2 Mose 9:24 - Ṅmãle̱ Kroṅkroṅ Le̱

²⁴ Ni nyoṅmo̱ṅte̱i le̱ ne̱ ke̱ la ní tšoo̱ plamplam ye̱ nyoṅmo̱ṅte̱i le̱ ateṅ, ni ena wa naakpa dientše̱, boni anako no̱ dã ye̱ Mizraim šikpoṅ le̱ no̱ fẽ ke̱-dše̱ be mli ní etšṍ maṅ ne̱.

ŊMALƐ KRƆŊKRƆŊ LƐ

²⁴ Be ni enɛɔ lɛ belɛ srawa lɛ hu miigbala plamplam kɛnyiɛ mli. Nyɔŋmɔŋtɛi lɛ nɛ waa naakpa bɔ ni anako ehenɔ dã yɛ Ijipt kɛjɛ be mli ni etsɔ̃ maŋ nɛɛ.

2 Mose 9:24 ပူးပေါင်းရင်းမြစ်များ

Hiob 38:23

nii ni mitšĩ nā mito toigblamo̱be, ke̱ *nõmo̱ ke̱ tawū gbĩ le̱? *Ios. 10,11.

Lalai 105:32

Nyoṅmo̱ne̱mo̱ nãdšiaṅ le̱ ehãame̱ nyoṅmo̱ṅte̱ ke̱ lalileii hũ ye̱ ame̱šikpoṅ le̱ no̱.

Lalai 18:13

Kpe̱mo̱ ni nyie ehĩe le̱ hã nyoṅmo̱ṅte̱i ke̱ ṅãi ní tšoo̱ dše̱ etatui kpīkpī le̱ amli baho.

2 Mose 10:6

Ni ame̱ayimo̱ ošĩai ke̱ otšũdši fẽ ašĩai ke̱ Mizraimbii fẽ ašĩai, bo̱ni otše̱mei le̱ ke̱ otše̱mei atše̱mei le̱ enako no̱ pẽṅ ke̱-dše̱ beyino ní ame̱ba šikpoṅ le̱ no̱ ke̱-baši ṅme̱ne̱ gbĩ ne̱. Ni etšṍ ehe, ni edše Farao ṅõ.

2 Mose 9:18

Na, wó aafe bene̱ yino̱ le̱ mahã *nyoṅmo̱ṅte̱i ní nā wa naakpa dientše̱ ane̱ ní anako no̱ dã ye̱ Mizraim ke̱-dše̱ gbĩ ní atole̱ le̱ ke̱-baši ṅme̱ne̱. *Hiob 38,22.

2 Mose 9:23

Ni Mose kpã etšo le̱ mli ke̱-te ṅwei, ni Iehowa hã nyoṅmo̱šimo̱i ke̱ *nyoṅmo̱ṅte̱i ba, ni la tšẽ ke̱-nyie šikpoṅ le̱; ni Iehowa hã nyoṅmo̱ṅte̱i ne̱ ye̱ Mizraim šikpoṅ le̱ no̱. *Kpods. 16,21.

2 Mose 9:25

Ni nyoṅme̱ṅte̱i le̱ yi nibii fẽ ní yo̱ ṅãno̱ ye̱ Mizraim šikpoṅ le̱ no̱ fẽ ke̱-dše̱ gbomei ano̱ ke̱-yaši koloi ano̱, ni nyoṅmoṅte̱i le̱ kpãtã ṅãno̱ bāi le̱ fẽ ahĩe ni ekũmo̱ ṅãno̱ tšei le̱ fẽ.

Yesaia 30:30

Ni Iehowa aahã anu enumnyam gbē le̱, ni eehã ana enine ní baä ši le̱, ke̱ emlifũ ní nä wa ke̱ *lalilei ní šãa nii, ke̱ nyoṅmo̱ne̱mo̱ ke̱ ahum ke̱ nyoṅmo̱ṅte̱i. *29,6.

Ezekiel 1:4

Ni mikwe̱, ni na, lasũogbĕle ko fã ke̱-dše̱ kōyigbe̱, atatu kple, ke̱ la ní efĩ tó̱o, ni kpe̱mo̱ ebo̱le he ke̱-kpe, ni eteṅgbe̱ hũ noko dšeo̱ kpo tamo̱ šika ní kpe̱o̱ su ye̱ la le̱ teṅ. Y. 10 Kpods. 4,6-8.

Ezekiel 13:13

Nohewo̱ le̱ bo̱ni Nuṅtšo̱ Iehowa kē̱ ne̱: Mahã ahum atſa ye̱ mimlila le̱ṅ, ni nyoṅmo̱ne̱mo̱ ní lōo̱ nibii ke̱-yaä aaba ye̱ mimlifũ le̱ṅ, ni nyoṅmo̱ṅte̱i wudši aaba ye̱ mlila le̱ mli ni ebakpãtã hĩe.

Mateo 24:21

Edšake̱ no be le̱ mli le̱ amanehũlũ babaō aaba, ní anako no̱ dã ke̱-dše̱ dše le̱ṅ šišidšē mli ke̱-baši ṅme̱ne̱ṅmene̱, ni asaṅ anaṅ eno̱ gbĩkogbĩko doṅṅ. Dan. 12,1.