5 Mose 12:7 - Ṅmãle̱ Kroṅkroṅ Le̱

⁷ Ni nyeye ye̱ dše̱i ye̱ Iehowa, nye-Nyoṅmo̱ le̱, hĩe, ni nyeke̱ nyewei fẽ amī aše̱ nii fẽ ni nyeke̱ nyenidši etăra he le̱ ní Iehowa, nye-Nyoṅmo̱ le̱, edšō̱nye ye̱ mli le̱ he.

ŊMALƐ KRƆŊKRƆŊ LƐ

⁷ Nyɛyea nii lɛ yɛ Yehowa, nyɛNyɔŋmɔ lɛ hiɛ yɛ jɛi, koni nyɛ kɛ nyɛshĩaŋbii fɛɛ amii ashɛ nyɛhe yɛ nyɛninenaa nitsumɔ nii ni Yehowa, nyɛNyɔŋmɔ lɛ, ejɔɔ nɔ lɛ hewɔ.

5 Mose 12:7 ပူးပေါင်းရင်းမြစ်များ

1 Kronika 29:22

Ni nakai gbĩ le̱ ame̱yeyē nii ni ame̱nunū dãi ye̱ Iehowa hĩe ke̱ nyã́mo̱ babaō; ni ame̱sā *ame̱wo Salomo, David bi le̱, maṅtše̱, noni dši ši enye̱, ni ame̱-fo̱le̱ mũ ame̱hã Iehowa ake̱ lumo̱, ke̱ Zadok hũ ake̱ oso̱fo. *28,1.

Nehemia 8:9

Ke̱ke̱ ni Nehemia ní dši *amralo le̱ ke̱ oso̱fo Ezra ni dši woloṅmālo̱ le̱ ke̱ Levibii ní tšõo̱ maṅ le̱ nii le̱ kē̱ maṅ mū le̱ fẽ ake̱: Nme̱ne̱ gbĩ ne̱ ye̱ kroṅkroṅ hã Iehowa, nye-Nyoṅmo̱ le̱; nyekayea ṅko̱mo̱ ni nyekafóa hũ! Edšake̱ maṅ mū le̱ fẽ mīfó, beni amenu mla le̱ mli wiemo̱i le̱. *5,14.

Jajelɔ 3:12

Miyo ale nokonoko be̱ ní hĩ hãame̱ *fè noni ame̱mī aaše̱ ame̱he ni ame̱afe ekpakpa ye̱ ame̱wala le le̱ mli. *2,24.

Jajelɔ 3:13

Ni asaṅ miyo ake̱, ké̱ gbomo-fẽ-gbomo aaye ni enu, ni eye nii kpakpai amli ṅõmo̱ ye̱ edeṅmegbomo̱ fẽ mli le̱, Nyoṅmo̱ nikēnii ni.

Jajelɔ 5:18

Mofẽmo hũ ni Nyoṅmo̱ ehãle̱ šika ke̱ nii babaō, ni ehãle̱ hewale̱ ní eke̱-ye eko, ní eṅõ egbe̱fãṅnõ, ní emī aše̱ ye̱ edeṅmegbomo̱ mli le̱: ene̱ hũ Nyoṅmo̱ nikēnii ni.

Yesaia 23:18

Ši edšrayelinii ke̱ epābō̱nii le̱ aatšṍ kroṅkroṅ ahã Iehowa; atĩaṅ ni ake̱-bo̱ṅ dſetri, ši epābō̱nii le̱ aatšṍ mei ní hĩo̱ ši ye̱ Iehowa hĩe le̱ anõ, ní ame̱ye nii amè̱tŏ̱ro̱, ni ame̱bu mama kpakpa.

Yesaia 62:9

Ši mei ní bua nā le̱ dši mei ní aaye, ni ame̱adsie Iehowa yi; ni mei ni ke̱-ba šĩa le̱ dši mei ní aanu ye̱ mihekroṅkroṅ le̱ kpoi le̱ ano̱.

Ezekiel 44:3

Ši *lumo̱ le̱, etá dše̱i ake̱ lumo̱, ni eye abolo ye̱ Iehowa hĩe; etšṍ agbo le̱ koi ši gbe̱ le̱ ke̱-bote mli, ni etšṍ nakai gbe̱ le̱ noṅṅ ke̱-dše kpo. *45,7.

Yoel 1:16

Nto afio̱ niyenii ke̱-dše̱ wo̱hĩe, ni aflo̱ *nyã́mo̱ ke̱ mliflimo̱ ke̱-dše̱ Nyoṅmo̱ we le̱ hũ? *K. 12. 5 Mose 16,11.

Yoel 2:26

Ni nyeaye nii pī ni nyeatŏ̱ro̱, ni *nyeadšie Iehowa, nye-Nyoṅmo̱ le̱, gbe̱i le̱ yi, edšake̱ eke̱nye eye ye̱ nākpe̱ gbe̱ no̱; ni mimaṅ le̱ hle gbōṅ gbĩkogbĩko. *5 Mose 8,10.

