2 Samuel 3:10 - Ṅmãle̱ Kroṅkroṅ Le̱

¹⁰ ni mašõ maṅtše̱yeli le̱ ke̱-dše̱ Saul we le̱, ni maṅõ David maṅtše̱sẽi le̱ mama ši ye̱ Israel ke̱ Iuda no̱ ke̱-dše̱ Dan āhũ ke̱-yaſie Beeršeba!

ŊMALƐ KRƆŊKRƆŊ LƐ

¹⁰ akɛ ebaahe maŋtsɛyeli lɛ yɛ Saul we lɛ dɛŋ, ni ebaahã David maŋtsɛyeli lɛ ahe shi akɛ Israel kɛ Yuda fɛɛ maŋtsɛ kɛjɛ Dan aahu kɛyashwie Beersheba.”

2 Samuel 3:10 ပူးပေါင်းရင်းမြစ်များ

2 Samuel 17:11

Nohewo̱ le̱ ṅā ni miwoo̱ dši ake̱: ohã abua Israel mū le̱ fẽ nā ahão ke̱-dše̱ Dan ke̱-yaſie Beeršeba, tamo̱ ṅšo̱ nā šia ye̱ fále̱ nā, koni bodientše̱ hũ oya ta le̱.

2 Samuel 24:2

Ni maṅtše̱ le̱ kē̱ Ioab, etatše̱ le̱ ni fata ehe le̱, ake̱: Yakpe Israel akutšei le̱ fẽ mli agbe̱ne̱, ke̱-dše̱ Dan āhũ ke̱-yaši Beeršeba, ni nyekana maṅ le̱, koni male maṅ le̱ yikule̱.

2 Samuel 3:11

Ni enyẽẽ eto he wiemo̱ kome tete ehã Abner doṅṅ, edšake̱ ēšele̱ gbeyei.

2 Samuel 3:21

Ni Abner kē̱ David ake̱: Mi mate ši ni maya ni mayabua Israel fẽ nā ma-hã minuṅtšo̱ maṅtše̱, koni ame̱ke̱o abakpãṅ, ni oye ame̱fẽ ame̱no̱ maṅtše̱, bo̱ni osusuma taoo̱! Ke̱ke̱ ni David dšie Abner gbe̱ ni ete ye̱ hedšo̱le̱ mli.

Kojolɔi 20:1

Ke̱ke̱ ni Israelbii le̱ fẽ fã, ni asafo le̱ nā bákpe ši tamo̱ gbomo kome, ke̱-dše̱ Dan āhũ ke̱-yaši Beeršeba tō̃ ke̱ Gilead šikpoṅ le̱ hũ, ni ameba Iehowa ṅõ ye̱ *Mizpa. *11,11. 1 Sam. 7,5.

1 Samuel 15:28

Ni Samuel kē̱le̱ ake̱: Iehowa *egbá oke̱ Israel maṅtše̱yeli le̱ teṅ ṅme̱ne̱, ni eṅõ-hã onanyo ko ní hĩ fèo. *28,17.

1 Samuel 28:17

Bo̱ni Iehowa tšṍ mino̱ ewie le̱, efe nakai; edšake̱ Iehowa ešõ maṅtše̱yeli le̱ ye̱ odeṅ, ni eke̱-hã onanyo ni dši David le̱;

1 Samuel 3:20

Ni Israel fẽ ní dše̱ Dan āhũ ke̱-yaſie Beeršeba le̱ ná le ake̱ Samuel le̱ Iehowa gbalo̱ ano̱kwafo ni.