2 Mose 6:7 - Ṅmãle̱ Kroṅkroṅ Le̱

⁷ ni maṅõnye mafe midientše̱ mimaṅ, ni matšṍ nye-Nyoṅwo̱, ni nyeale ake̱ midši Iehowa, nye-Nyoṅmo̱ le̱ ní dsienye ye̱ Mizraim dšatšui le̱ ašiši le̱,

ŊMALƐ KRƆŊKRƆŊ LƐ

⁷ Maŋɔ nyɛ mafee mi diɛŋtsɛ mimaŋ, ni matsɔ̃ nyɛNyɔŋmɔ, ni nyɛaale akɛ mi ji Yehowa, nyɛNyɔŋmɔ lɛ, ni jie nyɛ yɛ Ijipt nyɔŋyeli lɛ mli lɛ.

2 Mose 6:7 ပူးပေါင်းရင်းမြစ်များ

1 Mose 26:3

to gbo̱ ye̱ šikpoṅ ne̱ no̱, ni mike̱o aahĩ ši ni madšō̱o; ši bo ke̱ *oseši ma-ṅõ ne̱ke̱ šikpõdši ne̱ fẽ mahã, ni maye †kitã ni mikā otše Abraham le̱ no̱. *12,7. †22,13.

1 Mose 28:13

Ni na, Iehowa damo̱ yiteṅ ni ekē̱: Midši Iehowa, otše̱ Abraham. Nyoṅmo̱ le̱, ke̱ Isak Nyoṅmo̱ le̱; *šikpoṅ ní okã no̱ ne̱, bo ke̱ oseši maṅṍ-hã; *12,7.

1 Maŋtsɛmɛi 20:28

Ni *Nyoṅmo̱ gbomo le̱ ba ni eba-kē̱ Israel maṅtše̱ le̱ ake̱: Bo̱ni Iehowa kē̱ ne̱: Ake̱ noni Arambii le̱ kē̱ ake̱: Gõdšiaṅ Nyoṅmo̱ dši Iehowa ni edšee dšō̱iaṅ Nyoṅmo̱ hewo̱ le̱, mibatu ne̱ke̱ asafo kpekpemkpekpem ne̱ fẽ mawo odeṅ, koni nyená nyele ake̱ midši Iehowa! *K. 22.

1 Maŋtsɛmɛi 8:60

beni afe ni šikpoṅ le̱ no̱ mãdši-mãdši fẽ aná ale ake̱ Iehowa dši Nyoṅmo̱, mokomoko be̱ se̱ doṅṅ.

Nehemia 1:10

Ni mene̱mei ne̱ noṅṅ dšĩ otšũdši ke̱ omaṅ ní okpo ye̱ ohewale̱ kpeteṅkple ke̱ oninesiwale̱ nā le̱.

Lalai 100:3

Nyenáa nyelea ake̱ Iehowa le̱, le̱ dši Nyoṅmo̱! Le̱ efewo̱, ni le̱ enii dšiwo̱, emaṅ ke̱ elè̱he le̱ tōi dšiwo̱. Lal. 95,7.

Lalai 81:6

Eṅõ-fe odase ye̱ Iosef mli, beni etšṍ Mizraim šikpoṅ le̱ no̱ ke̱-ho; heni mina wiemo̱ ko ní milee ye̱ le̱.

2 Mose 13:14

Ni aaba mli ake̱, ke̱dši wó̱ lo wó̱se̱ ni obi bio ake̱: Meni dši ene̱? le̱, okē̱le̱ ake̱: Ninešiwale̱ nā Iehowa dšiewo̱ ke̱-dše̱ Mizraim, ye̱ nyodši awe le̱. 12,26.

2 Mose 13:3

Ni Mose kē̱ maṅ le̱ ake̱: Nyekaia ne̱ke̱ gbĩ ne̱ ní nyedše Mizraim, ye̱ nyṍdši awe le̱; edšake̱ ninešiwale̱ nā Iehowa dšienye ke̱-dše̱ dše̱i; nohewo̱ le̱ nyekayea mãšanii.

