4 Mose 18:1 - Ṅmãle̱ Kroṅkroṅ Le̱

¹ Ni Iehowa kē̱ Aaron ake̱: Bo ke̱ obihĩĩ le̱ ke̱ otše̱ we le̱ fẽ *aatĕre hekroṅkroṅ le̱ he no̱tõmo̱ le̱; ni bo ke̱ obihĩĩ le̱ fẽ aatĕre nyeso̱foyeli le̱ mli no̱tõmo̱ le̱! *2 Mose 28,38. 3 Mose 16.32. 38.

ŊMALƐ KRƆŊKRƆŊ LƐ

¹ Yehowa kɛɛ Aaron akɛ, “Bo kɛ obihii kɛ Levibii fɛɛ ji mɛi ayi ni sɔ̃ baatere kɛji abɔ musu yɛ Kpee Buu lɛ gbɛfaŋ; shi yɛ osɔfo nitsumɔi lɛ agbɛfaŋ lɛ bo kɛ obihii lɛ pɛ baatere sɔ̃ kɛji tɔ̃mɔ ko ba.

4 Mose 18:1 ပူးပေါင်းရင်းမြစ်များ

2 Mose 28:38

Ni ahĩ Aaron hĩenā, ni Aaron atĕre Israelbii ano̱tõmo̱i ní yo̱ ame̱nikēnii fẽ ni ame̱ke̱-baä le̱ he le̱; ni ahĩ ehĩenā dāne̱, koni ame̱sa Iehowa hĩe.

Yesaia 53:11

Esusuma haomo̱ le̱ hewo̱ le̱ eena nii ní aahã etšui anyõ emli; enilē nā le̱ mitšũlo̱ dšalo̱ le̱ aaná *dšale̱ ahã mei pī, ni †eetĕre ame̱nišaianii le̱. *Rom. 10,4. 2 Kor. 5,21. †Ioh. 1,29.

Yesaia 53:6

Wo̱fẽ-tſẽm *wo̱dũ gbe̱ tamo̱ toi, mofẽmo eko̱ le̱dientše̱ egbe̱; ši Iehowa hã †wo̱fẽ wo̱nõša le̱ bakã eno̱. *1 Pet. 2,25. †2 Kor. 5,21.

Ezekiel 4:4

Asaṅ kã obe̱ku ṅmãwu no̱, ni oṅõ Israel we le̱ nõša le̱ ofõ no̱; gbĩĩ abo ní ookã no̱ le̱ ootĕre ame̱nõša le̱.

3 Mose 10:17

Mẽba nyeyee eša-afo̱le le̱ ye̱ hekroṅkroṅ le̱? edšake̱ nõkroṅkroṅ ní fè fẽ ni; ni ene̱ eṅõ-hãnye, koni nyetĕre asafo le̱ no̱tõmo̱ le̱, ni nyekpãtã nyehãame̱ ye̱ Iehowa hĩe.

3 Mose 22:16

koni ame̱kaye no̱tõmo̱ ko yi sõ, beni ame̱yeo̱ ame̱nii kroṅkroṅi le̱; edšake̱ midši Iehowa ní feo̱ame̱ kroṅkroṅ le̱. K. 9.

3 Mose 22:9

Ni ame̱ye migbe̱nānii le̱ ano̱, koni ame̱kalō eša ni ame̱gboi ye̱ mli, kē̱ ame̱bulele̱ le̱; midši Iehowa moni feo̱ame̱ kroṅkroṅ le̱.

4 Mose 14:34

Gbĩĩ ní nyeke̱-yasra šikpoṅ le̱ ayibo̱ ní dši gbĩĩ nyoṅmai-edſe̱ le̱ nā le̱ nyeatĕre nyenišaianii le̱ afii nyoṅmai-edſe̱, gbĩ kome aatšṍ afi ahãnye, ni *nyeke̱ana ake̱ midše nyese̱. *Ier. 2,19.

