5 Mose 26:19 - Ṅmãle̱ Kroṅkroṅ Le̱

¹⁹ ni ehã *okwo̱ godšō fè dšeṅmãdši fẽ ní efe le̱ ye̱ †yidšiemo̱ ke̱ gbe̱i ke̱ anumnyam mli, ni otšṍ Iehowa, o-Nyoṅmo̱ le̱, maṅ kroṅkroṅ, take̱ boni ekē̱ le̱. *28,1. †4,6.

ŊMALƐ KRƆŊKRƆŊ LƐ

¹⁹ koni yɛ yijiemɔ kɛ gbɛi kɛ anunyam gbɛfaŋ lɛ, Israel agbojee akwɔ fe maji fɛɛ agbojee yɛ je lɛ mli. Oootsɔ̃ Yehowa, oNyɔŋmɔ lɛ, maŋ krɔŋkrɔŋ bɔ ni ekɛɛ lɛ.”

5 Mose 26:19 ပူးပေါင်းရင်းမြစ်များ

Lalai 148:14

Ewo *kòṅ ko no̱ ehā emaṅ le̱; nohewo̱ le̱ emei kroṅkroṅi fẽ adšie eyi, Israelbii ní dši maṅ ni be̱ṅke̱le̱ le̱! Haleluya! *Lal. 132,17.

2 Mose 19:5

Nohewo̱ le̱ agbe̱ne̱ ke̱dši nyeabo migbẽ toi ni nyeye mikpãṅmo̱ le̱ ne̱ le̱, no le̱ nyeatšṍ midientše̱ *minõ ye̱ mãdši fẽ ateṅ; edšake̱ šikpoṅ le̱ fẽ le̱ minõṅ. *5 Mose 7,6.

2 Mose 19:6

Ši nye le̱, nyeatšo *oso̱foi amaṅtše̱yeli ke̱ maṅ †kroṅkroṅ nyehãmi. Ene̱mei dši wiemoi ní oṅõ-kē̱ Israelbii le̱. *1 Pet. 2,9. Kpods. 1,6. †3 Mose 19,2.

Yesaia 62:12

Ni aatšé̱ame̱ ake̱ “maṅ kroṅkroṅ”, *“mei ní Iehowa ekpõame̱”; ni bo hũ aatšē̱o “moni ataoo̱ ese̱gbe̱”, “maṅ ní akwaṅle̱ doṅṅ”. *35,10.

Yeremia 13:11

Edšake̱ bo̱ni he̱fĩnõ kpe̱te̱o̱ mo he̱ le̱, nakai mihã Israel we le̱ fẽ ke̱ Iuda we le̱ fẽ kpe̱te̱ mihe, Iehowa kē̱, koni ame̱tšṍ mimaṅ ke̱ gbe̱i ke̱ yidšiemo̱ ke̱ anumnyam; ši kẽle̱ ame̱boo toi!

Yeremia 2:3

Kroṅkroṅ dši Israel hã Iehowa, enibānii le̱ amli kleṅkleṅ yibii: mei fẽ ni aayele̱ le̱, aaye fo̱; nõfõṅ aaba ame̱no̱, — Iehowa kē̱.

Yeremia 33:9

Ni eetšṍ mliflimo̱ gbe̱i ehãmi, ke̱ yidšiemo̱ ke̱ anumnyam ye̱ šikpoṅ le̱ no̱ dšeṅmãdši fẽ ni aanu edšŭrõ fẽ ní mifeo̱ame̱ le̱ he le̱ ahĩe, ni ame̱tšui aafã ni ame̱he aakpokpo ye̱ edšŭrõ fẽ ke̱ hedšo̱le̱ fẽ ni mahãle̱ le̱ hewo̱.

Zefania 3:19

Na, mike̱ ohaolo̱i le̱ fẽ aaye ye̱ nakai be le̱ mli, ni mahere *mei ni tšo̱ö̱ le̱ ayiwala, ni mabua mei ní aſieame̱ le̱ anā, ni maṅõame̱ mafe yidšiemo̱ ke̱ gbe̱i ye̱ šikpõdši fẽ ni agbeame̱ be guo̱ ye̱ no̱ le̱ ano̱. *Mika 4,7.

