4 Mose 18:13 - Ṅmãle̱ Kroṅkroṅ Le̱

¹³ Ame̱šikpoṅ le̱ no̱ nii fẽ mli kleṅkleṅ nibanii ní ame̱ke̱-aba abahã Iehowa le̱, aatšṍ onõ; mofẽmo ní he tše ye̱ owe le̱ aye eko. 2 Mose 23,19. 5 Mose 18,4.

ŊMALƐ KRƆŊKRƆŊ LƐ

¹³ Klɛŋklɛŋ aduawai ni amɛtseɔ yɛ amɛŋmɔji amli ni amɛkɛhãa mi Yehowa lɛ, onɔ ni. Mɔ fɛɛ mɔ ni ehe tse yɛ oshwiei ateŋ lɛ aaanyɛ aye eko.

4 Mose 18:13 ပူးပေါင်းရင်းမြစ်များ

2 Maŋtsɛmɛi 4:42

Ni nū ko hũ dše̱ Baal-Šališa ba, ni ebahã Nyoṅmo̱ gbomo le̱ akoko kpokploku abolo, aboloi akwābo̱i nyoṅmai-enyo̱ ke̱ ablefo̱ ye̱ ekotoku le̱ṅ. Ni ekē̱: Ṅõ-hä mei le̱ ní ame̱ye!

2 Kronika 31:5

Ni heni anu fã́mo̱ le̱ he pe̱ le̱, Israelbii le̱ ke̱ able ke̱ wein ke̱ mũ ke̱ wò ke̱ ṅmõdšiaṅ nii fẽ amli *kleṅkleṅ yibii babaō ba, ni ame̱ke̱ nibii fẽ †amlidšāi nyoṅma mli ekomekome hũ ba babaō. *2 Mose 23,19. †5 Mose 14,22. 23.

2 Mose 22:29

*Onikpame̱nii ke̱ owein mli kleṅ-kleṅnõ hãmo le̱, kāṅo-šašao ši. Obihĩĩ ateṅ †kromo̱bi le̱, ṅõ-hãmi. *5 Mose 18,4. †2 Mose 13,2. 13.

2 Mose 23:19

Ošikpoṅ no̱ kleṅkleṅ yibii le̱ amli *kleṅkleṅnii le̱ oke̱-ba Iehowa, o-Nyoṅmo̱ le̱, we le̱. †Kāho tōbi ní tšeko fufo̱. *5 Mose 26,1-11. †2 Mose 22,30. 5 Mose 14,21.

2 Mose 34:26

Ošikpoṅ le̱ no̱ kleṅkleṅnii ní aaba le̱ mli kleṅkleṅnõ le̱ oke̱-ba Iehowa, o-Nyoṅmo̱ le̱, we le̱. Kāho tōbi ní tšeko fufo̱.

Yeremia 24:2

Kafũ kome le̱ agbāmii kpakpai dientše̱, ni tamo̱ agbãmii ni tšu kleṅkleṅ, yo̱ mli; ši kafũ kroko le̱ agbãmii gbohĩĩ dientše̱, ní hĩ ní ame̱hĩĩ so̱ṅṅ nā le̱ ame̱hĩĩ yeli, yo̱ mli.

Ezekiel 44:30

Ni nibii fẽ mli kleṅkleṅ yibii le̱ fẽ ateṅ noni hĩ fè fẽ le̱ ke̱ nibii fẽ mli no̱wómo̱-afo̱lei ní nyewóo̱ no̱ le̱ fẽ atšṍ oso̱foi le̱ anõ; ni nyekleṅkleṅ mã le̱ hũ nyeṅõ-hãa oso̱fo le̱, koni ehã dšō̱mo̱ ahĩ owe le̱.

Hosea 9:10

*Mina, Israel tamo̱ weinyibii ye̱ ṅãno̱, mina nyetše̱mei le̱ tamo̱ kleṅkleṅ yibii ní tšu ye̱ agbãmitšo le̱ no̱ ye̱ ekleṅkleṅ be le̱ mlĩ; ši ame̱te †Baal-Peor ṅõ, ni ame̱yadšō̱ amehe no̱ ame̱haã hĩegbedšianii, ni ame̱tšṍmo̱ nihīnii tamo̱ ame̱suolo̱i le̱ noṅṅ. *5 Mose 32,10. †4 Mose 26,5.

3 Mose 22:7

Ni ke̱dši hũlũ enyõ ši ni ehe etše le̱, no se̱ dãni eye nii kroṅkroṅi le̱ eko; edšake̱ eṅmā̃ ni.

3 Mose 23:17

Nyeke̱ fō̃-aboloi enyo̱ adše̱a nye-šihĩle̱hei le̱ abahãa; efa mlidšāi nyoṅma mli enyo̱ ṅmā̃ mã nyeṅõ-fea aboloi enyo̱ le̱ ní akē̱ mãša ašã ni ake̱-fe kleṅkleṅ-yibii-afo̱le ahà Iehowa.

Mika 7:1

Kpóo hãmi! edšake̱ efemi tamo̱ efeo̱ mo ye̱ tšeiayibii-tšemo̱ se̱, tamò̱ noni atše weinyibii etã ní āye kpe̱kpe̱o; Weinyibii ašao komeflo le ni ayeo̱; kleṅkleṅ agbāmi mība mitšine!

5 Mose 18:4

Oble ke̱ o̱wein ke̱ omũ mli kleṅkleṅnii ke̱ otōi ahetšo̱i ní ooku kleṅkleṅ le̱, ṅõ-hãle̱.

5 Mose 26:2

*oṅõ šikpoṅ le̱ no̱ kleṅkleṅ nibanii ní ookpa ye̱ ošikpoṅ ní Iehowa, o-Nyoṅmo̱ le̱, ṅõ-hãao le̱ no̱ le̱ eko, ni oṅõ-wo kafũ mli ni oke̱-ya heni Iehowa, o-Nyoṅmo̱ le̱, ehala, koni ehã egbe̱i ahĩ dše̱i le̱; *2 Mose 23,19; 34,23. 3 Mose 2,14.