5 Mose 11:17 - Ṅmãle̱ Kroṅkroṅ Le̱

¹⁷ ni Iehowa mli akafũnye, ní eṅá ṅwei nā, koni nyoṅmo̱ akane̱, ni šikpoṅ le̱ baa edeṅ nibale̱, ni nyehĩe bakpãtã amrõ ke̱-dše̱ šikpoṅ kpakpa ní Iehowa ke̱-hãanye ne̱ no̱. 3 Mose 26,19. 5 Mose 28,23.

ŊMALƐ KRƆŊKRƆŊ LƐ

¹⁷ Kɛji nyɛfee nɛkɛ nɔ ko lɛ, Yehowa mli baafu nyɛ, ni ebaatsi nu naa, ni nu enɛŋ, ni shikpɔŋ lɛ baŋ nii, ni nyɛhiɛ baakpãtã oya yɛ shikpɔŋ kpakpa ni Yehowa kɛhã nyɛ lɛ nɔ.

5 Mose 11:17 ပူးပေါင်းရင်းမြစ်များ

1 Maŋtsɛmɛi 17:1

Ni Elia, Tišbinyo le̱, ni dše̱ Gileadbii le̱ ateṅ le̱, bakē̱ Ahab ake̱: Gbĩĩabo̱ ní Iehowa, Israel Nyoṅmo̱ le̱, mo hĩe ni midamoo̱ le̱, hĩe kã ne̱, *ke̱dši bó̱ lo nyoṅmo̱ aane̱ ye̱ afii ne̱ amli fĩ, dša mi miwie! *Iak. 6,17. Kpods. 11,6.

1 Maŋtsɛmɛi 8:35

Ke̱dši *aṅã́ ṅwei nā ní nyoṅmo̱ ene̱e̱, ye̱ eša ko ní ame̱fe ame̱šio hewo̱, ni ame̱baso̱le ye̱ bie̱, ni ame̱bo ame̱tšé̱ ogbe̱i, ni ame̱kpale ke̱-dše̱ ame̱he eša le̱ he, ye̱ pīmo̱ ní opĩame̱ le̱ hewo̱ le̱: *17,1.

2 Kronika 6:26

Ke̱dši *aṅã́ ṅwei nā ni nyoṅmo̱ ene̱e̱, ye̱ eša ko ní ame̱fe ame̱šio hewo, ni ame̱baso̱le ye̱ bie̱ ni ame̱bo ame̱tšé̱ ogbe̱i, ni ame̱kpale ke̱-dše̱ amehe eša le̱ he, ye̱ pĩmo̱ ní opīame̱ le̱ hewo̱ le̱: *5 Mose 28,23. 24.

2 Kronika 7:13

Na, kē̱ miṅã́ ṅwei nā ni nyoṅmo̱ ene̱e̱, alo mifã́ bālabii ni ame̱baye šikpoṅ le̱ no̱ nii, alo mihã gbĕle-hela ba mimaṅbii le̱ ateṅ,

Hiob 12:15

Na, *etšĩo̱ nui anā, ni ame̱mĩo̱; ni esā eṅmẽo̱ame̱ gbe, ni †ame̱butuo šikpoṅ. *1 Maṅ. 17,1. 7. †1 Mose 7,19-23.

3 Mose 26:19

ni makũme̱ nyehewō ke̱ nyekue̱ṅwale̱ le̱, ni mahã *nyeṅwei le̱ atšṍ tamo̱ dade, ni nyešikpoṅ le̱ hũ aatšṍ tamo̱ akō̱ble. *5 Mose 11,17. 1 Maṅ. 17,1.

3 Mose 26:20

Ni nyeagbo yaka deṅme, edšake̱ nyešikpoṅ le̱ baṅ edeṅ nibale̱, ni šikpoṅ le̱ no̱ tšei le̱ woṅ yibii.

Amos 4:7

Ni asaṅ, beni eſe̱ nyõdši etẽ ni akpaä nii le̱, *mihãã nyoṅmo̱ ane̱nye, ni mihã nyoṅmo̱ ne̱ maṅ kome no̱, ši mihãã ene̱ maṅ kroko le̱ no̱: ene̱ ṅmõ kome no̱, ni ṅmõ ní ene̱e̱ no̱ le̱ mli nii ṅălã. *1 Maṅ. 17,1.

5 Mose 31:20

Edšake̱ ké̱ mike̱ame̱ yaše̱ šikpoṅ ní fufo̱ ke̱ wò hoo̱ ye̱ no̱ ní mikã ametše̱mei le̱ akitã ye̱ he le̱ no̱, ni ame̱ye ni ame̱tŏ̱ro̱ ni *ame̱ſiſī le̱, ke̱ke̱ le̱ ame̱akpale ke̱-ate nyoṅmo̱i krokomei aṅõ, ni ame̱asúmo̱ame̱, ni ame̱agbe mihe guo̱ ni ame̱akũ mikpãṅmo̱ le̱ mli. *32,15.

5 Mose 4:26

no le̱ ṅme̱ne̱ *mītšé̱ ṅwei ke̱ šikpoṅ ní ame̱ye odase ame̱šinye, ake̱ kpãtãmo̱ nyehĩe bakpãtã oyá ke̱-adše̱ šikpoṅ ní nyebafo Iordan ke̱-ya ní nyeyaṅō le̱ no̱; nyeyeṅ gbĩ ko ye̱ no̱, ši moṅ kpãtãmo̱ aakpãtã nyehĩe. 30,19; 31,28; 32,1.

5 Mose 6:15

Edšake̱ Mawu *awuṅãyelo̱ dši Iehowa, o-Nyoṅmo̱ le̱, ní yo̱ oteṅ le̱, koni Iehowa, o-Nyoṅmo̱ le̱, mli akawoö la, ní ekpãtã ohĩe ke̱-dše̱ šikpoṅ le̱ no̱. *2 Mose 20,5.

5 Mose 9:19

Edšake̱ *mĩše Iehowa mlifũ ke̱ mlila ní Iehowa ke̱-gri ewonye ní eke̱-bakpãtã nyehĩe le̱ gbeyei. Ši Iehowa bomi toi ye̱ nakai be le̱ mli hũ. *Heb. 12,21.