4 Mose 16:10

Ni noni ehã bo ke̱ onyemimei Levibii le̱ fẽ ebe̱ṅke̱le̱ le̱, nyemītao oso̱foyeli le̱ hũ!

4 Mose 17:13

Ni eyadamo̱ gbohĩĩ le̱ ke̱ hĩekãlo̱i le̱ ateṅ; ni gbĕle-hela le̱ se̱ fo.

4 Mose 17:3

Ne̱ke̱ ešafelo̱i ní ke̱ ame̱wala ewo ame̱he eša le̱ he nyõmo̱ le̱ aṅe̱sũi le̱, nye-tſiaäame̱ te̱tre̱bii, ní aṅõ-ha afo̱lešãlate̱ le̱ he; edšake̱ ake̱-ba Iehowa hĩe hewo̱ le̱ adšō̱ no̱ ake, koni atšṍ okadi ahã Israelbii le̱.

4 Mose 17:7

Ni beni asafo le̱ bakpe wo Mose ke̱ Aaron le̱, eba mli ake̱ ame̱tšṍmo̱ ame̱hĩe ame̱hã kpē-bū le̱, ni na, atatu le̱ ebaha no̱, ni *Iehowa anumnyam le̱ pue. *14,10.

4 Mose 18:11

Ni onõ hũ ne̱: ame̱nikẽnii le̱ amli no̱wómo̱-afo̱le ní yo̱ Israelbii le̱ afō̃-afo̱lei fẽ amli le̱, mike̱-hão ke̱ obihĩĩ ke̱ obiyei le̱ fẽ ake̱ gbe̱nā ní kã ši dā; mofẽmo ní he tše ye̱ owe le̱ aye eko. 3 Mose 10,14.

4 Mose 3:6

Ṅõ Levi akutšo le̱ ke̱-ba ni oke̱ame̱ abadamo̱ oso̱fo Aaron hĩe, koni ame̱súmo̱le̱; 2 Mose 32,29.

5 Mose 10:8

Nakai be le̱ mli Iehowa tše Levi akutšo le̱, ni ame̱tĕre Iehowa kpãṅmo̱ adeka le̱, ni ame̱damo̱ *Iehowa hĩe ame̱súmo̱le̱, ni ame̱ke̱ †egbe̱i adšō̱ ke̱-baši ṅme̱ne̱ gbĩ ne̱. *18,5. 7. †4 Mose 6,23-27.

Hebribii 13:17

*Nyeboa nyetšõlo̱i le̱ atoi ni nyebaä nyehe ši nyehãäame̱; edšake̱ ame̱ ame̱buo̱ nyesusumai le̱ ahe ake̱ mei ni †babu he akontā, koni ame̱ke̱ mīše̱ afe nii ne̱, ši dšee ntšo̱idõmo̱; edšake̱ no ehĩĩ hããnye. 1 Tes. 5,12. †Ezek. 8.18.

Hebribii 4:15

Edšake̱ wo̱so̱fonukpa ni wo̱yo̱ le̱ edšee moni *nyẽẽ anu wo̱gbede-mo̱i le̱ ahe ahãwo̱, ši edši moko ní akale̱ ye̱ nibii fẽ gbe̱fäṅ tamo̱wo̱ ní kẽle̱ eša-ko-eša-ko be̱ ehe. *2,17.

1 Petro 2:24

moni le̱dientše̱ etĕre *wo̱he ešai le̱ ye̱ egbomotšo le̱ mli ke̱-te (se̱ṅmo̱-) tšo le̱ no̱, koni †wo̱gboi wo̱hã eša ní wo̱hĩe akãmo̱ aha dšale̱, mo he fadši ní aṅõ-tšánye le̱. *1 Ioh. 3,5. †Rom. 6,11.

Kojolɔi 17:12

Ni Mika wo Levinyo le̱ oso̱fo, ni oblanyo le̱ ye oso̱fo ehãle̱, ni ehĩ Mika we le̱.