3 Mose 23:40

Ni kleṅkleṅ gbĩ le̱ ne̱ le̱ *nyeṅõa tšeiayibii fe̱fe̱dši ke̱ ble̱oi ke̱ tšei kusūi anidši ke̱ fā nā kpãi, ni nyenyã́a ye̱ Iehowa, nye-Nyoṅmo̱ le̱, hĩe gbĩĩ kpawo. *Neh. 8,14-16.

Maleaki 2:13

Ni noni dši enyo̱ ne̱ hũ nyefeo̱: Nyeke̱ yāfónui ke̱ yāfó ke̱ ntšo̱idõmo̱ haä Iehowa afo̱lešãlate̱ le̱ no̱, ãhū po ni e̱kwe̱e̱ *nikēnii le̱ doṅṅe̱ lo ni e̱ke̱ tšuidšũrõ aahe ye̱ nyede̱ṅ. *1,10.

Bɔfoi 2:46

Ni dā gbĩ le̱ ame̱ke̱ dſẽṅmo̱ kome yaä so̱lemo̱we le̱, ni ame̱kũmo̱kũmoo̱ abolo ye̱ šīai, ni ame̱ke̱ mīše̱ ke̱ tšui kro̱ṅṅ yeo̱ nii, K. 42.

5 Mose 12:12

ni nyemi aše̱a nyehe ye̱ Iehowa, nye-Nyoṅmo̱ le̱, hĩe, nye ke̱ nyebihĩĩ ke̱ nyebiyei ke̱ nyewehĩĩ ke̱ nyeweyei ke̱ *Levinyo ní yo̱ nyegbói le̱ amli le̱ hũ; edšake̱ le̱ le̱ ebe̱ gbe̱fãṅnõ lo gbošinii ko ye̱ nyeteṅ. *4 Mose 18,20. 24.

5 Mose 12:18

dša *Iehowa, o-Nyoṅmo̱ le̱, hĩe ke̱ke̱ ye heni Iehowa, o-Nyoṅmo̱ le̱, ehala le̱, dše̱i oye ye̱, bo ke̱ obinū ke̱ obiyō ke̱ owenū ke̱ oweyō ke̱ Levinyo ní yo̱ ogbói le̱ amli le̱, ni omī aše̱ nii ní oke̱ onine taä he le̱ he ye̱ Iehowa, o-Nyoṅmo̱ le̱, hĩe. *14,23.

5 Mose 12:8

No mli le̱ nyekafea tamo̱ bo̱ni wo̱feo̱ ye̱ bie̱ ṅme̱ne̱ ne̱, ni mofẽmo feo̱ noni sa ehĩe le̱.

5 Mose 14:23

ni oye ye̱ Iehowa, o-Nyoṅmo̱ le̱, hĩe ye̱ heni ehala, koni ehã egbe̱i le̱ ahĩ dše̱i le̱, oble ke̱ owein ke̱ omū le̱ amlidšāi nyoṅma mli ekomekome ke̱ otšinai ke̱ otōi akromo̱bii le̱ fẽ, koni okase Iehowa, o-Nyoṅmo̱ le̱, gbeyeišemo̱ owala gbĩĩ abo fẽ. 12,18.

5 Mose 14:26

ni oṅõ šika le̱ ohe nofẽno ní baä osusuma tšine, tšinai lo tōi lo wein lo dā̃ ní wa lo nofẽno ní otšui heo̱, ní oye ye̱ dše̱i ye̱ Iehowa, o-Nyoṅmo̱ le̱, hĩe, ni omī aše̱ ohe, bo ke̱ owe le̱ fẽ,

5 Mose 15:20

Iehowa, o-Nyoṅmo̱ le̱, hĩe oyeame̱ ye̱ dā afi, ye̱ heni Iehowa ehala le̱, bo ke̱ owe le̱ fẽ. 14,23.

5 Mose 26:11

ni onyã́ nii kpakpai fẽ ní Iehowa, o-Nyoṅmo̱ le̱, ehão ke̱ owe le̱ he, bo ke̱ Levinyo ke̱ gbo̱ ní ke̱o yo̱ le̱. 16,11. 14.

5 Mose 27:7

Ni ošã šidā-afo̱lei ni oye ye̱ dše̱i, ni *omĩ aše̱ ohe ye̱ Iehowa, a-Nyoṅmo̱ le̱, hĩe. *12,7.

5 Mose 28:47

edšake̱ oke̱ mīše̱ ke̱ tšuidšŭrõ súmo̱o̱ Iehowa, o-Nyoṅmo̱ le̱, ye̱ nii ní ona babaō le̱ hewo̱.

Filipibii 4:4

Nyemĩ aše̱a ye̱ Nuṅtšo̱ le̱ mli dā! misā mĩkē̱: Nyemī ašea! 3,1. 2 Kor. 13,11.