2 Samuel 17:14 - Ṅmãle̱ Kroṅkroṅ Le̱

¹⁴ Ke̱ke̱ ni Absalom ke̱ Israelbii le̱ fẽ kē̱: Hušai, Arkinyo le̱, ṅāwõ le̱ hĩ fè Ahitofel nõ le̱. Edšake̱ to *Iehowa eto ake̱ akwa Ahitofel ṅāwõ kpakpa le̱, beni afe ni Iehowa ke̱ efõṅ aba Absalom no̱. *15,31. 34.

ŊMALƐ KRƆŊKRƆŊ LƐ

¹⁴ Absalom kɛ Israelbii lɛ fɛɛ kɛɛ akɛ, “Hushai, Arkinyo lɛ ŋaawoo lɛ hi fe Ahitofel nɔ lɛ.” Ejaakɛ Yehowa eto akɛ akaye Ahitofel ŋaawoo kpakpa lɛ nɔ bɔ ni afee ni Yehowa ahã nɔ fɔŋ aba Absalom nɔ.

2 Samuel 17:14 ပူးပေါင်းရင်းမြစ်များ

1 Mose 32:28

Ni ebile̱ ake̱: Té ogbe̱iṅ? Ni ekē̱: Iakob.

2 Samuel 15:31

Ni moko bagba David ake̱: Ahitofel ye̱ mei ní ke̱ Absalom ekpãṅ le̱ ateṅ! Ni David kē̱: Iehowa, ofai ne̱, ní ohã Ahitofel ṅāwō le̱ atšṍ kwašiai asane!

2 Samuel 15:34

ši ke̱dši okũ ose̱ ke̱-te mã le̱ṅ ni oyakē̱ Absalom ake̱: Maṅtše̱, otšũlo̱ dšimi; tšutšu le̱ otše̱ tšũlo̱ dšimi, ši agbe̱ne̱ le̱ matšṍ otšũlo̱ le̱: no moṅ *oofite Ahitofel ṅāwō le̱ ohãmi. *17,7.

2 Samuel 16:23

Ši Ahitofel ṅã le̱ ni ewoo̱ ye̱ nakai gbĩĩ le̱ amli le̱ tamo̱ noni ayabio̱ Nyoṅmo̱ dāṅ gbẽ; nakai David ke̱ Absalom fẽ buo̱ Ahitofel ṅāi fẽ ni ewoame le̱.

2 Kronika 10:15

Ni maṅtše̱ le̱ boo maṅ le̱ toi; edšake̱ Nyoṅmo̱ deṅ sane le̱ dše̱, beni afe ni Iehowa ahã ewiemo̱ ni *etšṍ Ahia, Šilonyo le̱, nine no̱ eke̱ Ierobeam, Nebat bi le̱, wie le̱ aba mli. *1 Maṅ. 11,29, 31.

2 Kronika 10:8

Ši ekwa onukpai le̱ aṅā ni ame̱wole̱ le̱, ni eke̱ oblahĩī ní dši etipẽṅfoi ni damoo̱ ehĩe le̱ te adšina,

2 Kronika 25:16

Ši eba mli ake̱, beni eke̱le̱ wieo̱ le̱, maṅtše̱ le̱ kē̱le̱ ake̱: Ani wo̱wo bo maṅtše̱ ṅāwolo̱ lo? Fõmo̱! mẽba oohã atſiao nii? Ni gbalo̱ le̱ fõ ni ekē̱: Ake̱-ni ofe ne̱ ni oboo miṅāwō le̱ toi ne̱, mile ake̱ Nyoṅmo̱ eto eyiṅ ake̱ eekpãtã ohĩe!

2 Kronika 25:20

Ši Amazia boo toi; edšake̱ Nyoṅmo̱ deṅ dše̱, beni afe ní etuame̱ ewo ame̱henye̱lo̱i le̱ adeṅ, edšake̱ ame̱nyie Edom nyoṅmo̱i le̱ ase̱.

