4 Mose 18:5 - Ṅmãle̱ Kroṅkroṅ Le̱

⁵ Ni nyetšua hekroṅkroṅ le̱ ke̱ afo̱lešãlate̱ le̱ he nii le̱, koni *mlifũ ko akaba Israelbii le̱ ano̱ doṅṅ. *17,11.

ŊMALƐ KRƆŊKRƆŊ LƐ

⁵ Bo kɛ obii lɛ pɛ akwɛ He Krɔŋkrɔŋ lɛ kɛ afɔleshãa latɛ lɛ he nitsumɔi lɛ fɛɛ anɔ bɔ ni afee ni mimli akafu Israelbii lɛ dɔŋŋ.

4 Mose 18:5 ပူးပေါင်းရင်းမြစ်များ

1 Kronika 23:24

Mene̱mei dši Levi bihĩĩ le̱ ye̱ ame̱wekui le̱ anā, wekui le̱ amli onukpai nī akaneame̱ ye̱ ame̱gbe̱ii le̱ anā ekomekome, ni ame̱tšuo̱ nii ye̱ Iehowa we le̱ súomo̱ le̱ mli, ke̱-dše̱ mei ni eye afii nyoṅmai-enyo̱ no̱ ke̱-yaä le̱.

1 Kronika 23:32

ni ame̱tšu kpē-bū le̱ he nii ke̱ hekroṅkroṅ le̱ he nii ke̱ Aaron bii ni dši ame̱nyemimei le̱ anitšumo̱ le̱, koni ame̱súmo̱ ye̱ Iehowa we le̱.

1 Kronika 24:5

Bo̱ni eke̱ ošikifṍ dša ame̱mli ne̱, mene̱mei ke̱ mene̱mei fẽ; edšake̱ hekroṅkroṅ le̱ ne̱ lume̱i le̱ ke̱ Nyoṅmo̱ lume̱i le̱, fẽ dše̱ Eleazar bihĩĩ le̱ ke̱ Itamar bihĩĩ le̱ ateṅ.

1 Kronika 9:19

Ni Šalum, Kora bi Ebiasaf bi Kore bi le̱, ke̱ enyemimei ni dše̱ etše̱ we le̱ ni dši Korabii le̱, ame̱ ame̱kwe̱o̱ súomo̱ nitšumo̱ le̱ ní ame̱buo̱ bū le̱ šĩnāi le̱ anā; *ši ame̱tše̱mei dši mei ni bu Iehowa nsra le̱ nāgbe̱ le̱ he. *1 Mose 4,18-20.

1 Kronika 9:23

Nohewo̱ le̱ ame̱ ke̱ ame̱bihĩĩ le̱ kwe̱o̱ Iehowa we le̱, ní dši bū le̱ šĩa le̱, agbói le̱ anã ni ame̱buo̱.

1 Kronika 9:33

Ši *mene̱mei dši lalatše̱mei ni dši Levibii le̱ atše̱mei awei le̱ ano̱ onukpai ni hĩo̱ piai le̱ amli, ni ame̱be̱ mli ni atšuo̱ nitšumo̱i krokomei le̱; edšake̱ ſane ke̱ nyõṅ fẽ le̱ ame̱kă ame̱nitšumo̱ le̱ he. *K. 14-16.

2 Mose 27:21

Aaron ke̱ ebihĩĩ le̱ asa, ní etšo ke̱-dše̱ gbe̱ke̱ ke̱-yaši lebi ye̱ Iehowa hĩe ye̱ kpē-bū le̱ mli ye̱ muhō̱ le̱ ní ha odase-yelinõ le̱ hĩe le̱ hĩegbe̱. Ene̱ atšó nāno̱ akpo ni kã ši hã Israelbii le̱ ayino̱bii fẽ.

Yeremia 23:15

Hewo̱ lo̱ bo̱ni Iehowa Zebaot kē̱ ye̱ gbalo̱i le̱ ahe ne̱: *Na, mike̱ tatšo aafe ame̱niyenii, ni mahãame̱ nu ní ebō̱ yo̱ mli ame̱nu; edšake̱ Ierusalem gbalo̱i le̱ aṅõ efōṅfemo̱ dše̱ ke̱-te šikpoṅ le̱ no̱ fẽ! *9,15.

Ezekiel 44:15

Ši oso̱foi Levibii ní dši *Zadok bii le̱ ní tšu mihekroṅkroṅ le̱ he nitšumo̱ le̱, beni Israelbii dše mihe ame̱yadũ gbe̱ le̱, ame̱ ame̱be̱ṅke̱mi, koni ame̱súmo̱mi ni ame̱damo̱ mihĩe, koni ame̱ke̱ fo̱ ke̱ lá abahāmi, Nuṅtšo̱ Iehowa kē̱. *40,46; 43,11.

Ezekiel 44:16

Ame̱ noṅṅ ame̱bote mihekroṅkroṅ le̱, ni ame̱be̱ṅke̱ mikplõ le̱ ni ame̱súmo̱mi, ni ame̱tšũ minitšũmo̱ le̱.

