4 Mose 11:2 - Ṅmãle̱ Kroṅkroṅ Le̱

² Ni maṅ le̱ blo̱ tšé̱ Mose, ni Mose kpa Iehowa fai, ni la le̱ gbo.

ŊMALƐ KRƆŊKRƆŊ LƐ

² Kɛkɛ ni maŋbii lɛ bolɔ amɛtsɛ Mose, ni Mose kpa Yehowa fai, ni la lɛ gbo.

4 Mose 11:2 ပူးပေါင်းရင်းမြစ်များ

Lalai 106:23

Nohewo̱ le̱ kũle̱ ekē̱ eefiteame̱, ké̱ dšee Mose, ní ehala le̱, *badamo̱ eke̱ ame̱mligblamo̱ le̱ mli ye̱ ehĩe, ni edšō̱ emlifũ le̱ he, koni ekakpãtã ame̱hĩe le̱. *Ezek. 13,5.

2 Mose 10:18

Ni edše Farao ṅõ ete *eyakpa Iehowa fai. *4 Mose 11,2.

2 Mose 34:9

ni ekē̱: Nuṅtšo̱, agbene ke̱dši mihĩe eba nyam ye̱ ohĩe, mikpao fai, hã-ni Nuṅtšo̱ le̱ ahĩ woteṅ ke̱-ya; edšake̱ maṅ ni kue̱ṅ ti dšiame̱; ni oke̱ wo̱no̱tõmo̱i ke̱ wo̱he ešai le̱ afawo̱, ni oṅõwo̱ ofe onõ!

Yesaia 37:4

Ekole̱ Iehowa, o-Nyoṅmo̱ le̱, enu Rabšake, moni enuṅtšo̱, Ašur maṅtše̱ le̱, tšũ le̱ ní ebasopa Nyoṅmo̱ hĩekãlo̱ le̱, wiemo̱i le̱, ni ebakã ehĩe ye̱ wiemo̱i ni Iehowa, o-Nyoṅmo̱ le̱, enu le̱ ahewo̱: nohewo̱ le̱ wó ofaikpamo̱ le̱ no̱ ohã mei ní eſe̱ ní yo̱ le̱!

Yeremia 15:1

Ni Iehowa kē̱mi ake̱: Kē̱ *Mose ke̱ Samuel damo mihĩe tete po le̱, mitšui be̱ ne̱ke̱ maṅ ne̱ he; ſiemo̱ame̱ ke̱-dše̱ mihĩe, ní ame̱ya! *Lal. 99,6. Ezek. 14,14.

Yeremia 37:3

Ši maṅtše̱ Zedekia tšũ Iebukal, Šelemia bi le̱, ke̱ Zefania, Maaseia bi ní dši oso̱fo le̱, ke̱-ba gbalo̱ Ieremia ṅõ ame̱bakē̱: *Kpa Iehowa, wo̱-Nyoṅmo̱ le̱, fai ohãwo̱! *42,2. Ies. 37,4.

Yeremia 42:2

ní ame̱bakē̱ gbalo̱ Ieremia ake̱: Agbe̱ne̱ hã wo̱faikpamo̱ asa ohĩe, ni *okpa Iehowa, o-Nyoṅmo̱ le̱, fai ohãwo̱ ke̱ mei ní eſe̱ ne̱ fẽ (edšake̱ mei babaō ne̱ ateṅ le̱, wo̱yi fiō pe̱ eſe̱, take̱ bo̱ni ohĩṅme̱ii naäwo̱ ne̱), *37,3.

4 Mose 12:11

Ni Aaron kē̱ Mose ake: Ofai ne̱, minuṅtšo̱, kāhã awowo̱ nyomo̱ ye̱ kwašiai ní wo̱fe ke̱ eša ní wo̱fe ne̱ hewo̱!

4 Mose 12:13

Ni Mose bo etšé̱ Iehowa ekē̱: Ō Nyoṅmo̱, ofai ne̱, *tšale̱! *2 Mose 15,26.

4 Mose 21:7

Ke̱ke̱ ni maṅ le̱ ba Mose ṅõ ni ame̱bakē̱: Wo̱fe eša, ake̱ wo̱wie wo̱ši Iehowa ke̱ bo fẽ; kpa Iehowa fai, ní edšie onũfũi le̱ ke̱-dše̱ wo̱teṅ! Ni Mose kpa fai ohã maṅ le̱.

Bɔfoi 8:24

Ni Simon here no̱ ekē̱: Nyedientše̱ nyekpaä Nuṅtšo̱ le̱ fai nyehãami, koni nibii ní nyewie ne̱ eko akaba mino̱.

Hebribii 7:26

Edšake̱ oso̱fonukpa ní sawo̱ pe̱ ne̱: moni he tše, ní efõṅ ko be̱ ehe, ni ehé be̱ kpa ko, ní etše ehe ke̱-dše̱ ešafelo̱i ahe, ní awo eno̱ ahā ekwo̱ fè ṅweii; *4,14.

Yakobo 5:16

Nyedšadšea nyeno̱tõmo̱i nyetšõa nyehe, ni nyeso̱lea nyehãa nyehe, ni nyehe atã, Dšalo̱ so̱lemo̱ ni mli wa le̱ nyẽo̱ nii babaō etšuo̱.

1 Yohane 5:16

Ke̱dši moko na enyemi mīfe eša ni dšee gbĕle̱ eša le̱, ebi, ni eehãle̱ wala, mei ni feo̱ eša ni dšee gbẽle̱ eša le̱ṅ. *Gbĕle eša ko ye̱; dšee ene̱ hewe̱ mikē̱o̱ ake̱ ébi le̱. *Mat 12,31. He̱b 5,4-6.