2 Mose 14:18

Ni ke̱ miwo mihĩe nyam ye̱ Farao ke̱ eſīlii ke̱ ekpo̱ṅo̱iatše̱mei le̱ ano̱ le̱, Mizraimbii le̱ aana ale ake̱ midši Iehowa le̱.

2 Mose 14:4

Ni *mawadše Farao tšui, ní etiuame̱, †ni mawo mihĩe nyam ye̱ Farao ke̱ eta mū le̱ fẽ no̱, koni Mizraimbii aná ale ake midši Iehowa le̱. Ni amefe nakai. *4,21. †9,16. Ezek. 28,22.

2 Mose 15:16

Ha gbeyei ke̱ ṅmiṅmi alōame̱; onine dale̱ nā so̱ṅṅ le̱ ame̱sẽ ši mũī tamo̱ te̱, ke̱-yaši beyino̱ ní omaṅ le̱ aaho, Iehowa, omaṅ ní ohe ne̱, ke̱-yaši beyino̱ ní eeho eya.

2 Mose 15:2

*Mihewale̱ke̱ lala dši Iehowa, ni etšṍ miyiwalaheremo. Le̱ dši mi-Nyoṅmo̱, ni madšie eyi; mitše̱ Nyoṅmo̱ ni, ni mawo ehĩe nyam. *Lal. 118,14. Ies. 12,2.

2 Mose 16:12

Minu Israelbii le̱ ahũhū̃hũwiemo̱i le̱; kē̱mo̱ame̱ ake̱: Gbe̱ke̱nāši le̱ nyeaye lō, ni lebi le̱ nyeaye abolo nyetŏ̱ro̱, ni nyeana nyele ake̱ midši Iehowa, nye-Nyoṅmo̱ le̱.

2 Mose 16:6

Ni Mose ke̱ Aaron kē̱ Israelbii le̱ fẽ ake̱: Gbe̱ke̱ ne̱ nyeaná nyele ake̱ Iehowa dši moni dšienye ke̱-dše̱ Mizraim šikpoṅ le̱ no̱ le̱;

2 Mose 2:11

Ni eba mli ye̱ no gbĩĩ le̱ amli ake̱, beni Mose eda le̱, edše kpo ete enyemimei le̱ aṅõ ni eyakwe̱ nii ní ahãa ametšuo̱ le̱; ni ena ake̱ Mizraimnyo ko tſa enyemimei Hebribii le̱ eko nõ. Heb. 11,24. 25.

2 Mose 6:6

Nohewo̱ le̱ kē̱mo̱ Israelbii le̱ ake̱: Midši Iehowa le̱, ni madšienye ye̱ Mizraim dšatšui le̱ ašiši, ni maherenye ke̱-dše̱ ame̱-nyṍṅyeli le̱ mli, ni nine ní akpã mli ke̱ kodšomo̱i kplei maṅõ-kpõnye;

2 Mose 7:17

Boni Iehowa kē̱ ne̱: Ene̱ oke̱-ale ake̱ midši Iehowa le̱: na, mike̱ tšo ní mihĩe ye̱ midẽ ne̱ batſa fā le̱ mli nu le̱, ni *eetšṍ lá. *4,9.

Yesaia 41:20

koni ame̱fẽ-tſẽm ame̱na ni ame̱le ni ame̱ke̱-to ame̱tšuiṅ ni ame̱dſẽṅ he, ake̱ Iehowa nine fe ene̱, ni Israel Mokroṅkroṅ le̱ bo̱.

Yesaia 49:23

Ni *maṅtše̱mei aatšṍmo̱ okwe̱lo̱i, ni ame̱maṅnyemei lo̱ aatšṍmo̱ ofufo̱hãlo̱i; †ame̱akotoö ni ame̱ke̱ ame̱hĩe aabumo̱ ši, ni ame̱ale̱mo̱ onādšiaši mlu, ni ooná ole ake̱ mi, midši Iehowa, ni mei ní hĩe kā mino̱ le̱ ahĩe gboiṅ! *60.16. †Lal. 72,9. Mika 7,17.

