4 Mose 5:18 - Ṅmãle̱ Kroṅkroṅ Le̱

¹⁸ ni oso̱fo le̱ ahã yō le̱ abadamo̱ Iehowa hĩe, ní efẽne eyitšoi le̱, ni enõ šidšiemo̱ niyenii-afo̱le ní dši awuṅãyeli niyenii-afo̱le le̱ ewo edeṅ; ni oso̱fo le̱ ahĩe nu ke̱ dšōmo̱ ní ke̱ lōmo̱ baä le̱ ye̱ edeṅ;

ŊMALƐ KRƆŊKRƆŊ LƐ

¹⁸ Agbɛnɛ osɔfo lɛ afɛne yoo lɛ yitsɔi yɛ eyiteŋ beiaŋ ni edamɔ Yehowa afɔleshãa latɛ lɛ hiɛ lɛ, ni ekɛ mamu, ni ji niyenii afɔle ni akɛjieɔ mɔ shi lɛ, ahã yoo lɛ ni ehiɛ. Osɔfo lɛ ahiɛ nu ni joɔ ni gbalaa loomɔ kɛbaa lɛ,

4 Mose 5:18 ပူးပေါင်းရင်းမြစ်များ

Abe̱i 5:4

ši enāgbē dšōo̱ tamo̱ tatšo, enā ba tamo̱ klante ke̱ enā nta.

Jajelɔ 7:26

Ni mina ake̱ noko ní dšṍo̱ fè gbĕle dši yō ní etšui le̱ tšõnei ke̱ yāi ni, ni enidši tamo̱ kpãi. Moni sa Nyoṅmo̱ hĩe le̱ aadše odeṅ, ši ešafelo̱ le̱ eedùle̱. Abe̱i 2,16-22.

Yesaia 38:17

Na, mihedso̱le̱-námo̱ hewo̱ mina dšōmo̱ babaō! ši suomo̱ ní osumoo̱ misusuma hewo̱ le̱, odšiele̱ ke̱-dše̱ fitemo̱ bu le̱ mli; edšake̱ *oše̱re̱ mihe ešai le fẽ oſie ose̱! *Lal. 32,1. 2. Mika 7,18. 19.

Yeremia 2:19

Bodientše̱ onifõdšianii aagbla otoi, ni ose̱se̱yā le̱ hũ aakã ohĩe; hewo̱ le̱ ná ole ni oyo ake̱ kwa ni okwa Iehowa, o-Nyoṅmo̱ le̱, ke̱ migbeyeišemo̱ ní be̱ omli le̱ edši nõfõṅ ke̱ noni dšōo̱, Nuṅtšo̱, Iehowa Zebaot, kē̱!

3 Mose 13:45

Agbe̱ne̱ kpitiyelo̱ le̱ ní hela le̱ yo̱ ehe le̱ agbla etadei ní enyie eyitšo flo, ni eha enābui ano̱ ni eblo̱ ake: Mihe tšee! mihe tšee!

4 Mose 5:15

no le̱ nū le̱ ke̱ eṅã le̱ aba oso̱fo le̱ ṅõ, ni eke̱ ehe afo̱le ní dši akoko mã efa mlidšāi nyoṅma mli ekome aba ye̱ ehewo̱; ekafo̱se mũ eſie no̱ ni asaṅ ekaṅõ kro̱bo̱o efo no̱; edšake̱ awuṅãyeli he niyenii-afo̱le ni, ke̱ niyenii-afo̱le ní ake̱-dšieo̱ nõša ši.

4 Mose 5:17

Ni oso̱fo le̱ aye̱ *nu kroṅkroṅ le̱ eko awo sũ kpulu ko mli, ni ekpītĩ šihĩle̱he šikpoṅ le̱ no̱ sũ le̱ eko ewo nu le̱ mli; *2 Mose 30,18.

4 Mose 5:19

ni oso̱fo le̱ akã kitã afõ yō le̱ no̱ ni ekē̱le̱ ake̱: Ke̱dši nū ko ke̱o wo̱ko, ni ke̱dši odšeko owú se̱ owoko ohe mũdši le̱, no le̱ ohe adše ne̱ke̱ nu ke̱ dšōmo̱ nó ke̱ lōmo̱ baä ne̱ mli;

4 Mose 5:22

ni ne̱ke̱ nu ní ke̱ lōmo̱ baä le̱ abote omlinii amli ni ehã omũsũ afũ ni oſŭo̱dši ašra! Ni yō le̱ ake: Amen! Amen! (Hiao! Hiao!)

1 Korintobii 11:15

ši yō le̱, ke̱dši eṅmẽ eyi kusū le̱, edši anumnyam hãle̱? edšake̱ ake̱ yitšo̱i le̱ hãle̱ ake̱ hehanõ.

1 Korintobii 11:6

Edšake̱ ké̱ yō le̱ ehaa eyi no̱ le̱, hã ní eku eyi hũ mo̱; ši ké̱ ēfele̱ hĩegbĕle ake̱ eeku eyi lo eeše̱ eyi le̱, hã ní eha eyi no̱.

5 Mose 29:18

Ni ebaba mli ake̱, ké̱ enu ne̱ke̱ kitã ne̱ wiemoi le̱, ní ehã ehe tšui, ekē̱: Minyie mitsui wadšemo̱ mli moṅ, kẽle̱ mihe badšo̱mi; ní abafite moni eto̱ kpo̱tō̱ le̱ ke̱ moni kũmai yeo̱le̱ le̱ fẽ šikome!

Hebribii 13:4

Awo gblã hĩe nyam ye̱ nyefẽ nyeteṅ, ni akabule gblãsā hũ; ši adſamaṅbo̱lo̱i ke̱ gblaṅkũolo̱i le̱, Nyoṅmo̱ bakodšoame̱. Gal. 5,19. 21. Ef. 5,5.

1 Samuel 15:32

Ni Samuel kē̱: Nyeke̱ Agag, Amalekbii amaṅtše̱ le̱, abaä miṅõ! Ni Agag ba eṅõ ke̱ mīše̱. Ni Agag kē̱: Le̱le̱ṅ, ake̱ gbĕle dšōmo̱ le̱ efoṅ ke̱-te!