4 Mose 14:10 - Ṅmãle̱ Kroṅkroṅ Le̱

¹⁰ Ke̱ke̱ ni asafo le̱ fẽ kē̱ ake̱: *Atſia-ame̱ tei! Ši †Iehowa anumnyam le̱ pue ye̱ kpē-bū le̱ no̱ ye Israelbii le fẽ ahĩe. *2 Mose 17,4. †2 Mose 18,10.

ŊMALƐ KRƆŊKRƆŊ LƐ

¹⁰ Asafo lɛ fɛɛ to amɛyiŋ akɛ amɛbaatswia amɛ tɛ pɛ kɛkɛ ni Yehowa anunyam la lɛ pue yɛ Kpee Buu lɛ nɔ yɛ Israelbii lɛ fɛɛ ahiɛ.

4 Mose 14:10 ပူးပေါင်းရင်းမြစ်များ

2 Mose 16:10

Ni eba mli ake̱, beni Aaron ke̱ Israelbii asafo mū le̱ fẽ wie le̱, ame̱kwe̱ ṅã le̱ no̱ gbe̱, ni na, Iehowa *anumnyam le̱ pue ye̱ atatu le̱ mli. *4 Mose 12,5; 14,10; 16,19.

2 Mose 16:7

ni lebi le̱ nyeana Iehowa anumnyam le̱, edšake̱ enu nyehũhū̃hũwiemo̱i ní nyewieo̱ nyešio̱ Iehowa le̱; ši wo̱ le̱, namei dši wo̱ ni nyewieo̱ hũhū̃hũ nyešio̱ wo̱?

2 Mose 17:4

Ni Mose bo tšé̱ Iehowa ekē̱: Meni mafe mahã maṅ ne̱? ſe̱ fiō ke̱ke̱ ní *ame̱tſiami tei. *4 Mose 14,10.

2 Mose 40:34

Ke̱ke̱ ni atatu le̱ baha kpē-bū le̱ no̱, ni Iehowa anumnyam le̱ yi šihĩle̱he le̱ obõ. 18,21. 4 Mose 9,15-28. 1 Maṅ. 8,10. 11. Ies. 4,5. Ezek. 43,5.

3 Mose 9:23

Ni Mose ke̱ Aaron bote kpē-bū le̱ mli; ni beni ame̱dše kpo ekoṅ le̱, ame̱dšē̱ maṅ le̱. Ke̱ke̱ ni Iehowa anumnyam le̱ dšie ehe kpo etšõ maṅ mū le̱ fẽ; 2 Mose 40,34.

4 Mose 16:19

Ni Kora kpē asafo mū le̱ fẽ ewoame̱, ni ame̱bo̱ gwa ye̱ kpē-bū le̱ šìnā le̱ ši. Ni *Iehowa anumnyam le̱ pue ye̱ asafo mū le̱ fẽ hĩe. *14,10.

4 Mose 17:7

Ni beni asafo le̱ bakpe wo Mose ke̱ Aaron le̱, eba mli ake̱ ame̱tšṍmo̱ ame̱hĩe ame̱hã kpē-bū le̱, ni na, atatu le̱ ebaha no̱, ni *Iehowa anumnyam le̱ pue. *14,10.

4 Mose 20:6

Ni Mose ke̱ Aaron dše gwabō̱ le̱ hìe ke̱-ba kpē-bū le̱ šĩnā le̱ ši, ni ame̱-ke̱ ame̱hĩe bumo̱ ši; ni *Iehowa anumnyam le̱ pue ye̱ ame̱no̱. *14,10.

Mateo 23:37

*Ierusalem, Ierusalem, bo moni ogbeo̱ gbalo̱i le̱ ní otſiaä mei ní atšũo̱ame̱ oṅõ le̱ ate̱i: šii enyie mitao ake̱ kũle̱ mibuaä obii anā tamo̱ boni wuo̱ buaä ebii anā ewoo efĩdši ašiši le̱, ni nyekplẽẽ! *Luk. 18,34. 35.

Bɔfoi 7:52

Gbaloi le̱ ateṅ namo ni nyetše̱mei le̱ wakole̱ yi dã? ni ame̱gbe mei ni gba sá ye̱ dšalo̱ le̱ bā le̱ hewo̱ le̱, mo hũ ní agbe̱ne̱ nye nyetšṍmo̱ ese̱gbe̱tšõlo̱i ke̱ awuyelo̱i le̱, 2 Kron. 36,18. Mat. 23,31.

Bɔfoi 7:59

ni beni ame̱tſía Stefano te̱i le̱, efã́ Iesu ni ekē̱: *Nuṅtšo̱ Iesu, heremo̱ mimumo̱ le̱! *Lal. 31,6. Luk. 23,46.

1 Samuel 30:6

Ni efĩ David naakpa dientše̱, edšake̱ maṅ le̱ kē̱ ame̱batſiale̱ tei; edšake̱ sane le̱ edo̱ maṅ mū le̱ fẽ, mofẽmo ye̱ ebihĩĩ ke̱ ebiyei ahewo̱. Ši David wadše ehe ye̱ Iehowa, e-Nyoṅmo̱ le̱, mli.