Yesaia 49:26

Ni mahã ohaolo̱i le̱ aye ame̱dientše̱ ame̱helo, ni ame̱dientše̱ ame̱lá aatō̱ro̱ame̱ tamo̱ dā̃ do̱ko̱do̱ko̱; ni helo fẽ aaná ale ake̱ mi, Iehowa, dši oyiwalaherelo̱ le̱, ni okpõlo̱ dši Iakob hewalo̱ le̱.

Yesaia 51:15

Ši midši Iehowa, o-Nyoṅmo̱ le̱, moni tēo̱ ṅšo̱ le̱ ši ni emli ṅšo̱kei le̱ feo hãmãhãmã le̱: Iehowa Zebaot dši egbe̱i!

Yesaia 60:16

Ni oonu dšeṅmãdši afufo̱, ni ooye *maṅtše̱mei akpokuai, ni oole ake̱ mi, Iehowa, dši oyiwalaherelo̱, ni okpõlo̱ dši Iakob hewalo̱ le̱. *49,23.

Yesaia 63:8

Edšake̱ ekē̱ ake̱: Mimaṅ dšiame̱, ke̱ *bii ni pasaṅ! ni etšṍ ame̱yiwalaherelo̱. *5 Mose 32,5. 20.

Yeremia 30:22

Ni ame̱atšṍ mimaṅ, ni mi hũ matšṍ ame̱-Nyoṅmo̱. 24,7.

Yeremia 31:33

Ši *kpãṅmo̱ ní mike̱ Israel we le̱ bakpãṅ ye̱ nakai gbĩĩ le̱ ase̱ le̱ ne̱, Iehowa kē̱: †Maṅõ mimla le̱ mawo ame̱mli ni maṅma ye̱ ame̱-tšui no̱, ni **matšṍ ame̱-Nyoṅmo̱, ni ame̱ hũ ame̱atšṍ mimaṅ! *Rom. 11,27. †Ies. 54,13. Heb. 10,16. 17. **Ier. 31.1.

Ezekiel 20:19

Midši Iehowa, nye-Nyoṅmo̱ le̱; nyenyiea ye̱ mikpo̱i le̱ moṅ anā, ni nyeyea mimlai le̱ ano̱ ni nyefea!

3 Mose 11:44

Edšake̱ midsi Iehowa, nye-Nyoṅmo̱ le̱, hewo̱ le̱ nyefea nyehe kroṅkroṅ, koni nyehĩ kroṅkroṅ, *edšake̱ kroṅkroṅ dšimi; nohewo le̱ nyeke̱ nibii ní wamoo̱ ye̱ šikpoṅ le̱ no̱ le̱ eko eko akabulea nyehe. *19,2.

3 Mose 11:45

Edšake̱ midsi Iehowa, moni dsienye ke̱-dše̱ Mizraim šikpoṅ le̱ no̱, koni matšṍ Nyoṅmo̱ mahãnye; nohewo le̱ nyefea kroṅkroṅ, edšake̱ mokroṅkroṅ dšimi. 20,26.

Zakaria 13:9

Ni mike̱ mlidšā ni dši etẽ le̱ awo la mli, ni matšū amehe, tamo̱ atšūo̱ dſie̱te̱i he, ni makaame̱ makwe̱, tamo̱ akaä šika akwe̱o̱. Ame̱atšé̱ migbei, ni mahereame̱ no̱; makē̱ ake̱: *Mimaṅ dšiame̱! ni ame̱ hũ ame̱akē̱ ake̱: Iehowa dši mi-Nyoṅmo̱! *Hos. 2,25.

4 Mose 15:41

Midši Iehowa, nye-Nyoṅmo̱ le̱, moni dšienye ke̱-dše̱ Mizraim šikpoṅ le̱ no̱, koni matšṍ nye-Nyoṅmo̱ le̱, midši Iehowa, nye-Nyoṅmo̱ le̱!

Mateo 22:32

*“Mi le̱, Abraham Nyoṅmo̱ ke̱ Isak Nyoṅmo̱ ke̱ Iakob Nyoṅmo̱ dšimi le̱”? Nyoṅmo̱ le̱ dšee gbohĩĩ a-Nyoṅmo̱ṅ, ši moṅ hĩekālo̱i a-Nyoṅmo̱ṅ. *2 Mose 3,6.

