4 Mose 31:2 - Ṅmãle̱ Kroṅkroṅ Le̱

² To̱ *Israelbii le̱ ahe owele ye̱ Midianbii le̱ ano̱, †dãni abua onā afata omei le̱ ahe. *26,17. †27,13.

ŊMALƐ KRƆŊKRƆŊ LƐ

² “Yaatɔ Israelbii ahe owele yɛ Midianbii lɛ anɔ. Oweletɔɔ lɛ sɛɛ lɛ obaagbo.”

4 Mose 31:2 ပူးပေါင်းရင်းမြစ်များ

1 Mose 15:15

Ki bo le̱ oote otše̱mei le̱ aṅõ ye̱ hedšo̱le̱ mli, aafũo ye̱ gbo̱le̱ kpakpa mli.

1 Mose 25:17

Afii aho̱ ní Išmael ye ne̱: afii oha ke̱ nyoṅmai-etẽ ke̱ kpawo; ni egbo̱ kotokoto, ni egbo ni abua enā afata emei le̱ ahe.

1 Mose 25:8

Ni Abraham gbo̱ kotokoto ni egbo ye̱ gbo̱le̱ kpakpa mli, nūmoṅ ni eye afii pī, ni abua enā afata emei le̱ ahe. 15,15. Hiob 6,26.

2 Mose 2:16

Agbene *Midian oso̱fo le̱ ye̱ biyei kpawo; ni ameba amebagbla nu ame̱wo nunumo̱-ahĩmai le̱ obõbõ, ní ame̱tše̱ tōi le̱ anu. *3,1.

Yesaia 1:24

Nohewo le̱ Nuṅtšo̱, Iehowa Zebaot, Israel hewalo̱ le̱ wiemo̱ ne̱: Ao! maye mihe ke̱-adše̱ mihaolo̱i le̱ adeṅ, ni mato mihe owele ye̱ mihenye̱lo̱i le̱ ano̱!

Nahum 1:2

Mawu *awuṅãyelo̱ ke̱ oweleto̱lo̱ dši Iehowa; oweleto̱lo̱ dši Iehowa, ni emlifũ wa. Oweleto̱lo̱ dši Iehowa hā ehetšẽlo̱i, ni eke̱-too̱ ehãa ehenye̱lo̱i. *2 Mose 20,6. 5 Mose 4,24.

4 Mose 20:24

Ababua Aaron nā afata emei le̱ ahe; edšake̱ enãdši enyo̱ yiṅ šikpoṅ ní miṅõ-hã Israelbii le̱ no̱, edšake̱ nyeboo midāṅ wiemo̱ le̱ toi ye̱ Meriba nu le̱ he.

4 Mose 20:26

ni odšie Aaron atadei le̱ ye̱ ehe, ni *oke̱-wo ebinū Eleazar. Ni aabua Aaron nā [aafata emei le̱ ahe], ni eegbo ye̱ dše̱i. *3 Mose 21,10.

4 Mose 25:1

Ni beni Israel yo̱ Šitim le̱, maṅ le̱ ke̱ Moab biyei le̱ bõi adſamaṅbō̱;

4 Mose 25:6

Ni na, Israelbii le̱ ateṅ nū ko yakpla Midianyō ko ke̱-ba enyemimei le̱ aṅõ ye̱ Mose ke̱ Israelbii asafo mũ le̱ fẽ hĩe, beni ame̱ le̱ ame̱fóo̱ ye̱ kpē-bē le̱ šĩnä le̱ nā le̱.

4 Mose 27:13

Ni ke̱ okwe̱ ogbe nā le̱, bo hũ aabua onā afata omei le̱ ahe, take̱ bo̱ni *abua onyemi Aaron hũ nā le̱; *20,24. 28.

4 Mose 31:1

Ni Iehowa ke̱ Mose wie ni ekē̱:

4 Mose 31:3

Ni Mose ke̱ maṅ le̱ wie ake̱: Nyeteṅ hĩĩ le̱ asā ame̱he ahã tayā, koni ame̱ke̱ Midianbii le̱ ayawu, ni ame̱ke̱ Iehowa oweletō̱ aba Midianbii le̱ ano̱.

Luka 21:22

Edšake̱ *oweletō̱ gbĩĩ le̱ ne̱, koni nibii fẽ ní aṅmã le̱ aba mli. *Ier. 5,29.