Nehemia 4:15

[21.] Bo̱ni wo̱tšuo̱ nii le̱ ne̱. Ni mei le̱ fã hĩeo̱ akplo̱i ke̱-dše̱o̱ hũlũ šitē ke̱-yašio̱ beyino̱ ní ṅulamii pueo̱.

Hiob 12:17

Ekplo̱ö̱ adšinafoi ahe nii ni eke̱-ame̱ yaä, ni ehãa kodšolo̱i hũ tšṍmoo̱ kwašiai.

Lalai 9:15

koni *magba oyidšiemo̱i le̱ fè ye̱ Zion biyō le̱ agbói le̱ amli, †mimli aaflimi ye oyiwalaheremo̱ le̱ hewo. *Lal. 22,23. 40,10. 11. †Lal. 18,6.

Lalai 9:16

Dšeṅmãdši le̱ egbẽ bu ní ame̱ noṅṅ ame̱tša le̱ mli; tšõne ní ame̱tšṍ ame̱tē le̱ edũ ame̱nane. Lal. 7,13.

2 Mose 9:16

Ši kẽle̱ ene̱ hewo mihã odamo̱ ši, koni madšie mihewale̱ kpo matšõo, ní atšĩ migbe̱i atã ye̱ dšeṅ fẽ. 7,8; 14,4. Rom. 9,17.

Abe̱i 19:21

Dſẽṅmo̱i pī ye̱ gbomo tšuiṅ; ši Iehowa yiṅtō le, no badamo̱ ši. 16,9. Ier. 10,23.

Abe̱i 21:30

Nilē lo sanese̱ko̱mo̱ lo adšina ko be̱ ní ke̱ Iehowa aaši mple. Lal. 33,10. 11.

Yesaia 8:10

Nyetoa adšina, ni eefe yaka kẽ! Nyewiea wiemo̱ hũ, ni edamo̱ṅ ši; edšake̱ *Nyoṅmo̱ ke̱wo̱ ye̱! *K. 8.

Yāfó 3:37

Namo dši moni aakē̱ *noko ni eeba mli, kedši Nuṅtšo le fã́ko le? *Ies. 45,7. Amos 3,6.

Amos 9:3

ni ké̱ ame̱yatē ame̱he ye̱ Karmel yiteṅ tete le̱, mataoame̱ ni maṅõame̱ ke̱-adše̱ dše̱i; ni ké̱ ame̱yatēmi ye̱ ṅso̱ šiši tete le̱, mafã́ onũfũ ye̱ dše̱i, ni ekõmo̱ame̱;

Luka 16:8

Ni nuṅtšo̱ le̱ dšie tšũlo̱nukpa kũtũmpo̱fo le̱ yi ake̱ eye esane le̱ ṅā mli. Edšake̱ dše ne̱ṅ bii le̱ le ame̱nõ le̱ mli ṅã fè *la bii le̱. *Ef. 5,9. 1 Tes. 5,5.

1 Korintobii 3:19

Edšake̱ dše ne̱ṅ nilē le̱ dši kwašiaiasane ye̱ Nyoṅmo̱ hĩe. Edšake̱ aṅmã ake̱: *“Emōo̱ nilelo̱i le̱ ye̱ ame̱dientše̱ ame̱hĩetẽ le̱ mli.” *Hiob 5.12. 13.

5 Mose 2:30

Ši Hešbon maṅtše̱ Sihon le̱ ekplẽẽ ní wo̱tšṍ eṅõ ke̱-ho; edšake̱ Iehowa, o-Nyoṅmo̱ le̱, ewadše emumo̱ ni ehã etšui ekpliṅ, beni afe ní eke̱le̱ awo odeṅ, take̱ bo̱ni eba mli ṅme̱ne̱ ne̱.

Yoshua 11:20

Edšake̱ Iehowa deṅ edše̱, ni awadše ame̱tšui ní ame̱ke̱ Israel awu, ní afeame̱ musu, ni akanaame̱ mo̱bo̱, *ši moṅ akpãtã ame̱hĩe, take̱ bo̱ni Iehowa wo Mose kitã le̱. *5 Mose 7,2.