Romabii 8:31

Bĕle̱ té wo̱o̱kē̱ tēṅ ye̱ nii ne̱ ahewo̱ṅ? Ké̱ Nyoṅmo̱ ye̱ wo̱se̱ le̱, namo aate ši awowo̱? Lal. 118,6.

5 Mose 14:2

Edšake̱ Iehowa, o-Nyoṅmo̱ le̱, maṅ kroṅkroṅ dšio, ni Iehowa ehalao ye̱ šikpoṅ le̱ no̱ mãdši fẽ ateṅ koni ofe le̱dientše̱ emaṅ.

5 Mose 26:18

Ni Iehowa hũ egba mli ekē̱o ṅme̱ne̱ gbĩ ne̱ ake̱ le̱dientše̱ emaṅ dšio, take̱ bo̱ni ewoö ši le̱, koni oye ekitãi le̱ fẽ no̱,

5 Mose 29:12

koni ṅme̱ne̱ eke̱o adamo̱ ši ake̱ le̱dientše̱ emaṅ, ni le̱ hũ etšã́ o-Nyoṅmo̱, take̱ bo̱ni ewoö ši le̱ ke̱ bo̱ni ekã otše̱mei Abraham ke̱ Isak ke̱ Iakob kitã le̱.

5 Mose 29:13

Ši dšee nye ke̱ke̱ ni mike̱ kpãṅo̱ ne̱ke̱ kpãṅmo̱ ne̱ ni mikãanye ne̱ke̱ kitã ne̱,

5 Mose 29:5

Nyeyee abolo, ni asaṅ nyenuu wein lo dā̃ ní wa, koni nyená nyele ake̱ midši Iehowa, nye-Nyoṅmo̱ le̱.

5 Mose 4:20

Ši nye le̱, Iehowa eṅõnye, ni edšienye ke̱-dše̱ dade flõnõ le̱ mli, ke̱-dše̱ Mizraim, koni nyefe *no̱yeli maṅ nyehãle̱, tamo̱ bo̱ni nyeyo̱ ṅme̱ne̱ gbĩ ne̱ le̱. *3 Mose 19,5. 6.

5 Mose 7:6

Edšake̱ maṅ kroṅkroṅ dšio hã Iehowa, o-Nyoṅmo̱ le̱, bo le̱ Iehowa, o-Nyoṅmo̱ le̱, ehalao, koni otšṍ le̱dientše̱ emaṅ ye̱ mãdši fẽ ní yo̱ šikpoṅ le̱ no̱ le̱ ateṅ. 2 Mose 19,5. 6.

Hebribii 11:16

ši agbe̱ne̱ le̱ ame̱mītao maṅ ní hĩ fè no, ní dši ṅwei nõ le̱. Nohewo̱ le̱ efee Nyoṅmo̱ hĩegbẽle ako̱ aatšé̱le̱ *ame̱-Nyoṅmo̱, edšake̱ esā maṅ etoame̱. *2 Mose 3,6.

1 Petro 2:10

nye ní sá le̱ nyedšee maṅ, ši agbene le̱ Nyoṅmo̱ maṅ dšinye, ní anaanye mo̱bo̱, ši agbe̱ne̱ ánanye mo̱bo̱ le̱. Hos. 2,25. Rom. 9.25.

Kpojiemɔ 21:3

Ni minu gbē kpeteṅkple ko dše̱ maṅtše̱sẽi le̱ mli kē̱: Na, Nyoṅmo̱ bū le̱ ye̱ gbomei ateṅ, ni *eeši ebū le̱ ye̱ ame̱teṅ, ni ame̱atšṍmo̱ emaṅ, ni Nyoṅmo̱ dientše̱ ke̱ame̱ aahĩ ši, ni eetšṍ ame̱-Nyoṅmo̱. *Ezek. 37,27; 48,35.

Kpojiemɔ 21:7

*Kũnimyelo̱ le̱ aatšṍ ne̱ke̱ nii ne̱ fẽ yelo̱, ni †matšṍ e-Nyoṅmo̱, ni le̱ hũ eetšṍ mibi. *2,7. †Zak. 8,8.