2 Samuel 5:2 - Ṅmãle̱ Kroṅkroṅ Le̱

² Asaṅ nyèse̱ ne̱, beni Saul yeo̱ wo̱no̱ maṅtše̱ le̱, bo noṅṅ dši moni ke̱ Israel yaã ni oke̱ame̱ baã, ni Iehowa kē̱o ake̱: Bo oolè̱ mimaṅ Israel, ni bo ooye Israel no̱ *lumo̱. *1 Sam. 18,11; 25,30.

ŊMALƐ KRƆŊKRƆŊ LƐ

² Nyɛsɛɛ nɛɛ be ni Saul yeɔ wɔmaŋtsɛ lɛ, bo ji tatsɛ ni nyiɛ Israelbii lɛ ahiɛ kɛtee kɛba, asaŋ Yehowa wo bo shi akɛ ‘Bo oootsɔ̃ mimaŋ Israelbii lɛ ahiɛnyiɛlɔ kɛ amɛlumɔ.’ ”

2 Samuel 5:2 ပူးပေါင်းရင်းမြစ်များ

1 Mose 49:24

Ši egãi le̱ emli wa kpẽṅṅ, ni eni-dši ke̱ ekõdši ahe ye̱ oyá, edše̱ Iakob kãkãlo̱ le̱ deṅ, edše̱ tōkwe̱lo̱ ní dši Israel te̱sā le̱ gbe̱i amli,

2 Samuel 6:21

Ši David kē̱ Mikal ake̱: Iehowa ni dše otše̱ ke̱ ewe le̱ fẽ se̱ ni ehalami ewomi Iehowa maṅ Israel no̱ *lumo̱ le̱ hĩe midšò ye̱, hẽ, le̱ ehĩe madšó ye̱! *5,2.

2 Samuel 7:7

Hei fē ní mike̱ Israelbii le̱ fẽ enyienyiei le̱, ani mike̱ Israel kodšolo̱i le̱ ni mifã́ame̱ ake̱ ame̱lè̱ mimaṅ Israel le̱ eko ewie wiemo̱ ko pẽṅ ake̱: Mẽba po ni nyemãã tšenedru tšũ nyehããmi lo?

2 Samuel 7:8

Nohewo̱ le̱ agbe̱ne̱ kē̱mo̱ mitšũlo̱ David ne̱ke̱: Bo̱ni Iehowa Zebaot kē̱ ne̱: Mi miyakplao ke̱-dše̱ tōialè̱he ke̱ tōi ase̱, koni obaye mimaṅ Israel no̱ lumo̱; 1 Sam. 16,11-13.

2 Maŋtsɛmɛi 20:5

Kũ ose̱ ni oyakē̱ Hezekia, mimaṅ le̱ no̱ lumo̱ le̱, ake̱: Bo̱ni Iehowa, otše̱ David Nyoṅmo̱ le̱, kē̱ ne̱: Minn ofai-kpamo̱ le̱, ni mina ohĩeyāfónui le̱ hũ. Na, mibatšáo; ni bie̱ gbĩĩ etẽ le̱ oonyie ke̱-ate Iehowa we le̱.

1 Kronika 11:2

Asaṅ nyese̱ ne̱, beni Saul yeo̱ wo̱no̱ maṅtše̱ le̱, bo noṅṅ dši moni ke̱ Israel yaä ni oke̱ame̱ baä; ni Iehowa, o-Nyoṅmo̱ le̱, hũ kē̱o ake̱: Bo oolē̱ mimaṅ Israel, ni bo noṅṅ ooye mimaṅ Israel no̱ lumo̱.

2 Kronika 1:10

Nohewo le̱ agbene̱ hãmi nilē ke̱ se̱yōmo̱, koni mawo kpodšē ke̱ mlibā ye̱ ne̱ke̱ maṅ ne̱ hĩe; edšake̱ namo po aanyẽ omaṅ kpeteṅkple ne̱ akodšo?

Yesaia 40:11

Eelè̱ etōiku le̱ tamo̱ tōkwe̱lo̱; eehĩe etōbii le̱ ye̱ ekpo̱ko̱iaṅ, ni eeholeame̱ ešãkã etšitši, ni tōnyemei le̱ hũ, eekplaame̱ ble̱ō. Ioh. 10,11. 12.

Yesaia 55:4

Na, mike̱le̱ efe odase mihã mãdši-mãdši le̱, lumo̱ ke̱ mlawolo̱ hã mãdšimãdši le̱!

Ezekiel 34:23

Ni maṅõ *tōkwe̱lo̱ kome mato ame̱no̱, ni eelè̱ame̱, le̱ dši †mitšũlo̱ David; le̱ eelè̱ame̱, ni le̱ eetšṍ tōkwelo ehãame. *37,24. Ioh. 10,12-18. †Ier. 30,9. Hos. 3,5.

