3 Mose 10:16 - Ṅmãle̱ Kroṅkroṅ Le̱

¹⁶ Ni eša-afo̱le tōkpakpo le̱, Mose taole̱ āhũ, ni na, ašãle̱. Ni emli wo Eleazar ke̱ Itamar, Aaron bihĩĩ ní eſe̱ le̱, la ni ekē̱:

ŊMALƐ KRƆŊKRƆŊ LƐ

¹⁶ Mose tao too ojwɛni ni akɛshãa esha afɔle lɛ aahu kɛyashi ena ele akɛ ashã momo. Mose mli wo Eleazar kɛ Itamar Aaron bihii ni eshwɛ lɛ la ni ekɛɛ,

3 Mose 10:16 ပူးပေါင်းရင်းမြစ်များ

Ezra 7:5

Abišua bi le̱, Pinehas bi le̱, Eleazar bi le̱, oso̱fonukpa Aaron bi le̱, —

3 Mose 6:17

Ake̱ mãša akašã; ame̱gbe̱nā ni miṅõhãame̱ ye̱ mifo̱lei ní ake̱ la šãa le̱ amli dši no; nõkroṅkroṅ ní fè fẽ ni, tamo̱ eša-afo̱le ke̱ sõ-afo̱le le̱.

3 Mose 6:26

Oso̱fo le̱ ní šãa eša-afo̱le le̱ aye; hekroṅkroṅ le̱ aye ye̱, ye̱ kpē-bū le̱ kpo le̱ no̱.

3 Mose 6:30

Ši eša-afo̱le-fẽ-eša-afo̱le ní aaṅõ elá le̱ eko ke̱-ba kpē-bū le̱ mli ní ake̱-ba-kpãtã ye̱ hekroṅkroṅ le̱, akaye eko; ake̱ la ašã.

3 Mose 9:15

Ke̱ke̱ ni eṅõ maṅ le̱ afole le̱ ke̱-ba: ni eṅõ eša-afo̱le tōkpakpo le̱ ní dši maṅ le̱ no le̱, ni egbele̱, ni eṅõ-fe eša-afo̱le tamo̱ tšutšunõ le̱.

3 Mose 9:3

Ni Israelbii le̱, okē̱ame̱ ake̱: Nyeṅõa tōkpakpo ye̱ tōabotiai le̱ ateṅ ke̱-fe eša-afo̱le, ke̱ tšinabi ke̱ tōgwanteṅbi ní ame̱ye afi kome ní kpa ko be̱ ame̱he ke̱-fe šā̃-afo̱le,

4 Mose 12:3

Ši ne̱ke̱ nū Mose ne̱, ehe dšo̱ fè gbomei fẽ ní yo̱ šikpoṅ ne̱ no̱.

Mateo 5:22

Ši mi le̱, mīkē̱nye ake̱: Mofẽmo ní mli fũo̱ enyemi (yaka) le̱, eeye kodšomo̱ le̱ṅ fo̱; ni mofẽmo ní aake enyemi ake̱: “Raka” [yakagbomo] le̱, eeye adšina le̱ hĩe fo̱; ni mofẽmo ní aakē̱ ake̱: “Bo se̱ke̱yelo̱” le̱, eeye la-gehena le̱ mli yā fo̱. 1 Ioh. 3,15.

Marko 10:14

Ši beni Iesu na le̱, edo̱le̱, ni ekē̱-ame̱ ake̱: Nyehãa gbekẽbii le̱ abaä miṅõ, ni nyekatšĩaame̱ gbe̱; edšake̱ mene̱mei anõ dši Nyoṅmo̱ maṅtše̱yeli le̱.

Marko 3:5

Ni ekwe̱ ame̱hĩeiaṅ ke̱-kpe ke̱ *mlifũ, edšake̱ edo̱le̱ ake̱ ame̱tšui wa ne̱ke̱, ni ekē̱ nū le̱ ake̱: Kpã onine le̱ mli! Ni ekpa mli, ni atšá enine le̱, ni eye emū tamo ekome le̱. *Ioh. 11,38.

Efesobii 4:26

Nyemli afũa, ši nyekafea eša; hũlũ akanyõ ši ye̱ nyemlila le̱ no̱, Lal. 4,5. Iak. 1,19. 20.