5 Mose 21:5 - Ṅmãle̱ Kroṅkroṅ Le̱

⁵ Ni oso̱foi ní dši Levibii le̱ atši aba; edšake̱ ame̱dši mei ní Iehowa, o-Nyoṅmo̱ le̱, ehala, koni ame̱súmo̱le̱ ni ame̱dšō̱ ye̱ Iehowa gbe̱i ano̱, *ni ame̱dāṅ gbē nā aye béi sane-fẽ-béi sane ke̱ nõtſā sane-fẽ-nõtſā sane. *17,8. 9.

ŊMALƐ KRƆŊKRƆŊ LƐ

⁵ Osɔfoi lɛ, ni ji Levibii lɛ, atsi aba ejaakɛ amɛ ji mɛi ni Yehowa ehala akɛ amɛsɔmɔ lɛ, ni amɛkojo bei loo mɔnɔtswaa sane fɛɛ sane yɛ egbɛi mli.

5 Mose 21:5 ပူးပေါင်းရင်းမြစ်များ

1 Kronika 23:13

Amram bihĩĩ dši: Aaron ke̱ Mose. Ni *adšie Aaron, koni afele̱ kroṅkroṅ ahã hekroṅkroṅ fè fẽ le̱, le̱ ke̱ ebihĩĩ le̱ fẽ ke̱-ya nāno̱, koni ame̱šã tšofã-ke̱-ṅma ye̱ Iehowa hĩe, ni ame̱súmo̱le̱, ni †ame̱dšō̱ mei ye̱ egbe̱i ano̱ ke̱-yaši nāno̱. *6,34. Heb. 6,4. †5 Mose 10,8.

2 Kronika 19:10

Ni befẽbe ní ake̱ bēi sane ko aadše̱ nyenyemimei ni yo̱ ame̱mãdšiaṅ le̱ aṅõ abahãnye le̱, lá ke̱ lá teṅ sane ni dšio, mla ke̱ kitã lo akpo̱ ke̱ kodšomo̱ hewo̱ nõ ni dšio, nyetsõaame̱ nā, beni afe ni ame̱kaye sõ ye̱ Iehowa hĩe, koni mlifũ akaba nye ke̱ nyenyemimei le̱ ano̱. Kē̱ nyefe nakai le̱, nyeyeṅ sō.

Ezekiel 42:13

Ke̱ke̱ ni ekē̱mi ake̱: Tšũi ní kãmo̱ kōyigbe̱ le̱ ke̱ tšũi le̱ ní kãmo̱ wuoyigbe̱ ye̱ mõse̱ le̱ hĩe le̱ dši tšũi kroṅkroṅi le̱, heni oso̱foi ní be̱ṅke̱o Iehowa le̱ aaye nii kroṅkroṅi fè fẽ le̱ ye̱; dše̱i ame̱ke̱ nii kroṅkroṅi fè fẽ le̱ ke̱ niyenii-afo̱le le̱ ke̱ eša-afo̱le le̱ ke̱ sō-afo̱le le̱ aato; edšake̱ dše̱i ye̱ kroṅkroṅ.

Ezekiel 44:24

Ni béisane mli hũ ame̱ noṅṅ ame̱damo̱ ši ní ame̱kodšo; mĩkodšomo̱i le̱ anā ame̱kodšo ye̱, ni ame̱ye mimlai ke̱ mikpo̱i le̱ ano̱ ye̱ migbĩĩ dšudši le̱ fẽ no̱, ni ame̱fe mihedšō̱mo̱gbĩĩ le̱ kroṅkroṅ.

3 Mose 9:22

Ke̱ke̱ ni Aaron hole enidši ano̱ ye̱ maṅ le̱ no̱, ni *edšō̱ame̱. Ni beni ešã eša-afo̱le ke̱ šā̃-afo̱le ke̱ šidā-afo̱le le̱, ekpleke ši. *4 Mose 6,22-27.

Maleaki 2:7

Edšake̱ esa ake̱ *oso̱fo le̱ nā-bu too̱ nilē, ni le̱ edãṅ sa ake̱ atao mla ke̱-dše̱, edšake̱ Iehowa Zebaot †bo̱fo dšile̱. *5 Mose 33,10. †Hag. 1,13.

5 Mose 10:8

Nakai be le̱ mli Iehowa tše Levi akutšo le̱, ni ame̱tĕre Iehowa kpãṅmo̱ adeka le̱, ni ame̱damo̱ *Iehowa hĩe ame̱súmo̱le̱, ni ame̱ke̱ †egbe̱i adšō̱ ke̱-baši ṅme̱ne̱ gbĩ ne̱. *18,5. 7. †4 Mose 6,23-27.

5 Mose 18:5

Edšake̱ le̱ Iehowa, o-Nyoṅmo̱ le̱, ehala ye̱ okutšei le̱ fẽ ateṅ, ní edamo̱ ši ni esúmo̱ ye̱ Iehowa gbe̱i amli, le̱ ke̱ ebihĩĩ le̱ dāne̱.

5 Mose 19:17

no le̱ mei enyo̱ le̱ ní nātāmo̱ le̱ yo̱ ame̱teṅ le̱ aba abadamo̱ Iehowa hĩe, *ye̱ oso̱foi ke̱ kodšolo̱i ní yo̱ ye̱ nakai gbĩĩ le̱ amli le̱ ahĩe; *17,9.

5 Mose 21:4

ni nakai mã le̱ mli onukpai le̱ akpla tšinayō le̱ ke̱-ya nudšō̱ ní hoo̱ dā ní ahũko ni adũko noko ye̱ dše̱i dã le̱ṅ, ni ame̱fo tšina le̱ sẽ ye̱ dše̱i ye̱ nudšō̱ le̱ṅ.