5 Mose 16:2 - Ṅmãle̱ Kroṅkroṅ Le̱

² Nohewo̱ le̱ ye Hehō ohã Iehowa, o-Nyoṅmo̱ le̱, ni ogbe tōi ke̱ tšinai ye̱ heni Iehowa ehala ní ehã egbe̱i ahĩ dše̱i le̱.

ŊMALƐ KRƆŊKRƆŊ LƐ

² No hewɔ lɛ, nyɛyaa he ni Yehowa eŋɔ akɛ jɛi aja lɛ yɛ lɛ, ni nyɛgbea too kɛ tsina akɛ Hehoo Gbijurɔ lɛ afɔle nyɛkɛhãa Yehowa.

5 Mose 16:2 ပူးပေါင်းရင်းမြစ်များ

2 Maŋtsɛmɛi 23:21

Ke̱ke̱ ni maṅtše̱ le̱ wo maṅ mũ le̱ fẽ kitã ekē̱: Nyeyea Hehō nyehãa Iehowa, nye-Nyoṅmo̱ le̱, *take̱ bo̱ni aṅmã ye̱ kpãṅmo̱ wolo ne̱ mli le̱! *2 Mose 12.

2 Kronika 35:7

Ke̱ke̱ ni Iosia *hā maṅbii le̱ tōi, gwanteṅbii ke̱ abotiabii, koni ake̱ fẽ afe Hehō-afo̱lei ahã mofẽmo ni yo̱ dše̱i, ame̱-yibo̱ dši akpei-nyoṅmai-etẽ, ke̱ tšinai hũ akpei-etẽ; nii ne̱ fẽ dše̱ maṅtše̱ le̱ nii le̱ amli. *30,24.

4 Mose 9:2

Hã ní Israelbii le̱ aye Hehō le̱ ye̱ ebe ni ato le̱ mli. 2 Mose 12. 3 Mose 23,5.

Mateo 26:17

Ši *akpītĩgbĩĩ dšudši le̱ amli kleṅkleṅ gbĩ le̱ no̱ le̱ kaselo̱i le̱ ba Iesu ṅõ ame̱babile̱ ake̱: Nẽgbe̱ osumoo̱ ake̱ wo̱-yasā wo̱hão ní oyaye Hehō le̱ ye̱ dše̱i? *2 Mose 12,18-20.

Mateo 26:2

Nyele ake̱ eſe̱ gbĩĩ enyo̱ ní ayeo̱ Hehō le̱, ni aadšie gbomobi le̱ ahã ni ase̱ṅle̱. 20,18.

Marko 14:12

Ni akpĩtĩ gbĩĩ dšudši le̱ amli kleṅkleṅ gbĩ le̱ no̱, beni agbeo̱ Hehō tōbi le̱, ekaselo̱i le̱ bile̱ ake̱: Nẽgbe̱ osumoo̱ ake̱ wo̱yasā nii wo̱to ye̱ ni oye Hehō le̱?

Luka 22:15

Ni ekē̱ame̱ ake̱: Taomo̱ mitaoo̱ ake̱ mike̱nye aye ne̱ke̱ Hehō ne̱ dãni mana amanehũlũ le̱;

Luka 22:8

ni etšũ Petro ke̱ Iohane ni ekē̱: Nyeyaä ni nyeyasāa Hehõ-niyenii le̱ nyetoawo̱, koni wo̱baye.

1 Korintobii 5:7

Nohewo̱ le̱ *nyedšiea mãša momo le̱, koni nyetšṍmo̱ mã́ hē, tamo̱ boni mã́ akpĩtĩ dšinye le̱; edšake̱ agbe †wo̱-Hehō tōbi ní dši Kristo le̱ ahãwo. *2 Mose 13,7. †Ies. 53,7. 1 Pet. 1,19.

5 Mose 12:11

no le̱ heni Iehowa, nye-Nyoṅmo̱ le̱, aahala, koni ehã egbe̱i ahĩ dše̱i le̱, dše̱i noṅṅ nyeke̱ nibii fẽ ní miwoo̱nye he kitã le̱ ayaä, nyešā̃-afo̱lei le̱ ke̱ nyegbẽ-afo̱lei le̱ ke̱ nyenibii amlidšāi nyoṅma mli ekomekome le̱ ke̱ nyeno̱ wómo̱-afo̱lei le̱ ke̱ nofẽno ní nyedšeo̱ gbe̱ nyewoo̱ Iehowa ši le̱;

5 Mose 12:14

ake̱ dša heni Iehowa aahala ye̱ okutšei le̱ ekome mli le̱, dše̱i ošã ošā̃-afo̱lei le̱ ye̱, ni dše̱i ofe nofẽno ní miwoo̱ he kitã le̱ ye̱.

5 Mose 12:18

dša *Iehowa, o-Nyoṅmo̱ le̱, hĩe ke̱ke̱ ye heni Iehowa, o-Nyoṅmo̱ le̱, ehala le̱, dše̱i oye ye̱, bo ke̱ obinū ke̱ obiyō ke̱ owenū ke̱ oweyō ke̱ Levinyo ní yo̱ ogbói le̱ amli le̱, ni omī aše̱ nii ní oke̱ onine taä he le̱ he ye̱ Iehowa, o-Nyoṅmo̱ le̱, hĩe. *14,23.

5 Mose 12:26

Ši onikēnii kroṅkroṅi ke̱ ošiwōnii ni oke̱-bahã le̱, wó ni oke̱-ya heni Iehowa ehala le̱.

5 Mose 12:5

ši moṅ heni Iehowa, nye-Nyoṅmo̱ le̱, aahala ye̱ nyekutšei le̱ fẽ mli ní eke̱ egbe̱i aato dše̱i ni eke̱ dše̱i aafe ešihĩle̱he le̱, dše̱igbe̱ nyeplea ni dše̱i nyeyaä;

5 Mose 15:20

Iehowa, o-Nyoṅmo̱ le̱, hĩe oyeame̱ ye̱ dā afi, ye̱ heni Iehowa ehala le̱, bo ke̱ owe le̱ fẽ. 14,23.

5 Mose 16:1

Ohĩe ahĩ Abib nyõṅ le̱ no̱ ní oye Hehō ye̱ no̱ ohã Iehowa, o-Nyoṅmo̱ le̱, edšake̱ Abib nyõṅ le̱ no̱ Iehowa, o-Nyoṅmo̱ le̱, dšieo ke̱-dše̱ Mizraim *nyõṅ teṅ. *2 Mose 12.

5 Mose 16:3

Oke̱ mãšanii akaye; gbĩĩ kpawo oye akpĩtĩ ní dši amanehũlũ abolo le̱, edšake̱ hedšodšōmo̱ nā odše kpo ke̱-dše̱ Mizraim šikpoṅ le̱ no̱, koni oṅo-kai gbĩ ní odše kpo ke̱-dše̱ Mizraim šikpoṅ le̱ no̱ le̱ owala gbĩĩ abo̱ fẽ.