3 Mose 20:26 - Ṅmãle̱ Kroṅkroṅ Le̱

²⁶ Ni nyefea kroṅkroṅ nyehãami, edšake̱ mokroṅkroṅ dšimi, Iehowa; ni mitšenye ke̱-dše̱ mãdši le̱ ahe, koni nyetšó mimaṅ.

ŊMALƐ KRƆŊKRƆŊ LƐ

²⁶ Nyɛhiɛa nyɛhe krɔŋkrɔŋ nyɛhãa mi pɛ, ejaakɛ mi, Yehowa, mihe tse. Mijie nyɛ yɛ maji krokomɛi lɛ ateŋ mito afã koni nyɛfee mi pɛ minɔ.

3 Mose 20:26 ပူးပေါင်းရင်းမြစ်များ

Nehemia 10:29

[28.] Ni maṅbii ni eſe̱ le̱, *oso̱foi le̱ ke̱ Levibii le̱ ke̱ agbónākwe̱lo̱i le̱ ke̱ lalatše̱mei le̱ ke̱ so̱lemo̱we súolo̱i le̱ ke̱ mei fē ni etše ame̱he ke̱-dše̱ šikpõdši le̱ ano̱ bii le̱ ahe ke̱-ba Nyoṅmo̱ mla le̱ he le̱, ke̱ ame̱ṅãmei ke̱ ame̱bihīī ke̱ ame̱bi-yei, mei fẽ ni ele nii ni enuo̱ sane ši-ši le̱, *Ezra 2,70.

Lalai 99:5

Nyekafoa Iehowa, wo̱-Nyoṅmo̱ le̱, ni nyebumo̱a ši ye̱ enaneši māṅō le̱ he: kroṅkroṅ dšile̱!

Lalai 99:9

Nyekafoa Iehowa, wo̱-Nyoṅmo̱ le̱, ni nyedšáa ye̱ egoṅ kroṅkroṅ le̱ he; edšake̱ kroṅkroṅ dši Iehowa, wo̱-Nyoṅmo̱ le̱!

2 Mose 33:16

Ši meni aaṅõ-le ye̱ bie̱ ake̱ mike̱ omaṅ ne̱ hĩe eba nyam ye̱ ohĩe, ake̱ dša te ní oke̱wo̱ aate le̱? *beni afe ní mãdši fẽ ní yo̱ šikpoṅ le̱ no̱ le̱ akafo mi ke̱ omaṅ ne̱! *5 Mose 4,6-8.

Yesaia 30:11

Nyedšea gbe̱ le̱ no̱, ni nyegbaä ke̱-dšea tempõṅ le̱ no̱; nyehãa Israel Mokroṅkroṅ le̱ adšea wo̱hĩe kwrā!

Yesaia 6:3

Ni mone̱ *boo̱ kē̱o̱ mone̱ ake̱: Kroṅkroṅ, kroṅkroṅ, kroṅkroṅ dši Iehowa Zebaot le̱; †šikpoṅ mū le̱ fẽ eyi obõ ke̱ enumnyam le̱! *Kpods. 4,8. †Hab. 3,8.

3 Mose 11:44

Edšake̱ midsi Iehowa, nye-Nyoṅmo̱ le̱, hewo̱ le̱ nyefea nyehe kroṅkroṅ, koni nyehĩ kroṅkroṅ, *edšake̱ kroṅkroṅ dšimi; nohewo le̱ nyeke̱ nibii ní wamoo̱ ye̱ šikpoṅ le̱ no̱ le̱ eko eko akabulea nyehe. *19,2.

3 Mose 19:2

Oke̱ Israelbii asafo le̱ fẽ awie ni okē̱ame̱ ake̱: Nyefea kroṅkroṅ, edšake̱ mi, Iehowa, nye-Nyoṅmo̱ le̱, mokroṅkroṅ dšimi. 11,44. 45. Mat. 5,48. 1 Pet. 1,15. 16.

3 Mose 20:24

Ni mike̱nye ake̱: Nye nyeaye ame̱šikpodši le̱ ano̱, ni nii le̱ maṅõ-hãnye ake̱ nyeno̱yelinõ, šikpoṅ ni hoo̱ fufo̱ ke̱ wò le̱. Midsi Iehowa, nye-Nyoṅmo̱ le̱, ni midšienye ke̱-dše̱ mãdši le ateṅ le̱.

3 Mose 20:7

Nohewo̱ le̱ *nyefea nyehe kroṅkroṅ, koni nyetšṍmo̱ mei kroṅkroṅi; edšake̱ midši Iehowa, nye-Nyoṅmo̱ le̱. *19,2.

3 Mose 20:8

Ni nyebua mikpoi le̱, ni nyeyea no̱; midši Iehowa ni feo̱nye kroṅkroṅ le̱. 19,37.

5 Mose 14:2

Edšake̱ Iehowa, o-Nyoṅmo̱ le̱, maṅ kroṅkroṅ dšio, ni Iehowa ehalao ye̱ šikpoṅ le̱ no̱ mãdši fẽ ateṅ koni ofe le̱dientše̱ emaṅ.

5 Mose 7:6

Edšake̱ maṅ kroṅkroṅ dšio hã Iehowa, o-Nyoṅmo̱ le̱, bo le̱ Iehowa, o-Nyoṅmo̱ le̱, ehalao, koni otšṍ le̱dientše̱ emaṅ ye̱ mãdši fẽ ní yo̱ šikpoṅ le̱ no̱ le̱ ateṅ. 2 Mose 19,5. 6.

Tito 2:14

moni ṅō *le̱dientše̱ ehe ehã ye̱ wo̱nãdšiaṅ, koni ekpõwo̱ ke̱dše̱ no̱tōmo̱ fẽ mli, ni etšū wo̱he efe le̱dientše̱ emaṅ kro̱ṅṅ ni hīe do̱ö̱ ye †nitšumo̱i kpakpai ahe le̱. *Gal. 1,4. 1 Tim. 2,6. †Ef. 2,10.

Yoshua 24:19

Ni Iošua kē̱ maṅ le̱ ake̱: *Nyenyẽṅ Iehowa nyesúmo̱; edšake̱ Nyoṅmo̱ kroṅkroṅ dšile̱, Mawu †awuṅãyelo̱ dši-le̱, eke̱ nyeno̱tõmo̱i le̱ ke̱ nyehe ešai le̱ ekeṅnye! *5 Mose 5,29. †2 Mose 20,5.

Kpojiemɔ 3:7

Ni Filadelfia asafo le̱ bo̱fo le̱, ṅmã oyahāle̱ ake̱: Nii ni mokroṅkroṅ le̱, ano̱kwafo le̱, moni *hĩe David samfe le̱, moni gbleo̱ ni moko ṅã́ã́, ni eṅã́a hũ ní moko gblee le̱, kē̱ ne̱: *Ies 22,22.

Kpojiemɔ 4:8

Ni hĩekãlo̱i edſe̱ le̱ ateṅ mofẽmo ye̱ fĩdši ekpa-ekpa, ni ame̱hewo̱ ke̱ ame̱-mli eyimo̱ obõbõ ke̱ hĩṅme̱ii so̱ṅṅ, ni ame̱dšo̱o̱ ame̱he nyōṅ ke̱ ſane ni ame̱kē̱o̱ ake̱: *Kroṅkroṅ, kroṅkroṅ, kroṅkroṅ dši Nuṅtšo̱ Nyoṅmo̱ Ofe le̱, moni ye̱ le̱ ke̱ moni yo̱ le̱ ke̱ moni baba le. *Ies. 6,3.