Zefania 3:20

Nakai be le̱ mli le̱ maṅõnye ke̱-aba ekoṅ, ni nakai be le̱ mli le̱ mabua nyenã; edšake̱ maṅõnye mafe gbe̱i ke̱ yidšiemo̱ ye̱ sikpoṅ le̱ no̱ mãdšimãdši fẽ mli, beni *makpale nyenomṅō̃ le̱ ke̱-aba ekoṅ ye̱ nyehĩṅmeiiaṅ le, Iehowa kē̱. *Ier. 29,14. Zef. 2,7.

Zakaria 8:13

Ni aaba mli ake̱, bo̱ni nyetšṍ lōmo̱ ye dšeṅmãdši le̱ ateṅ ke̱, Iuda we ke̱ Israel we, nakai noṅṅ mahere nyeyiwala, ni nyeatsṍ *dšō̱mo̱. Nyekašea gbeyei; nyewadšea nyenidšiaṅ ke̱ke̱! *1 Mose 12,2.

5 Mose 27:1

Ni Mose ke̱ Israel onukpai le̱ kpã wo maṅ le̱ toiiaṅ ake̱: Kitãi fẽ ní miwoo̱nye ṅme̱ne̱ gbĩ ne̱ le̱, nyeyea no̱.

5 Mose 28:1

Ni aaba mli ake̱, ke̱dši oobo Iehowa, o-Nyoṅmo̱ le̱, gbē toi pe̱pē̱pe̱, ní oodſẽṅ no̱ ní oye ekitai fẽ ní miwoo̱o ṅme̱ne̱ ne̱ no̱ le̱, no le̱ Iehowa, o-Nyoṅmo̱ le̱, aawó ono̱ godsō fè šikpoṅ le̱ no̱ dšeṅmãdši fẽ, 26,19.

5 Mose 28:13

Ni Iehowa aaṅõo afe yitšo, ni dšee lei, ni eewó ono̱, ni obaṅ ši, ke̱dši oobo Iehowa, o-Nyoṅmo̱ le̱, kitãi ní miwoo̱o ṅme̱ne̱ gbĩ ne̱ le̱ atoi, ni oye no̱ ni ofe,

5 Mose 28:9

Iehowa aaṅõo adamo̱ ši ake̱ *emaṅ kroṅkroṅ, take̱ bo̱ni ekão kitã le̱, ke̱dši ooye Iehowa, o-Nyoṅmo̱ le̱, kitãi le̱ ano̱ ni oonyie egbè̱i le̱ amli le̱. *2 Mose 19,5. 6.

5 Mose 7:6

Edšake̱ maṅ kroṅkroṅ dšio hã Iehowa, o-Nyoṅmo̱ le̱, bo le̱ Iehowa, o-Nyoṅmo̱ le̱, ehalao, koni otšṍ le̱dientše̱ emaṅ ye̱ mãdši fẽ ní yo̱ šikpoṅ le̱ no̱ le̱ ateṅ. 2 Mose 19,5. 6.

1 Petro 2:5

ni nye hũ, nyehãa aṅõanye tamo̱ te̱i ni hĩe kãmo̱ ake̱-tſaä mumo̱ṅ *tšũ ni afenye †oso̱foiaweku kroṅkroṅ, koni aṅõ-šã **mumo̱ṅ afo̱lei ní sa Nyoṅmo̱ hĩe ye̱ Iesu Kristo hewo̱.

1 Petro 2:9

Ši nye le̱, weku ní ahala dšinye, *maṅtše̱mei ní yeo̱ oso̱foi, dšeṅmaṅ kroṅkroṅ, maṅ ni eṅõ-fe enõ, koni nyedšadše moni tšé̱nye ke̱-dše̱ duṅ le̱ mli ke̱-ba le̱dientše̱ enākpe̱ la le̱ he le̱ agbodšē le̱; *2 Mose 19,6. Kpods. 1,6.