5 Mose 17:8 - Ṅmãle̱ Kroṅkroṅ Le̱

⁸ Ke̱dši sane ko ba ní eyeli wa tšṍ hão, tamo̱ awuyeli sane lo niiaheplemo̱ sane lo nõtſā sane, ni efe nātāmo̱ ye̱ ogbói le̱ amli le̱, no le̱ te ši ní oya heni Iehowa, o-Nyoṅmo̱ le̱, ehala le̱,

ŊMALƐ KRƆŊKRƆŊ LƐ

⁸ “Kɛji sane ni kɔɔ gbɔmɔgbee loo niiaheplemɔ loo awuyeli he ba, ni naataamɔ te shi yɛ sane lɛ yeli mli lɛ, nakai maŋ lɛ mli kojolɔi lɛ kɛ sane lɛ aya he ni Yehowa, nyɛNyɔŋmɔ lɛ, eŋɔ akɛ jɛi aja lɛ yɛ lɛ,

5 Mose 17:8 ပူးပေါင်းရင်းမြစ်များ

2 Samuel 15:2

Ni Absalom tee̱ ši mãṅkẽ mrã ni eyadamo̱o̱ agbó le̱ nā gbe̱ le̱ mase̱i; ni ebaã mli ake̱, ké̱ moko hĩe béisane ko ke̱-mība maṅtše̱ le̱ ṅõ ní akodšo le̱, ke̱ke̱ le̱ Absalom tšé̱o̱le̱ ni ebio̱le̱ akē̱: Nẽ maṅ ne̱ odše̱? Ni ke̱dši ekē̱: Otšũlo̱ dše̱ Israel akutšei le̱ eko mli le̱,

1 Kronika 26:29

Izeharbii le̱ ateṅ le̱ adšie Kenania ke̱ ebihĩĩ le̱ ní ame̱kwe̱ Israel no̱ ye̱ kpono̱gbe̱nii agbe̱fãṅ: ame̱tšṍmo̱ onukpai ke̱ kodšolo̱i.

2 Mose 18:15

Ni Mose kē̱ ešānū le̱ ake̱: Edšake̱ maṅ le̱ baä miṅõ ame̱babio̱ Nyoṅmo̱ dāṅ gbē.

2 Mose 18:26

Ni ame ame̱kodšoo̱ maṅ le̱ beſëbe; sãdši ní wa le̱ ame̱ke̱baä Mose ṅõ, ši sãdši bibii fẽ le̱ ame̱dientše̱ ame̱yeo̱.

2 Mose 21:20

Ni ke̱dši moko tſa ewenū lo eweyō tšo, ni enyõ ye̱ enine nā le̱, dša ato owele.

2 Mose 21:22

Ke̱dši hĩĩ mīnõ, ni ame̱yatši yōho̱lo̱, ni eho̱ le̱ dše, ni efõṅ ko baa ye̱ se̱ le̱, dša ahele̱ nii bo̱ni yō le̱ wù le̱ aaṅõ-fõ eno̱; ni ehã boni saneyelo̱i le̱ aatšo.

2 Mose 21:28

Ni ke̱dši tšina ši nū lo yō, ni egbo le̱, no le̱ atſia tšina le̱ tei, ni akaye elō le̱; ši tšina le̱ nuṅtšo̱ le̱ aye ehe.

2 Mose 22:2

Ke̱dši amõ dšulo̱ ko ní ēgbu gbogbo ewo mli, ni atſale̱ nõ ni egbo le̱, akaſie lá ši ahãle̱.

2 Mose 22:8

Ké̱ anaa dšulo̱ le̱, no le̱ ake̱ šĩatše̱ le̱ aba *Nyoṅmo̱ hĩe akwe̱ ake̱ enine etako enanyo le̱ nii le̱ ahe lo. *21,6.

Ezekiel 44:24

Ni béisane mli hũ ame̱ noṅṅ ame̱damo̱ ši ní ame̱kodšo; mĩkodšomo̱i le̱ anā ame̱kodšo ye̱, ni ame̱ye mimlai ke̱ mikpo̱i le̱ ano̱ ye̱ migbĩĩ dšudši le̱ fẽ no̱, ni ame̱fe mihedšō̱mo̱gbĩĩ le̱ kroṅkroṅ.

