3 Mose 6:16 - Ṅmãle̱ Kroṅkroṅ Le̱

¹⁶ Ši noni ſe̱o̱ le̱, Aaron ke̱ ebihĩĩ le̱ aye le̱ akpĩtĩ ye̱ hekroṅkroṅ le̱; ame̱ye ye̱ kpē-bē kpo le̱ no̱.

ŊMALƐ KRƆŊKRƆŊ LƐ

¹⁶ Afɔle lɛ nɔ ni shwɛɔ lɛ Aaron kɛ ebihii lɛ aye. Afee lɛ mã akpiti keeki, ni aye yɛ he ni tse krɔŋkrɔŋ, no ji yɛ Yehowa Kpee Buu lɛ kpo lɛ nɔ.

3 Mose 6:16 ပူးပေါင်းရင်းမြစ်များ

2 Kronika 31:14

Ni Kore, Imna bi ni dši Levinyo ni kwe̱o̱ bokãgbe̱ agbó le̱ nā le̱, dši moni kwe̱o̱ nikēnii ní abakeo̱ Nyoṅmo̱ ye̱ suomo̱ nā le̱, ni edšaä Iehowa no̱wómo̱-afo̱lei le̱ ke̱ nii kroṅkroṅi fè fẽ le̱.

2 Mose 12:8

Ni ame̱ye lō le̱ nakai nyō le̱ṅ noṅṅ, ašã ye̱ la mli, ni ake̱ abolo akpĩtĩ ke̱ ſie ní dšōo̱ aye.

Ezekiel 44:29

Ame̱ye niyenii-afo̱le le̱ ke̱ eša-afo̱le le̱ ke̱ sõ-afo̱le le̱, ni nofẽno ní adšō̱ no̱ ake ye̱ Israel le̱ atšṍ ame̱nõ.

3 Mose 2:3

Ši noni aaſe̱ ye̱ niyenii-afo̱le le̱ se̱ le̱, Aaron ke̱ ebihĩĩ le̱ anõ dši no; Iehowa afo̱lei ní ake̱ la šãa le̱ amli noni yo̱ kroṅkroṅ fè fẽ dši no.

3 Mose 5:13

Ni oso̱fo le̱ akpãtã ahãle̱ ye̱ eša ní efe ye̱ ene̱mei eko gbe̱fãṅ le̱ hewo̱, ni aaṅõ-fale̱. Ni [noni eſe̱ le̱] atšṍ oso̱fo le̱ nõ *tamo̱ niyenii-afo̱le le̱. *2,8.

3 Mose 6:23

Ni oso̱fo le̱ niyenii-afo̱le le̱ ašã emū le̱ fẽ; akaye eko.

3 Mose 6:26

Oso̱fo le̱ ní šãa eša-afo̱le le̱ aye; hekroṅkroṅ le̱ aye ye̱, ye̱ kpē-bū le̱ kpo le̱ no̱.

4 Mose 18:8

Ni Iehowa ke̱ Aaron wie ake̱: Ni mi le̱, na, mitu mino̱wómo̱-afo̱lei le̱ ní dši Israelbii le̱ anii kroṅkroṅi le̱ miwo odeṅ; mũfō̱ le̱ hewo le̱ mike̱-hão ke̱ obihĩĩ le̱ ake̱ gbe̱nā ní kã ši dā. 3 Mose 2,3. 10; 6,16-18; 7,6-10.

1 Korintobii 5:8

Nohewo̱ le̱ nyehãa wo̱yea Hehō gbĩdšũrõ le̱, dšee ke̱ mãša momo, ni asaṅ dšee ke̱ efõṅ lo nõšafemo̱ mãša, ši moṅ ke̱ ano̱kwale akpĩtĩ ṅmĩṅmi. 2 Mose 12,3-20.