3 Mose 4:7 - Ṅmãle̱ Kroṅkroṅ Le̱

⁷ Ni oso̱fo le̱ aṅõ lá le̱ eko adiki tšofã-ke̱-ṅma-šãlate̱ le̱ ní ye̱ *Iehowa hĩe ye̱ kpē-bū le̱ṅ le̱ no̱ kodši le̱; ni etši tšinanū le̱ lá ni eſe̱ le̱ fẽ eſie afo̱lešãlate̱ ní yo̱ †kpē-bū le̱ šĩnā le̱ ši le̱ šiši. *2 Mose 30,1. 8. †2 Mose 40,3.

ŊMALƐ KRƆŊKRƆŊ LƐ

⁷ Osɔfonukpa lɛ kɛ lá lɛ eko adiki tsofakɛŋmashãa latɛ ni yɔɔ Yehowa hiɛ yɛ Kpee Buu lɛ mli lɛ koji lɛ ahe. Enɛ sɛɛ lɛ etsi tsinanuu lɛ lá ni eshwɛ lɛ fɛɛ eshwie afɔleshãa latɛ ni yɔɔ Kpee Buu lɛ shinaa lɛ naa lɛ shishi.

3 Mose 4:7 ပူးပေါင်းရင်းမြစ်များ

Lalai 118:27

Iehowa le̱ Mawu ni, ni ehã la etšo ehãwo̱. Nyefĩmo̱a gbĩdsũrõ-afo̱lei le̱ ke̱ kpãi ke̱-yaã afo̱lešãlate̱ le̱ kòdšĩ le̱ ahe!

2 Mose 29:12

Ni oṅõ tšina le̱ lá le̱ eko, ni oṅõ owao otšo̱ eko okpa afo̱lešãlate̱ le̱ he aklontoi le̱, ni ofo̱se lá le̱ fẽ oſie afo̱lešãlate̱ le̱ šiši le̱.

3 Mose 1:5

Ni egbe tšinabinū le̱ ye̱ Iehowa hĩe, ni Aaron bihĩĩ ní dši oso̱foi le̱ ke̱ ela le̱ aba, ni ame̱ke̱ lá le̱ abaſã afo̱le-šãlate̱ le̱ ní yo̱ kpē-bū le̱ šĩnā le̱ ši le̱ no̱ ke̱-kpe.

3 Mose 16:18

Ni edše kpo ke̱-ba afo̱lešãlate̱ ní mã Iehowa hĩe le̱ he, ni ekpãtã ehãle̱, ni eṅõ tšinanū le̱ lá le̱ eko ke̱ tōkpakpo le̱ lá le̱ eko, ni eke̱-săra afo̱lešãlate̱ le̱ kodši le̱ ano̱ ke̱-kpe; 2 Mose 30,10.

3 Mose 4:18

ni esā eṅõ lá le̱ eko ediki tšofã-ke̱-ṅma-šãlate̱ ní mã Iehowa hĩe ye̱ kpē-bū le̱ṅ le̱ kodši le̱, ni etši lá ní eſe̱ le̱ fẽ eſie afo̱lešãlate̱ le̱ ní mã kpē-bū šĩnā le̱ ši le̱ šiši.

3 Mose 4:25

Ni oso̱fo le̱ ke̱ ewao atšo̱ eša-afo̱le lá le̱ eko, ni ediki afo̱lešãlate̱ le̱ kodši le̱, ni etši lá ní eſe̱ le̱ eſie afo̱lešãlate̱ le̱ šiši.

3 Mose 4:30

ni oso̱fo le̱ ke̱ ewao atšo̱ elá le̱ eko, ni ediki afo̱lešãlate̱ le̱ kodši le̱, ni etši lá ní eſe̱ le̱ fẽ eſie afo̱lešãlate̱ le̱ šiši;

3 Mose 4:34

Ni oso̱fo le̱ ke̱ ewao atšo̱ eša-afo̱le lá le̱ eko, ni ediki afo̱lešãlate̱ le̱ kodši le̱, ni etši lá ní eſe̱ le̱ fẽ eſie afo̱lešãlate̱ le̱ šiši.

3 Mose 5:9

ni eṅõ eša-afo̱le le̱ lá le̱ eko eſã afo̱lešãlate̱ le̱ hewo̱, ni lá ní ſe̱ le̱ atšere aſie afo̱lešãlate̱ le̱ šiši; eša-afo̱le dši no.

3 Mose 6:30

Ši eša-afo̱le-fẽ-eša-afo̱le ní aaṅõ elá le̱ eko ke̱-ba kpē-bū le̱ mli ní ake̱-ba-kpãtã ye̱ hekroṅkroṅ le̱, akaye eko; ake̱ la ašã.

3 Mose 8:15

Ni egbele̱, ni Mose ke̱ ewao tšo̱ elá le̱ eko ediki afo̱lešãlate̱ le̱ kodši le̱ ke̱-kpe, ni edšie afo̱lešãlate̱ le̱ he eša, ni efo̱se lá le̱ eſã afo̱lešãlate̱ le̱ šiši, ni efe he kroṅkroṅ, koni ekpãtã ehãle̱.

3 Mose 9:9

Ni ebihĩĩ le̱ ṅõ lá le̱ bahãle̱, ni eke̱ ewao tšo lá le̱ mli, ni eṅõ-diki afo̱le-šãlate̱ le̱ kodši le̱, ni lá ní eſe̱ le̱ etši eſie afo̱lešãlate̱ le̱ šiši.

Efesobii 2:13

Ši agbe̱ne̱, Kristo Iesu mli le̱, nye ni sá ni nyeyo̱ šoṅṅ le̱, nyetšõ Kristo lá le̱ no̱ nyebe̱ṅke̱.

Hebribii 9:15

Ni ene̱ noṅṅ hewo̱ ni edši kpãṅmo̱ hē *mlidamo̱lo̱ le̱, beni afe ní eke̱ gbĕle akpãtã kleṅkleṅ kpãṅmo̱ le̱ no̱ tõmo̱i le̱, ní mei ní atšé̱ame̱ le̱ anine aše̱ nāno̱ gbošinii le̱ ahe šiwō le̱ no̱. *12,24. 1 Tim. 2,5.

Hebribii 9:21

Ni bū le̱ hũ ke̱ Nyoṅmo̱-dšámo̱ he nii le fẽ le, eke̱ *lá le̱ ſãa no nakai noṅṅ. *3 Mose 8,15. 19.

Kpojiemɔ 6:9

Ni beni etše nāso̱omo̱ ní dši enumo̱ le̱, mina mei ní agbe ye̱ Nyoṅmo̱ wiemo̱ le̱ hewo̱ ke̱ odase ní ame̱ye le̱ hewo le asusumai ye *afo̱lesãlate̱ le̱ šiši; *8,5; 14,18; 16,7.