Bɔfoi 13:36

Edšake̱ David le̱, beni etšu Nyoṅmo̱ yiṅtō nā nii ye̱ eyino̱ le̱, etšṍ mli ewo̱, ni aṅõle̱ afata etše̱mei le̱ ahe, ni ena fitemo̱. 2,29.

Romabii 12:19

Suolo̱i, *nyekato̱a nyedientše̱ nyehe owele, ši moṅ nyeṅmẽa mlifũ le̱ gbe̱; edšake̱ †aṅmã ake̱: “Minõ dši oweletō̱, mi mato nãdšiaṅ, Nuṅtšo̱ le̱ kē̱.” *3 Mose 19,18. Mat. 5,39. †5 Mose 32,35.

Romabii 13:4

edšake̱ *Nyoṅmo̱ súolo̱ dšile̱ ye̱ ohewo̱, koni ahĩ ahão. Ši ke̱dši ofe noni dši efõṅ le̱, še gbeyei! edšake̱ dšee yaka ehĩe tši le̱; ši edši Nyoṅmo̱ súolo̱ ni ke̱ mlifũ to̱ö̱ owele ye̱ moni tšuo̱ nifõdšianii le̱ no̱. *Lal. 82,6.

5 Mose 32:35

Mi *minõ dši oweletō̱ ke̱ nyõmo̱wo, beni ame̱nane aašãne le̱. Edšake̱ ame̱hĩekpãtãmo̱ gbĩ ebe̱ṅke̱, ni nii ní baba ame̱no̱ le̱ baba oyá. *Lal. 94,1. Rom. 12,19. Heb. 10,30.

5 Mose 4:22

Edšake̱ mi le̱ mibagbo ye̱ bie̱ šikpoṅ ne̱ no̱ ni mifoṅ Iordan; ši nye le̱ nyebafo ní nyeyanõ nakai šikpoṅ kpakpa le̱.

1 Tesalonikabii 4:6

koni moko akaye enyemi amim ni ešišiule̱ ye̱ sane ko mli, edšake̱ ene̱mei fẽ ahe oweleto̱lo̱ dši Nuṅtšo̱ le̱, take̱ bo̱ni wo̱kē̱nye wo̱to ni wo̱ye be odase le̱.

Hebribii 10:30

Edšake̱ wo̱le moni kē̱ ake̱: *“Minõ dši oweletō̱, mi mawo he nyõmo̱”. Ni asaṅ: “Nuṅtšo̱ le̱ aakodso le̱dientše̱ emaṅ le̱.” *5 Mose 32,35. 36.

Kpojiemɔ 18:20

Bo ṅwei, ke̱ nye kroṅkroṅbii ke̱ bo̱foi ke̱ gbalo̱i, *nyenyie ye̱ ehewo̱, edšake̱ Nyoṅmo̱ ekodšole̱ ehãnye. *Ies. 44,23. Ier. 51.48.

Kpojiemɔ 19:2

Edšake̱ *ano̱kwa ke̱ dšale̱ dši ekodšomo̱i le̱, ake̱-ní ekodšo adſamaṅ kpeteṅkple le̱ ní ke̱ edſamaṅbō̱ le̱ efite šikpoṅ le̱, ni †eto̱ etšũdši le̱ alá le̱ he owele ye̱ eno̱ le̱. *16,7. †6,10. 5 Mose 32,13.

Kpojiemɔ 6:10

ni *ame̱blo̱ ke̱ gbē wā ake̱: Owura kroṅkroṅ ke̱ ano̱kwafo, †mẽ beyino̱ po ookodšo ní ooto̱ wo̱lá le̱ he owele ye̱ mei ní hĩo̱ šikpoṅ le̱ no̱ le̱ ano̱? *1 Mose 4,10. †Kpods. 18,10.

Kojolɔi 16:24

Ni beni maṅ le̱ nale̱ le̱, ame̱dšie ame̱nyoṅmo̱ le̱ yi ame̱kē̱: Wo̱nyoṅmo̱ le̱ eṅõ wo̱henye̱lo̱ le̱ ke̱ wo̱šikpoṅ le̱ hĩekpãtãlo̱ ní egbegbē wo̱teṅ mei babaō le̱ ewo wo̱deṅ!

Kojolɔi 2:10

Ni abua nakai yino̱bii le̱ hũ fẽ nā afata ame̱tše̱mei le̱ ahe; ni yino̱ kroko bate ši ye̱ ame̱se̱, mei ní lee Iehowa alo enitšumo̱i ní etšu eha Israel le̱.