̱-yaši beyino ní mãdši le̱ aatšṍmo̱ amaṅfõ, ní mokomoko be̱ mli, ni šĩai le̱ hũ mokomoko be̱ mli, ni šikpoṅ le̱ aatšṍ amaṅfõ kwrā,

Yesaia 6:13

Ši ké̱ ſe̱ emlidšāi nyoṅma mli ekome ye̱ no̱ tete le̱, aakũ se̱ akpãtã ame̱hĩe; tamo̱ tšo kple ko lo odum ko ni atō agbē ši ní eſe̱ ekuku; seši *kroṅkroṅ dši ekuku le̱, *4,8.

Yeremia 42:2

ní ame̱bakē̱ gbalo̱ Ieremia ake̱: Agbe̱ne̱ hã wo̱faikpamo̱ asa ohĩe, ni *okpa Iehowa, o-Nyoṅmo̱ le̱, fai ohãwo̱ ke̱ mei ní eſe̱ ne̱ fẽ (edšake̱ mei babaō ne̱ ateṅ le̱, wo̱yi fiō pe̱ eſe̱, take̱ bo̱ni ohĩṅme̱ii naäwo̱ ne̱), *37,3.

3 Mose 26:22

Ni matšũ ṅãṅ koloi ke̱-aba nyeteṅ, ni *ame̱šăra nyebii ye̱ nyehe, ni ame̱ye nyešĩa koloi le̱, ni ame̱hã nyeno̱ agbo̱, ni nyegbè̱i le̱ ano̱ afe šõ. *2 Maṅ. 2,24.

Amos 5:3

Edšake̱ boni Nuṅtšo̱ Iehowa kē̱ ne̱: Maṅ ní dše kpo ke̱ mei akpe le̱, eſe̱ oha, ní maṅ ní dāe kpo ke̱ mei oha le̱, eſe̱ nyoṅma ehã Israel we le̱.

Marko 13:20

Ni dša Nuṅtšo̱ le̱ fo gbĩĩ le̱ ano̱, ké̱ dšee nakai le̱, ahereṅ helo ko helo ko yiwala; ši halamo̱bii ní ehala le̱ ahewo̱ le̱ efo gbĩĩ le̱ ano̱.

5 Mose 1:10

Iehowa, nye-Nyoṅmo̱ le̱, ehā nyeyi efá, ni na, ṅme̱ne̱ *nyetamo̱ ṅwei ṅulamii ye̱ fále̱ nā. *10,22. 1 Mose 15,5.

5 Mose 1:11

Iehowa, nyetše̱mei a-Nyoṅmo̱ le̱, ahã nyeyi afá fè bo̱ni nyeyo̱ ne̱ toi akpei abo̱, ni edšō̱nye take̱ bo̱ni ewonye ši le̱!

5 Mose 10:22

*Gbomei nyoṅmai-kpawo otše̱mei le̱ ke̱-kpleke ši ke̱-te Mizraim, ni agbe̱ne̱ le̱ Iehowa, o-Nyoṅmo̱ le̱, †ehã nyeyi efá tamo̱ ṅwei ṅulamii. *1 Mose 46,27. †5 Mose 1,10.

5 Mose 4:27

Ni Iehowa aagbe̱nye aſã dšeṅmãdši le̱ amli, ni aaſe̱ nyeteṅ mei fiō ke̱ke̱ ye̱ dšeṅmãdši ní Iehowa aakplanye ke̱-ate le̱ ateṅ.