3 Mose 27:17 - Ṅmãle̱ Kroṅkroṅ Le̱

¹⁷ Ke̱dši nyã́mo̱-afi le̱ no̱ edše̱ edšō̱ ešikpoṅ le̱ no̱ eke le̱, edamo̱ odšra ní oowole̱ no̱.

ŊMALƐ KRƆŊKRƆŊ LƐ

¹⁷ Kɛji Nikpɔ̃mɔ Afiyeli lɛ nɔ nɔŋŋ ni ejɔɔ eshikpɔŋ lɛ nɔ eke lɛ, shikpɔŋ lɛ jara lɛ adamɔ jara bɔ ni awo lɛ nɔ nɔŋŋ.

3 Mose 27:17 ပူးပေါင်းရင်းမြစ်များ

3 Mose 25:10

Ni afi ní dši nyoṅmai-enumo̱ le̱ nye-feale̱ kroṅkroṅ, ni nyešie̱a *heyeli ye̱ šikpoṅ le̱ no̱ nyehãa eno̱bii fẽ; etšṍ nyã́mo̱-afi ehãnye, ni nyeteṅ mofẽmo akũ ese̱ ayaṅõ enii, ni nyeteṅ mofẽmo akũ ese̱ aya ewekumei ateṅ ekoṅ. *Ies. 61,2. Luk. 4,19.

3 Mose 25:11

Ne̱ke̱ afi ní dši afi nyoṅmai-enumo̱ ne̱ atšṍ nyã́mo̱-afi ahãnye; nyekadũa nii ye̱ no̱, ni asaṅ nyekakpaä noni le̱dientše̱ eba le̱, ni nyekabuaä nyeweintšei ní akplo̱o̱ he le̱ no̱ yibii le̱ anā.

3 Mose 25:13

Ne̱ke̱ nyã́mo̱-afi ne̱ mli le̱ nyeteṅ mofẽmo akũ ese̱ ayaṅõ enii ekoṅ.

3 Mose 25:9

Ni nyõṅ ní dši kpawo le̱ no̱ gbĩ ní dši gbĩ *nyoṅma le̱ no̱ le̱ hã akpa te̱tre̱mantre̱ wä ke̱-fo ši, nyehãa akpãa te̱tre̱mantre̱ ke̱-foa ši ye̱ nyešikpoṅ mū le fẽ no̱ ye̱ ne̱ke kpãtãmo̱gbĩ ne̱ no. *23,27.

3 Mose 27:14

Ni ke̱dši moko dšō̱ ešĩa no̱ eke, koni efe kroṅkroṅ ehã Iehowa le̱, no le̱ oso̱fo le̱ awo edšra, ehĩ dšio, ehĩĩ dšio; bo̱ni oso̱fo le̱ aawo edšra le̱, nakai noṅṅ edamo̱.

3 Mose 27:16

Ši ke̱dši moko dšō̱ egboši-šikpoṅ fã ko no̱ eke Iehowa le̱, no le̱ wo edšra ye̱ nii ní adũo̱ ye̱ mli le̱ fále̱ nā; bo̱ni aaye akoko homer kome le̱ dſie̱te̱i šekeli nyoṅmai-enumo̱.

3 Mose 27:18

Ši ke̱dši nyã́mo̱-afi le̱ se̱ dãni edšō̱ šikpoṅ le̱ no̱ eke le̱, no le̱ oso̱fo le̱ abu šika le̱ ahãle̱ ye̱ afii ní eſe̱ dãni še̱o̱ nyã́mo̱-afi le̱ nā, ni atše dšra ní owo le̱ no̱.