4 Mose 19:9 - Ṅmãle̱ Kroṅkroṅ Le̱

⁹ Ni moko ní he tše alō tšinayō le̱ lamlu le̱, ni eke̱-yaſie nsra le̱ se̱ ye̱ heko ní tše, ni ake̱-to ní ake̱-fe hetšūmo̱nu ahã Israelbii asafo le̱; eša-afo̱le ni.

ŊMALƐ KRƆŊKRƆŊ LƐ

⁹ Kɛkɛ lɛ mɔ ko ni he tse aloo tsinayoo lɛ lamlu lɛ, ni ekɛya shitoohe lɛ sɛɛ he ko ni tse koni akɛ lamlu lɛ ayato jɛi. Akɛ lamlu nɛɛ awo nu ni akɛtsuɔ mɔ he akɛdãiɔ esha ni afee yɛ Israel lɛ mli. Enɛ ji hetsuumɔ afɔle.

4 Mose 19:9 ပူးပေါင်းရင်းမြစ်များ

3 Mose 15:20

Ni nofẽno ní ekã no̱ gbĩĩ abo̱ ní ete tšũi ase̱ le̱ he tšee, ni nofẽno ní etá no̱ hũ he tšee.

Zakaria 13:1

Nakai gbĩ le̱ no̱ le̱ aagble *nuhĩṅme̱i nā ahã David we le̱ ke̱ Ierusalembü le̱ ye̱ eša ke̱ hebulemo̱ hewo̱. *Ies. 12,3; 55,1.

4 Mose 19:13

Mofẽmo ní aata gbomo ko gbonyo he ni etšūū ehe ke̱-dše̱e̱ ehe eša le̱ mli le̱, *ebule Iehowa šihĩle̱he le̱, ni aafo nakai mo le̱ ye̱ Israel aše̱ afõ; edšake̱ atšẽṅeko hetšūmo̱nu le̱ aſãko ene̱ hewo̱ le̱, ehe tšee; ehe mũdši le̱ ye̱ ehe lolo. *3 Mose 15,31.

4 Mose 19:17

Ni moni he tšee le̱ hewo̱ le̱ aṅõ eša-afo̱le ní ašã le̱ lamlu le̱ eko, ni aṅõ nu ni hoo̱ aſie no̱ ye̱ nõ mli.

4 Mose 19:18

Ni moko ní he tše aṅõ hisopo atšo̱ nu le̱ mli, ni eke̱-ſã bũ le̱ ke̱ emli nii le̱ fẽ ke̱ gbomei fẽ ní yo̱ dše̱i le̱ ano̱, ke̱ moni eyata gbonyowu ko lo moni enyõ lo gbonyo ko lo gbonyobu ko he le̱ no̱.

4 Mose 19:3

ni nyeke̱le̱ ahã oso̱fo Eleazar, ni eke̱le̱ adše kpo ke̱-ya nsra le̱ se̱, ni moko agbele̱ ye̱ ehĩe.

4 Mose 19:8

Ni moni šãle̱ le̱ ke̱ nu afo̱ etadei ahe, ni eke̱ nu adšu ehe, ni ehe tšeṅ ke̱-yaši gbe̱ke̱.

4 Mose 6:12

Ni edšō̱ ehe no̱ ehã Iehowa ekoṅ gbĩĩ abo ní ewo ši tšutšu le̱, ni eke̱ tōgwanteṅbinū ní eye afi aba abašã sõ-afo̱le; ši tšutšu gbĩĩ le̱ afe yaka, edšake̱ abule eheno̱dšō̱mo̱ le̱.

4 Mose 8:7

Ni bo̱ni ofeame̱ ní oke̱-tšū ame̱he ne̱: Ṅõ *eša dšiemo̱ nu oſã ame̱no̱, ni †ame̱še̱ ame̱he fẽ ke̱ asōyi, ni ame̱fo̱ ame̱tadei ahe, ní amehe atše. *5,17; 13,3. 17. †3 Mose 14,8.

4 Mose 9:13

Ši moni he tše ni edomko, ši kẽle̱ ekwa Hehō le̱ yeli le̱, nakai mo le̱ aafole̱ ke̱-dše̱ emã le̱ṅ aše̱ afõ, edšake̱ eke̱ Iehowa nikēnii le̱ baa ye̱ be ní ato le̱ mli; nakai gbomo le̱ atĕre ehe eša le̱.

2 Korintobii 5:21

Edšake̱ *moni lee eša le̱, wo̱hewo̱ le̱ ehã etšṍ †eša, koni wo̱ le̱ wo̱tšṍmo̱ **Nyoṅmo̱ dšale̱ ye̱ emli. *Heb. 4,15. †Gal. 3,13. **1 Kor. 1,30. Fil. 3,9.

2 Korintobii 7:1

Agbene̱, nye mei ní asumoo̱nye, ake̱ noni wó̱ná ne̱ke̱ šiwōi ne̱ hewo̱ le̱, nyehãa wo̱tšūa wo̱he ke̱-dše̱a helo ke̱ mumo̱ fẽ he mũdši mli, ni wo̱gbe hetšemo̱ nā ye̱ Nyoṅmo̱ gbeyeišemo̱ mli.

Hebribii 7:26

Edšake̱ oso̱fonukpa ní sawo̱ pe̱ ne̱: moni he tše, ní efõṅ ko be̱ ehe, ni ehé be̱ kpa ko, ní etše ehe ke̱-dše̱ ešafelo̱i ahe, ní awo eno̱ ahā ekwo̱ fè ṅweii; *4,14.

Hebribii 9:13

Edšake̱ ké̱ *tšinai ke̱ tōkpakpoi alá ke̱ tšinayō †lamlu ní atšo̱ö̱ aſãa mei ní ebule ame̱he le̱ ano̱ le̱ tšūo̱ ame̱he ni ame̱he tšeo̱ ye̱ helo gbe̱fãṅ le̱: *3 Mose 16,14. 15. †4 Mose 19,9.