Mika 5:4

Ni mone̱ aatšṍ *hedšo̱le̱. Ké̱ Ašur mītao aba wo̱šikpoṅ le̱ no̱ ní ebabote wo̱mõdši fe̱fe̱dši le̱ amli le̱, no le̱ wo̱o̱tē no̱kwe̱lo̱i kpawo ke̱ lume̱i kpānyo̱ ši wo̱-wole̱. *Ies. 9,5. Ef. 2,15.

4 Mose 27:17

moni aanyie ame̱hĩe ke̱-dše kpo ni eenyie ame̱hĩe ke̱-ba, ni eekplaame̱ ke̱-dše kpo ni eekplaame̱ ke̱-ba hũ, koni Iehowa asafo le̱ akatamo̱ tōi ní be̱ kwelo̱. Mat. 9,36.

Mateo 2:6

“Ni bo, Betlehem, Iuda šikpoṅ le̱, dšee bo dši bibiō fè fẽ ye̱ Iuda lume̱i le̱ ateṅ kwrā, ši omli lumo̱ ní aalē̱ mimaṅ Israel le̱ aadše̱.”

Yohane 10:11

Midši *tōkwe̱lo̱ kpakpa le̱. Tōkwe̱lo̱ kpakpa le̱ †ṅõo̱ esusuma eṅmẽo̱ ši ye̱ etoi le̱ anãdšiaṅ. *Ies. 40,11. Ezek. 34,11-23; 37,24. †Ioh. 15,13.

Hebribii 2:10

Edšake̱ esale̱, mo hewo̱ ní nii fiā yo̱ ke̱ *mo no̱ ní atšṍ ní nii fiā yo̱ le̱, moni ṅõo̱ bii babaō ke̱-baä anumnyam mli le̱, ake̱ ehã ame̱yiwalaheremo̱ tatše̱nukpa le̱ atšṍ amanehũlũi amli ahĩ ke̱-wula ši. *Rom. 11,36.

1 Samuel 13:14

Ši agbe̱ne̱ le̱ omaṅtše̱yeli le̱ damo̱ṅ ši. Iehowa etao le̱dientše̱ *etšui nā nū ko ehã ehe, ni Iehowa ewole̱ emaṅ le̱ no̱ lumo̱; edšake̱ oyee kitã ni Iehowa woö le̱ no̱. *Bo̱f. 18,22.

1 Samuel 16:1

Ni Iehowa kē̱ Samuel ake̱: Mẽ beyino̱ noṅṅ ooye Saul he ṅko̱mo̱ ke̱-yaši, edšake̱ ona ake̱ *mikwale̱ Israel no̱ maṅtše̱ le̱ yeli? Wo okoṅ le̱ mli mũ obo, ni oya; mibatšũo Išai, Betlehemnyo le̱, ṅõ; edšake̱ miná maṅtše̱ ye̱ ebihĩĩ le̱ ateṅ. *16,33. 36.

1 Samuel 18:13

Nohewo̱ le̱ Saul dšiele̱ ke̱-dše̱ ehe, ni ewole̱ mei akpe no̱ asafoiatše̱; ni enyieo̱ maṅ le̱ hĩe ke̱-yaä ke̱-baä.

1 Samuel 18:16

Ši Israel ke̱ Iuda fẽ sumoo̱ David, edšake̱ le̱ enyieo̱ ame̱hĩe ke̱-yaä ke̱-baä.

1 Samuel 18:5

Ni David yaã heſẽhe ni Saul tšũo̱le̱ le̱, ni *eyayeo̱ omanye; ni Saul ṅõle̱ to hĩĩ tawulo̱i le̱ ano̱, ni esa maṅ mŭ le̱ fẽ ke̱ Saul tšũdši le̱ hũ ahĩe. *K. 14.

1 Samuel 25:28

Ofai ne̱, ṅõ tõmo̱ ne̱ ofa oweyō; edšake̱ Iehowa bamã šĩa ní mã ši šiṅṅ ahã minuṅtšo̱; edšake̱ minuṅtšo̱ wuo̱ Iehowa tai le̱, ní akana nõfõṅ ko nõfõṅ ko hũ ye̱ ohe owala gbĩĩ abo̱ fẽ.

1 Samuel 25:30

Ni aaba mli ake̱, kē̱ Iehowa ená efe minuṅtšo̱ edšudši fẽ ni ewie ye̱ ohe le̱, ni ewoõ *lumo̱ ye̱ Israel no̱ le̱, 2 Sam. 5,2.

1 Samuel 9:16

Wó̱ aafe bene̱ yino̱ le̱ mibatšũ nū ko ní dše̱ Benyamin šikpoṅ le̱ no̱ ke̱-ba oṅõ, ni ofo̱le̱ mū owo mimaṅ Israel le̱ no̱ lumo̱, koni ehere mimaṅ le̱ yiwala ke̱-dše̱ Filistibii le̱ adeṅ; edšake̱ mikwe̱ mimaṅ le̱, ši ame̱blo̱mo̱ le̱ eše̱ miṅõ.