2 Samuel 20:6 - Ṅmãle̱ Kroṅkroṅ Le̱

⁶ Ke̱ke̱ ni maṅtše̱ le̱ kē̱ Abišai ake̱: Kpako Šeba, Bikri bi le̱, bafewo̱ efõṅ fè Absalom nõ le̱ tete; bo le̱ ṅõ onuṅtšo̱ tšũdši le̱ ni otiule̱, koni ekayaṅõ mãdši ni atſa gbogboi awo he le̱ ni elādšewo̱.

ŊMALƐ KRƆŊKRƆŊ LƐ

⁶ No hewɔ lɛ, maŋtsɛ lɛ kɛɛ Abishai akɛ, “Etamɔ nɔ ni Bikri bi Sheba baagba wɔnaa fe Absalom tete. Ŋɔɔ mitabilɔi lɛ, ni nyɛtiua lɛ koni ekayana maji ni atswa gbogboi awo amɛhe lɛ amli eyabote ni etsɔ̃ jɛi eje wɔdɛŋ.”

2 Samuel 20:6 ပူးပေါင်းရင်းမြစ်များ

2 Samuel 10:14

Ni beni Amonbii le̱ na ake̱ Arambii edšo foi le̱, ke̱ke̱ ni ame̱ hũ ame̱dšo foi ye̱ Abišai hĩe ni ame̱yabote mã le̱ṅ. Ke̱ke̱ ni Ioab kũ ese̱ ke̱-dše̱ Amonbii le̱ ase̱ ni eba Ierusalem.

2 Samuel 11:11

Ni Uria kē̱ David ake̱: *Adeka le̱ ke̱ Israel ke̱ Iuda fẽ ye̱ asesei amli, ni minuṅtšo̱ Ioab ke̱ minuṅtšo̱ tšũdši le̱ ebo̱ nsra ye̱ ṅãno̱, ni mi le̱ miya miwe ni miyaye nii ni minu ni mike̱ miṅã awo̱ lo? Gbĩĩabo̱ ní ohĩe kã ni osusuma hũ hĩe kã ne̱, miwoṅ ene̱ femo̱. *1 Sam. 4,4.

2 Samuel 18:12

Ši nū le̱ kē̱ Ioab ake̱: Kpaō, ke̱-dši ake̱ dſie̱te̱i kukndši akpe awo mideṅ tete po le̱, mikpãṅ minine mli ye̱ maṅtše̱ bi le̱ no̱; edšake̱ wo̱toiiaṅ ni *maṅtše̱ le̱ wo bo ke̱ Abišai ke̱ Itai akpoi ake̱: Nyeteṅ mofẽmo akwe̱ ni ahĩ ni moko nine akata oblanyo Absalom le̱ he! *K. 6.

2 Samuel 18:2

Ni David dša ta le̱ mli etẽ, eke̱ mlidšāi etẽ mli ekome wo Ioab deṅ, ni eke̱ mlidšāi etẽ mli ekome hũ wo Abišai, Zeruia bi ni dši Ioab nyemi le̱, deṅ, ni eke̱ mlidšāi etẽ mli ekome hũ wo *Itai, Gatnyo le̱, deṅ. Ni maṅtše̱ le̱ kē̱ ta le̱ ake̱: Midientše̱ hũ mike̱nye aate. *15,19.

2 Samuel 19:7

[6.] ake̱-ni osumoo̱ ohenye̱lo̱i le̱ moṅ ni onye̱o̱ osuolo̱i le̱. Edšake̱ ṅme̱ne̱ otšõ faṅṅ ake̱ lume̱i le̱ ke̱ tšũdši le̱ dšee noko ye̱ ohĩe, edšake̱ kpako mina ake̱ edši Absalom yi ná wala ni wo̱fẽ wo̱gboi ṅme̱ne̱, kũle̱ eṅõ onā!

2 Samuel 2:18

Ni *Zeruia bihĩĩ etẽ ye̱ dše̱i: Ioab ke̱ Abišai ke̱ Asahel; ni Asahel nane ye̱ oyá tamo̱ ṅãno̱ soṅāi. *1 Kron. 2,16.

2 Samuel 21:17

Ši *Abišai, Zeruia bi le̱, ye baale̱ ni etſa Filistinyo le̱ nõ ni egbele̱. Ke̱ke̱ ni David webii le̱ kãle̱ kitã ake: Oke̱wo̱ akaya ta doṅṅ, koni akabagbe Israel kane le̱. *23,18.

2 Samuel 23:18

Ni Abišai, Ioab nyemi le̱, ni dši *Zeruia bi le̱, dši mei etẽ le̱ ateṅ onukpa. Le̱ hũ ewó ekplo̱ no̱ ye̱ mei ohai-etẽ no̱ ni egbeame̱, ni ená gbe̱i ye̱ mei etẽ le̱ ateṅ. *21,17.

2 Samuel 3:30

Ne̱ke̱ Ioab ke̱ enyemi Abišai gbe Abner, edšake̱ egbe ame̱nyemi Asahel ye̱ Gibeon ye̱ ta le̱ mli.

2 Samuel 3:39

Ni mi le̱ afo̱mi mũ awomi maṅtše̱ moṅ, ši amrõmrõ ne̱ mibe̱ hewale̱, ni ne̱ke̱ hĩĩ ne̱ ní dši Zeruia bii le̱, ame̱sane wa fèmi. Iehowa awo efõṅfelo̱ nyõmo̱ ye̱ enōfõṅfemo̱ le̱ nā!

1 Maŋtsɛmɛi 1:33

Ni maṅtše̱ le̱ kē̱ame̱ ake̱: Nyeṅõa nyenuṅtšo̱ tšũdši le̱ nyefataã nyehe, ni nyeke̱ Salomo atá midientše̱ mitedšiokpo̱ṅe̱ le̱ no̱ ni nyeke̱le̱ aya Gihon.

1 Kronika 11:20

Ni Abišai, Ioab nyemi le̱, dši mei etẽ le̱ ateṅ onukpa, le̱ hũ ewó ekplo̱ no̱ ye̱ mei ohai-etẽ no̱ ni egbeame̱, ni ená gbe̱i ye̱ mei etẽ le̱ ateṅ.

1 Kronika 18:12

Ni asaṅ Abišai, Zeruia bi le̱, gbe Edombii le̱ ateṅ mei akpei-nyoṅma-ke̱-kpānyo̱ ye̱ Ṅō-dšō̱ le̱ṅ.

Yeremia 8:14

Mẽba mo̱ ni wo̱trá ši lolo ne̱? Nyebuaã nyehe nā ní wo̱yabotea mãdši ní atſa gbogboi awo he le̱ amli, ní wo̱yaplenẽ ye̱ dše̱i; edšake̱ Iehowa, wo̱-Nyoṅmo̱ le̱, ehã wo̱plenẽ, ni ehãwo nu ni *ebō̱ yo̱ mli wo̱nu, edšake̱ wo̱fe esa wo̱ši Iehowa! *9,15.

Marko 3:24

Ni ke̱dši maṅtše̱yeli ko gbá wo le̱dientše̱ ehe le̱, nakai maṅtše̱yeli le̱ nyẽṅ ši adamo̱.

1 Samuel 26:6

Ke̱ke̱ le̱ yadše David nā le̱ ekē̱ Ahimelek, Hitnyo le̱, ke̱ Abišai, Zeruia bi ni dši Ioab nyemi le̱, ake̱: Namo ke̱-mi aakpleke ši ke̱-ate Saul ṅõ ye̱ nsra le̱ṅ? Ni Abišai kē̱: Mike̱o aakpleke ši ke̱-ate!