5 Mose 12:21 - Ṅmãle̱ Kroṅkroṅ Le̱

²¹ Ké̱ heni Iehowa, o-Nyoṅmo̱ le̱, aahala ní eke̱ egbe̱i aato dše̱i le̱ ke̱o teṅ dšeke̱ le̱, no le̱ gbē otšinai ke̱ otōi ní Iehowa ehão le̱ eko, bo̱ni miwoö kitã le̱, ni oye ye̱ ogbói le̱ amli bo̱fẽbo̱ ní ebaä otšine le̱.

ŊMALƐ KRƆŊKRƆŊ LƐ

²¹ Kɛji nyɛmaji lɛ kɛ he koome ni Yehowa, nyɛNyɔŋmɔ lɛ, eŋɔ akɛ aja lɛ yɛ jɛi lɛ teŋ jɛkɛ lɛ, no lɛ nyɛgbea nyɛtoi kɛ nyɛtsinai lɛ ni Yehowa kɛduro nyɛ lɛ, yɛ nyɛmaji lɛ amli, koni nyɛye bɔ fɛɛ bɔ ni nyɛaanyɛ tamɔ bɔ ni miwo nyɛ ehe kitã lɛ.

5 Mose 12:21 ပူးပေါင်းရင်းမြစ်များ

1 Maŋtsɛmɛi 14:21

Ši Rehabeam, Salomo bi le̱, ye maṅtše̱ ye̱ *Iuda. Rehabeam eye afii nyoṅmai-edſe̱ ke̱ ekome, beni ebõi maṅtše̱ le̱ yeli le̱, ni eye maṅtše̱ le̱ afii nyoṅma ke̱ kpawo ye̱ Ierusalem, ni dši maṅ ní Iehowa hala ye̱ Israel akutšei le̱ fẽ teṅ, ni eṅõ egbe̱i eto dše̱i le̱. Ni enye gbe̱i dši Naama, Amonyō le̱. *12,17.

2 Kronika 12:13

Ni maṅtše̱ Rehabeam wadše ehe ye̱ Ierusalem, ni eye maṅtše̱ le̱. Ni Rehabeam eye afii nyoṅmai-edſe̱ ke̱ ekome, beni ebabõi maṅtše̱yeli le̱, ni eye maṅtše̱ le̱ afii nyoṅma ke̱ kpawo ye̱ Ierusalem, ni dši maṅ ní Iehowa ehala ye̱ Israel akutšei le̱ fẽ ateṅ, ni eke̱ *egbe̱i ato dše̱i le̱. Ni enye gbe̱i dši Naama, Amonyō le̱. *6,20.

Ezra 6:12

Ni Nyoṅmo̱, ní eṅõ egbe̱i eto dše̱i le̱, abutu maṅtše̱-fẽ-maṅtše̱ ke̱ maṅ-fẽ-maṅ ni aakpã enine mli ni eke̱-tšake ene̱ hĩe ni ekũmo̱ ne̱ke̱ Nyoṅmo̱ we ne̱ ni yo̱ Ierusalem le̱. Mi, Dario, miwo akpo̱ ne̱, ní aye ne̱ pe̱pē̱pe̱!

2 Mose 20:24

*Sũ-afo̱lešãlate̱ ofe ohãmi, ni ošā̃-afo̱lei le̱ ke̱ ošidā-afo̱lei le̱, ogwanteṅi le̱ ke̱ otšinai le̱ ošã ye̱ no̱; hefẽhe ní mahã akai migbe̱i le̱ ye̱ le̱, †maba oṅõ; ni madšō̱o. *27,1. 8. †29,42. 43. 5 Mose 12,6.

5 Mose 12:11

no le̱ heni Iehowa, nye-Nyoṅmo̱ le̱, aahala, koni ehã egbe̱i ahĩ dše̱i le̱, dše̱i noṅṅ nyeke̱ nibii fẽ ní miwoo̱nye he kitã le̱ ayaä, nyešā̃-afo̱lei le̱ ke̱ nyegbẽ-afo̱lei le̱ ke̱ nyenibii amlidšāi nyoṅma mli ekomekome le̱ ke̱ nyeno̱ wómo̱-afo̱lei le̱ ke̱ nofẽno ní nyedšeo̱ gbe̱ nyewoo̱ Iehowa ši le̱;

5 Mose 12:15

Ši kẽle̱ lō-fẽ-lō ní baä otšine le̱, gbē ní oye ye̱ ogbói le̱ fẽ mli, bo̱fẽbo̱ ní Iehowa, o-Nyoṅmo̱ le̱, edšō̱o ehã le̱, moni he tšee ke̱ moni he tše fẽ aye eko, take̱ *bāyelo̱ lo ofrote ne̱ke̱. *K. 22; 14,5.

5 Mose 12:20

Ke̱ Iehowa, o-Nyoṅmo̱ le̱, lē̱ ohũsũi le̱ amli, take̱ bo̱ni ewoö ši le̱, ni okē̱ ake̱: Maye lō! edšake̱ ēba otšine ake̱ oye lō le̱, no le̱ oye̱ hegbe̱ ake̱ oye lō bo̱fẽbo̱ ní baä otšine.

5 Mose 12:22

Bo̱ni ayeo̱ bāyelo̱ lo ofrote le̱, nakai oye no hũ, moni he tšee aye tamo̱ moni he tše le̱ noṅṅ. K. 15.

5 Mose 12:5

ši moṅ heni Iehowa, nye-Nyoṅmo̱ le̱, aahala ye̱ nyekutšei le̱ fẽ mli ní eke̱ egbe̱i aato dše̱i ni eke̱ dše̱i aafe ešihĩle̱he le̱, dše̱igbe̱ nyeplea ni dše̱i nyeyaä;

5 Mose 16:11

ni omī aše̱ ohe ye̱ Iehowa, o-Nyoṅmo̱ le̱, hĩe, bo ke̱ obinū ke̱ obiyō ke̱ owenū ke̱ oweyō ke̱ Levinyo ní yo̱ ogbói le̱ amli ke̱ gbo̱ ke̱ awusã ke̱ okũlafo ní yo̱ nyeteṅ, *ye̱ heni Iehowa, o-Nyoṅmo̱ le̱, ehala ní ehã egbe̱i ahĩ dše̱i le̱. *K. 16. 2 Mose 20,24.

5 Mose 16:6

ake̱ dša ye̱ heni Iehowa, o-Nyoṅmo̱ le̱, ehala ní eṅõ egbe̱i eto dše̱i le̱, dše̱i ogbe Hehō le̱ ye̱, gbe̱ke̱nāši, beni hũlũ yanyõ ši le̱, beyino̱ ní odše Mizraim le̱.

5 Mose 26:2

*oṅõ šikpoṅ le̱ no̱ kleṅkleṅ nibanii ní ookpa ye̱ ošikpoṅ ní Iehowa, o-Nyoṅmo̱ le̱, ṅõ-hãao le̱ no̱ le̱ eko, ni oṅõ-wo kafũ mli ni oke̱-ya heni Iehowa, o-Nyoṅmo̱ le̱, ehala, koni ehã egbe̱i ahĩ dše̱i le̱; *2 Mose 23,19; 34,23. 3 Mose 2,14.