3 Mose 10:6

Ni Mose kē̱ Aaron ke̱ ebihĩĩ Eleazar ke̱ Itamar le̱ ake̱: *Nyekakpo̱a nyeyii, ni nyekagblaä nyetadei hũ, ní nyebagboi, ni emli wo asafo mū le̱ fẽ la; ši nyehãa nyenyemimei le̱, Israel we mũ le̱ fẽ, afó šã ní Iehowa ešã ne̱. *21,10.

3 Mose 24:3

Aaron asā dä gbe̱ke̱, ní etšo ke̱-yaši lebi ye̱ Iehowa hĩe ye̱ odaseyeli muhō̱ le̱ kpono̱gbe̱ ye̱ kpē-bū le̱ṅ. Afe nāno̱ akpo ahã nyesešibii le̱.

Zakaria 10:3

Mimli ewo *tōkwe̱lo̱i le̱ la, ni mawo tōkpakpoi le̱ anyõmo̱; edšake̱ Iehowa Zebaot ebasra etōiku le̱ ní dši Iuda we le̱, ni eeṅõame̱ efe tamo̱ ekpo̱ṅo̱ ní he yo̱ fe̱o ye̱ ta mli. *11,5.

4 Mose 1:50

ši fã Levibii le̱ oto odase šihĩle̱he le̱ ke̱ ehe nibii le̱ ke̱ nofẽno ní fata ehe le̱ he; ame̱ *ame̱tĕre šihĩle̱he le̱ ke̱ ehe nibii le̱ fẽ, ni ame̱ noṅṅ ame̱tšu he nii, ni †šihĩle̱he le̱ hewo̱ noṅṅ ame̱bo̱ nsra ye̱ ke̱-kpe. *Yi. 4. †3,23-38.

4 Mose 1:53

Ši Levibii le̱ abo̱ nsra ye̱ odase šihĩle̱he le̱ hewo ke̱-kpe, ní akagri awo Israelbii asafo le̱; nohewo̱ le̱ Levibii le̱ abu odase šihĩle̱he le̱ he.

4 Mose 18:4

Ni ame̱fata ohe, ni ame̱tšu kpē-bū le̱ he nii le̱ ye̱ bū le̱ he súomo̱ le̱ fẽ mli, ši mokpõṅ ko akabe̱ṅke̱nye.

4 Mose 4:18

Nyekahãa Kahatbii akutšo le̱ mli wekui le̱ ase̱ mifo ye̱ Levibii le̱ ateṅ.

4 Mose 8:19

ni miṅõ Levibii le̱ *mihã Aaron ke̱ ebihĩĩ le̱ kwrā ke̱-dše̱ Israelbii le̱ ateṅ, koni ame̱tšu kpē-bū le̱ he nii ye̱ Israelbii le̱ anãdšiaṅ, ní ame̱kpãtã amehe Israelbii le̱, koni haomo̱ akaba Israelbii le̱ ano̱, ke̱ Israelbii le̱ babe̱ṅke̱ hekroṅkroṅ le̱, *3,9.

4 Mose 8:2

Oke̱ Aaron awie ni okē̱le̱ ake̱: Ke̱ oke̱ kanei le̱ mīmãme̱ ši le̱, hã kanei kpawo le̱ ſẽ atšo ke̱-ya kanetšo le̱ hĩegbe̱. 2 Mose 25,31-40.

1 Timoteo 1:18

Kitã ní miwoo̱o ne̱, mibi Timoteo, ye̱ gbale̱i ní agba sá ye̱ ohe le̱ anā, koni oke̱-wu ta kpakpa le̱, 6,12. Iuda 3.

1 Timoteo 3:15

ši ke̱dši mitše̱ le̱, ni ole bo̱ni sa ake̱ oba odšeṅ ohã ye̱ Nyoṅmo̱ *we, ní dši Nyoṅmo̱ hĩekãlo̱ le̱ asafo le̱, ano̱kwale le̱ akulašĩṅ ke̱ eno̱damo̱nõ le̱ mli. *2 Tim. 2,20. Ef. 2,19-22.

1 Timoteo 5:21

Mīwoö kitã ye̱ Nyoṅmo̱ ke̱ Nuṅtšo̱ Iesu Kristo ke̱ ebo̱foi ní ehala le̱ ahĩe, ake̱ oye nii ne̱ ano̱ ni okašá ohe okodšo, ni asaṅ okafe noko ye̱ niiaṅkpamo̱ nā.

1 Timoteo 6:20

Ō Timoteo! *nii ní atu awo odeṅ le̱ bāmo̱ yi, ni †okwa yakayakasane-gbā ní buleo̱ mo ke̱ ṅwanedšēwiemo̱ ní dše̱ apasa-nilē mli le̱, *2 Tim. 1,14. †1 Tim. 4,7.