4 Mose 32:29 - Ṅmãle̱ Kroṅkroṅ Le̱

²⁹ Ni Mose kē̱ame̱ ake̱: *Ke̱dši Gadbii le̱ ke̱ Rubenbii le̱ kenye aafo Iordan, ni ame̱teṅ mofẽmo aasã ehe ahã ta ke̱-nyie Iehowa hĩe, ni nyeaaye šikpoṅ le̱ no̱ le̱, no le̱ nyeṅõa Gilead šikpoṅ le̱ nyehãa-ame̱ ake̱ ame̱gbe̱fãṅnõ; *Ios. 4,12.

ŊMALƐ KRƆŊKRƆŊ LƐ

²⁹ “Kɛji Gad hii lɛ kɛ Ruben hii lɛ kɛ nyɛ aaafo Yordan lɛ, ni amɛteŋ hii fɛɛ aaawa nyɛ kɛwu ta lɛ yɛ Yehowa hiɛ, ni nyɛaaye shikpɔŋ lɛ nɔ lɛ, nyɛkɛ Gilead shikpɔŋ lɛ ahãa amɛ akɛ amɛgbɛfaŋnɔ.

4 Mose 32:29 ပူးပေါင်းရင်းမြစ်များ

4 Mose 32:17

ši wo le̱ wo̱o̱sā wohe ní wo̱he afe oyá ke̱-tšṍ Israelbii le̱ ahĩe ke̱-yaši beyino̱ ní wo̱ke̱ame̱ aayaše̱ ame̱gbe̱he le̱. Ši šikpoṅ le̱ no̱ bii le̱ ahewo le̱ wo̱bii abifabii le̱ ahĩ mãdši ní atſa gbogbo awo he le̱ amli.

4 Mose 32:28

Ke̱ke̱ ni Mose wo oso̱fo Eleazar ke̱ Iošua, Nun bi le̱, ke̱ Israelbii akutšei le̱ ano̱ onukpai le̱ akitã ye̱ ame̱hewo̱.

4 Mose 32:30

ši ke̱dši ame̱sāā ame̱he ní ame̱ke̱nye afo mli ke̱-ya le̱, no le̱ ame̱ná ame̱gbe̱-fãṅnõ ye̱ nyeteṅ ye̱ Kanaan šikpoṅ le̱ no̱.

Yoshua 12:6

Iehowa tšũlo̱ Mose ke̱ Israelbii le̱ gbeame̱; ni Iehowa tšũlo̱ Mose ṅõ *šikpoṅ le̱ ehã Rubenbii le̱ ke̱ Gadbii le̱ ke̱ Manase akutšo le̱ fã le̱ ake̱ ame̱nõ. *4 Mose 32,33.

Yoshua 13:11

ke̱ Gilead ke̱ Gešurbii ke̱ Maakatbii ahũsũ le̱ nä, ke̱ Hermon goṅ le̱ ſẽ ke̱ Bašan fẽ ke̱-yaši Salka;

Yoshua 14:3

Edšake̱ Mose ehã akutšei enyo̱ ke̱ fã le̱ ame̱gbe̱fãṅnõ ye̱ Iordan se̱, ši Levibii le̱ ehããame̱ gbe̱fãṅnõ ko ye̱ ame̱teṅ. 12,14-22.

Yoshua 18:7

Ši *Levibii le̱ náṅ gbe̱fãṅnõ ko ye̱ nyeteṅ; edšake̱ Iehowa oso̱foyeli le̱ dši ame̱gbe̱fãṅnõ; ni Gad ke̱ Ruben ke̱ Manase akutšo le̱ fã le̱ ená ame̱gbe̱fãṅnii ye̱ Iordan se̱ ye̱ bokãgbe̱, heni Iehowa tšũlo̱ Mose ṅõ-hãame̱ le̱. 13,14-33.

Yoshua 22:9

Ke̱ke̱ ni Rubenbii le̱ ke̱ Gadbii le̱ ke̱ Manase akutšo le̱ fã le̱ kũ ame̱se̱ ni ame̱yiṅ ke̱-dše̱ Israelbii le̱ aṅõ ye̱ Šilo ye̱ Kanaan šikpoṅ le̱ no̱, koni ame̱ya Gilead šikpoṅ ni dši ame̱gbe̱fãṅnõ ní ame̱na ye̱ Iehowa wiemo̱ ni etšṍ Mose no̱ ewie le̱ nā le̱ no̱.

Kojolɔi 10:3

Ni ese̱ le̱ *Iair, Gileadnyo le̱, te ši, ni ekodšo Israel afii nyoṅmai-enyo̱ ke̱ enyo̱. *4 Mose 32,41.

1 Samuel 18:17

Ni Saul kē̱ David ake̱: Na mibiyō nukpa Merab le̱, mike̱le̱ bahão gblã; bo le̱ femo̱ ekã ohãmi ke̱ke̱, ni owu Iehowa tai le̱! Edšake̱ Saul kē̱: Mi le̱ minine akata ehe, ši Filistibii le̱ moṅ anine ágbele̱!