2 Mose 40:35 - Ṅmãle̱ Kroṅkroṅ Le̱

³⁵ Ni Mose nyẽẽ abote kpē-bū le̱ mli, edšake̱ atatu le̱ damo̱ no̱, ni Iehowa anumnyam le̱ eyi šihĩle̱he le̱ obõ.

ŊMALƐ KRƆŊKRƆŊ LƐ

³⁵ No hewɔ lɛ, Mose nyɛɛɛ ebote Kpee Buu lɛ mli, ejaakɛ atatu lɛ eha Buu lɛ nɔ, ni Yehowa anunyam lɛ hu eyi He Krɔŋkrɔŋ lɛ mli obɔ̃.

2 Mose 40:35 ပူးပေါင်းရင်းမြစ်များ

1 Maŋtsɛmɛi 8:10

Ni eba mli ake̱, beni oso̱foi le̱ dše kpo ke̱-dše̱ hekroṅkroṅ le̱, atatu le̱ bayi Iehowa we le̱,

1 Maŋtsɛmɛi 8:11

āhũ po ní atatu le̱ hewo̱ le̱ oso̱foi le̱ nyẽẽ ši adamo̱ ní ame̱súmo̱, edšake̱ Iehowa anumnyam le̱ eyi Iehowa we le̱ to̱. 2 Mose 40,34. 35.

2 Kronika 7:2

Ni oso̱foi le̱ nyẽẽ Iehowa šĩa le̱ abote, edšake̱ Iehowa anumnyam le̱ eyi Iehowa šĩa le̱ obõ.

2 Mose 16:10

Ni eba mli ake̱, beni Aaron ke̱ Israelbii asafo mū le̱ fẽ wie le̱, ame̱kwe̱ ṅã le̱ no̱ gbe̱, ni na, Iehowa *anumnyam le̱ pue ye̱ atatu le̱ mli. *4 Mose 12,5; 14,10; 16,19.

2 Mose 29:43

Ni dše̱i mike̱ Israelbii le̱ aakpe ye̱, ni dše̱i aafe kroṅkroṅ ye̱ minumnyam le̱ hewo̱. 20,24.

Yesaia 4:5

Ni Iehowa aabo *atatu ke̱ lasũ ſane, ke̱ lalile̱i ní kpe̱o̱ hũ nyōṅ, ni eke̱-aha Zion goṅ le̱ no̱ hefẽhe ke̱ mei ni ekpe ye̱ dše̱i le̱ ano̱; edšake̱ ake̱ no̱hānõ aaha anumnyam le̱ fè no̱. *2 Mose 13,21; 40,34. 38.

Yesaia 57:15

Ši *bo̱ni moni kwo̱ ní awó eno̱, ní eyo̱ dā, ní gbe̱i dši Mokroṅkroṅ le̱ kē̱ ne̱: Ṅwei šoṅṅ ke̱ hekroṅkroṅ le̱ mihĩo̱; asaṅ †mike̱ moni tſiaä ši ke̱ do̱le̱ ni ebaä ehe ši ye̱ emumo̱ mli le̱ hĩo̱ ši, koni mahã hešibalo̱i amumo̱ aná wala hẽ, ní mei ní tſiaã ši ke̱ do̱le̱ le̱ atšui aná wala hẽ! *Lal. 113,5-9. †Ies. 66,1. 2. Lal. 51,19.

Yesaia 6:4

Ni šĩnāi le̱ ašišii hoso ye̱ moni boo̱ le̱ gbē le̱ hewo̱, ni tšũ le̱ *yi to̱ ke̱ lasũ. *Ezek. 10,4. Kpods. 15,8.

Ezekiel 10:4

Ke̱ke̱ ni Iehowa *anumnyam le̱ wó ehe no̱ ke̱-dše kerub le̱ no̱ ni eyadamo̱ šĩa le̱ kpoku le̱ yiteṅ, ni †atatu le̱ yi šĩa le̱ obõ, ni Iehowa anumnyam le̱ kpe̱-mo̱ le̱ yi kpo le̱ no̱ obõ. *1,4-28. †Ies. 6,4.

Ezekiel 43:4

Ni *Iehowa anumnyam le̱ tšṍ †agbó ní hĩe kwe̱o bokãgbe̱ le̱ ke̱-ba šĩa le̱. *11,22. 23. †10,19.

3 Mose 16:2

ni Iehowa kē̱ Mose ake̱: Wiemo otšo onyemi Aaron, ake̱ *ekabote hekroṅkroṅ le̱ ke̱-mīya muhō̱ le̱ se̱ ye̱ kpãtãmo̱ sẽi ní bu adeka le̱ no̱ le̱ hĩe le̱ befẽbe, koni ekagbo, edšake̱ mibapue ye̱ atatu mli ye̱ kpãtãmo̱ sẽi le̱ no̱. *2 Mose 26,33. 34.

4 Mose 7:89

Ni beni Mose yabote kpē-bū le̱ mli, ní *eke̱le̱ ayawie le̱, ke̱ke̱ ni enu gbē le̱ ke̱le̱ miwie ye̱ kpãtãmo̱ sẽi le̱ ní bu odase adeka le̱ nā le̱ no̱, ye̱ kerubim enyo̱ le̱ ateṅ; †nakai eke̱le̱ wieo̱. *2 Mose 26,21. 22. †1 Sam. 8,8-14.

4 Mose 9:15

Ni gbĩ ní aši šihĩle̱he le̱ amã ši le̱, *atatu le̱ baha šihĩle̱he le̱ ní dši odase-bū le̱ no̱, ni gbe̱ke̱ le̱, ké̱ akwe̱ le̱, etšoo̱ tamo̱ la ye̱ šihĩle̱he le̱ no̱ ke̱-yaši lebi. *2 Mose 40,34-38.

Kpojiemɔ 15:8

Ni so̱lemo̱tšŭ le̱ mli yi obo ke̱ lasũ *ni dše̱ Nyoṅmo̱ anumnyam le̱ ke̱ ehewale le̱ mli le̱, ni moko nyẽẽ so̱lemo̱tšũ le̱ mli abote ke̱-yaši beyino̱ ní aagbe bo̱foi kpawo le̱ ahaomo̱i kpawo le̱ anā. *2 Mose 40,34. 1 Maṅ. 8,10. Ies. 6,4. Ezek. 44,4.