Hagai 2:11

Bo̱ni Iehowa Zebaot kē̱ ne̱: Agbe̱ne̱ bi oso̱foi le̱ mla le̱ he sane ake̱:

Maleaki 2:7

Edšake̱ esa ake̱ *oso̱fo le̱ nā-bu too̱ nilē, ni le̱ edãṅ sa ake̱ atao mla ke̱-dše̱, edšake̱ Iehowa Zebaot †bo̱fo dšile̱. *5 Mose 33,10. †Hag. 1,13.

4 Mose 35:11

no le̱ nyehalaä mãdši ní sa ní atšṍmo̱ abobā-mãdši ahãnye, koni gbomogbelo̱ ní nine kpa ye̱ moko no̱ le̱ adšo foi ke̱-ya dše̱i.

4 Mose 35:16

Ši ke̱dši moko ṅõ dadenõ ko etſa moko, ni egbo le̱, awuyelo̱ dšile̱; dša agbe awuyelo̱ le̱.

5 Mose 1:17

Ni *nyekakwe̱a hĩeaṅ ye̱ kodšomo̱ mli; nyeboa mo bibiõ ke̱ gbomo agbo fẽ toi pe̱pē̱pe̱; nyekasea gbomo hĩe gbeyei; edšake̱ kodšomo̱ le̱, †Nyoṅmo̱ nõṅ! Ši sane ní wa tšṍ hãnye le̱ nyeke̱baã miṅõ, ni mabo toi. *16,19. †2 Mose 21,6.

5 Mose 12:11

no le̱ heni Iehowa, nye-Nyoṅmo̱ le̱, aahala, koni ehã egbe̱i ahĩ dše̱i le̱, dše̱i noṅṅ nyeke̱ nibii fẽ ní miwoo̱nye he kitã le̱ ayaä, nyešā̃-afo̱lei le̱ ke̱ nyegbẽ-afo̱lei le̱ ke̱ nyenibii amlidšāi nyoṅma mli ekomekome le̱ ke̱ nyeno̱ wómo̱-afo̱lei le̱ ke̱ nofẽno ní nyedšeo̱ gbe̱ nyewoo̱ Iehowa ši le̱;

5 Mose 12:14

ake̱ dša heni Iehowa aahala ye̱ okutšei le̱ ekome mli le̱, dše̱i ošã ošā̃-afo̱lei le̱ ye̱, ni dše̱i ofe nofẽno ní miwoo̱ he kitã le̱ ye̱.

5 Mose 12:5

ši moṅ heni Iehowa, nye-Nyoṅmo̱ le̱, aahala ye̱ nyekutšei le̱ fẽ mli ní eke̱ egbe̱i aato dše̱i ni eke̱ dše̱i aafe ešihĩle̱he le̱, dše̱igbe̱ nyeplea ni dše̱i nyeyaä;

5 Mose 19:17

no le̱ mei enyo̱ le̱ ní nātāmo̱ le̱ yo̱ ame̱teṅ le̱ aba abadamo̱ Iehowa hĩe, *ye̱ oso̱foi ke̱ kodšolo̱i ní yo̱ ye̱ nakai gbĩĩ le̱ amli le̱ ahĩe; *17,9.

5 Mose 19:4

Ni gbomogbelo̱ ní aadšo foi ke̱-ya dše̱i ní eyi aná wala le̱ he mla ne̱: Moni nine yakpa ye̱ enanyo no̱ ní dšee nye̱ enye̱ le̱ eto momosa,

5 Mose 21:5

Ni oso̱foi ní dši Levibii le̱ atši aba; edšake̱ ame̱dši mei ní Iehowa, o-Nyoṅmo̱ le̱, ehala, koni ame̱súmo̱le̱ ni ame̱dšō̱ ye̱ Iehowa gbe̱i ano̱, *ni ame̱dāṅ gbē nā aye béi sane-fẽ-béi sane ke̱ nõtſā sane-fẽ-nõtſā sane. *17,8. 9.

5 Mose 25:1

Ke̱dši meikomei mībé, ni ame̱ba koni akodšo ame̱teṅ le̱, no le̱ moni yeo̱ bem le̱ abule̱ bem, ni moni yeo̱ fo̱ le̱ abule fo̱.