4 Mose 18:3 - Ṅmãle̱ Kroṅkroṅ Le̱

³ Ni ame̱súmo̱o ni ame̱tšu kpē-bū le̱ fẽ he nii; ši hekroṅkroṅ le̱ mli nibii le̱ ke̱ afo̱lešãlate̱ le̱ ke̱ke̱ ni ame̱kabe̱ṅke̱, koni ame̱ ke̱ nyefẽ akagboi.

ŊMALƐ KRƆŊKRƆŊ LƐ

³ Amɛsɔ̃mɔ kɛtsu Kpee Buu lɛ mli nitsumɔi lɛ kɛkɛ yɛ oshishi; shi amɛkabɛŋkɛ He Krɔŋkrɔŋ lɛ mli nibii krɔŋkrɔŋi lɛ loo afɔleshãa latɛ lɛ koni amɛ kɛ nyɛ fɛɛ akagboi.

4 Mose 18:3 ပူးပေါင်းရင်းမြစ်များ

Ezekiel 44:13

Ni ame̱kabe̱ṅke̱mi, ní ame̱batšu oso̱fo nitšumo̱ ame̱hãmi, ni asaṅ ame̱kata minii kroṅkroṅi ní dši nii ní yo̱ kroṅkroṅ fè fẽ le̱ eko he; ši ame̱tĕre ame̱hĩegbĕle le̱ ke̱ ame̱nihĩnii ní ame̱fe le̱.

4 Mose 1:51

Ni ke̱dši šihĩle̱he le̱ bafã le̱, Levibii le̱ akpa; ni ke̱dši abaši šihĩle̱he le̱ amã ši le̱, Levibii le̱ aši; ši *gbo̱ ní aabe̱ṅke̱ le̱, ágbele̱. *3,10. 38.

4 Mose 1:53

Ši Levibii le̱ abo̱ nsra ye̱ odase šihĩle̱he le̱ hewo ke̱-kpe, ní akagri awo Israelbii asafo le̱; nohewo̱ le̱ Levibii le̱ abu odase šihĩle̱he le̱ he.

4 Mose 18:4

Ni ame̱fata ohe, ni ame̱tšu kpē-bū le̱ he nii le̱ ye̱ bū le̱ he súomo̱ le̱ fẽ mli, ši mokpõṅ ko akabe̱ṅke̱nye.

4 Mose 18:7

Ši bo ke̱ obihĩĩ le̱ fẽ ahĩe nyeso̱foyeli le̱ mli ye̱ afo̱lešãlate̱ le̱ he nofẽno ke̱ nii ni yo̱ muhō̱ le̱ mligbe̱ le̱ agbe̱fãṅ, ní nyesúmo̱; miṅõ nyeso̱foyeli le̱ mihãnye ake̱ súomo̱ ní aṅõ-ke; ni *mokpõṅ ní aabe̱ṅke̱ le̱, aagbele̱. *1,51.

4 Mose 3:25

Ni kpē-bū le̱ he nibii ni atu awo Geršon bii le̱ adeṅ ne̱: Šihĩle̱he le̱, ke̱ bū le̱, ke̱ eno̱hãnō le̱, ke̱ kpē-bū šĩnā le̱ nā mama le̱,

4 Mose 3:31

Ni nii ní atu awo *ame̱deṅ ne̱: Adeka le̱, ke̱ okplõ le̱, ke̱ kanetšo le̱, ke̱ šãlate̱i le̱, ke̱ hekroṅkroṅ le̱ nibii fẽ ni ame̱ke̱-súmoo̱ le̱, ke̱ mama le̱, ke̱ ehe nitšunio̱ le̱ fẽ. *7,9.

4 Mose 3:36

Ni nii ní atu awo Merari bii le̱ adeṅ ne̱: Šihĩle̱he le̱ he mplãṅi le̱, ke̱ emlible̱mo̱nii le̱, ke̱ ekulašĩṅi le̱, ke̱ eno̱damo̱nii le̱, ke̱ ehe nibii ke̱ ehe nitšumo̱ le̱ fẽ,

4 Mose 31:30

Ni fã ní dši Israelbii le̱ anõ le̱, gbomei ke̱ tšinai ke̱ tedšii ke̱ tōi ke̱ šĩa koloi le̱ fẽ le̱, ṅõ emli nyoṅmai-enumo̱ mli ekomekome, ni oṅõ-hã Levibii le̱ ní tšuo̱ Iehowa šihĩle̱he le̱ he nii le̱.

4 Mose 4:15

Ni ke̱dši nsra le̱ bafã le̱, Aaron ke̱ ebihĩĩ le̱ agbe hekroṅkroṅ le̱ ke̱ hekroṅkroṅ le̱ nibii le̱ fẽ hehā nā, dãni Kahat bii le̱ aba mli ni *ame̱bahole, ní †ame̱kata nõkroṅkroṅ le̱ he ní ame̱gboi. Ene̱mei dši kpẽ-bū le̱ he nibii ní Kahat bii le̱ batĕre. *7,8. †2 Sam 6,6. 7.