2 Mose 34:6 - Ṅmãle̱ Kroṅkroṅ Le̱

⁶ Ni Iehowa bafoṅ ye̱ ehĩe ni epae eke: Iehowa, Iehowa, Nyoṅmo̱ mũsũṅtšõlo̱ ke̱ drolo̱ ní too̱ tšui, ní mo̱bo̱nale̱ ke̱ ano̱kwale fá pī, 4 Mose 14,18. Lal. 103,8. 1 Ioh. 4,16.

ŊMALƐ KRƆŊKRƆŊ LƐ

⁶ Yehowa batsɔ̃ Mose hiɛ kɛho, ni etsɛ ehe ekɛɛ, “Yehowa, Yehowa, Nyɔŋmɔ musuŋtsɔlɔ kɛ durolɔ lɛ, mɔ ni toɔ etsui shi, ni emli eyi kɛ suɔmɔ kɛ anɔkwale babaoo lɛ,

2 Mose 34:6 ပူးပေါင်းရင်းမြစ်များ

1 Mose 24:27

ni ekē̱: Aadšie Iehowa, minuṅtšo̱ Abraham Nyoṅmo̱ le̱, yi ake̱ ehãko emlihĩle̱ ke̱ eno̱kwayeli se̱ afo ye̱ minuṅtšo̱ no̱; ni mi hũ, Iehowa ebatšõmi minuṅtšo̱ nyemimei awe gbe̱!

2 Samuel 24:14

Ke̱ke̱ ni David kē̱ Gad ake̱: Efĩmi naakpa! ene̱ le̱ nyehãa wo̱gbēa Iehowa deṅ, edšake̱ emo̱bo̱nale̱i fá; ši gbomo deṅ ni akahã migbē!

1 Maŋtsɛmɛi 19:11

Ni ekē̱: Dše kpo ni oyadamo̱ goṅ le̱ no̱ ye̱ Iehowa hĩe! Ni na, Iehowa *baho, ni ahum ní nā wa gbla gõdši le̱ ni edſāra te̱sāi le̱ ke̱-nyie Iehowa hĩe; ši Iehowa be̱ ahum le̱ mli. Ni ahum le̱ se̱ le̱ šikpoṅ hoso; ši Iehowa be̱ šikpoṅ-hosome̱ le̱ mli. *2 Mose 33,22.

1 Maŋtsɛmɛi 8:30

Ni obo otšũlo̱ ke̱ omaṅ Israel fai ni ame̱abakpao ye̱ bie̱ ne̱ le̱ toi, ni onu ye̱ ṅwei ní dši ošihĩle̱he le̱, ni ké̱ onu le̱, oṅõ-fa!

2 Kronika 30:9

Edšake̱ kē̱ nyekpale ke̱-ba Iehowa ṅõ le̱, nyenyemimei ke̱ nyebii le̱, mei ni baṅõame̱ nom le̱ amũsũṅ aatšõame̱ ye̱ ame̱he, ni ame̱aku ame̱se̱ ke̱-ba šikpoṅ ne̱ no̱ ekoṅ. Edšake̱ odomfoo̱ ke̱ mo̱bo̱nalo̱ dši Iehowa, nye-Nyoṅmo̱ le̱, ni ke̱dši nyekpale ke̱-ba eṅõ le̱, edšieṅ ehĩe ye̱ nyehe.

Nehemia 9:17

Ni ame̱kplẽẽ toibō, asaṅ ame̱kaii onãkpe̱nii ní ofe ye̱ ame̱teṅ le̱, ši moṅ ame̱fe ame̱he kue̱ṅtĩlo̱i, ni ame̱tũatšemo̱ le̱ mli le̱ ame̱wo *asafoĩatše̱ ye̱ ame̱no̱, beni afe ni ame̱kũ ame̱se̱ ke̱-ya ame̱nyṍṅyeli le̱ mli ekoṅ. Ši bo le̱ ešaifã Nyoṅmo̱ dšio, †odomfoo̱ ke̱ mũsũṅtšõlo̱, ni otoo̱ tšui ni omo̱bo̱nale̱ fá, hewo̱ le̱ okwaa-ame̱, *4 Mose 14,4. †2 Mose 34,6.

Lalai 108:4

Madšie oyi ye̱ mãdšimãdši le̱ ateṅ, Iehowa, ni mala mahão ye̱ dšeṅmãdši ateṅ!

Lalai 111:4

Eto noni ake̱-kaio̱ enākpe̱ nitšumo̱i le̱; drolo̱ ke̱ mo̱bo̱nalo̱ dši Iehowa.

Lalai 111:8

ame̱mã ši šiṅṅ dā ke̱-yaši nāno̱, ano̱kwale ke̱ dšale̱ mli afeame̱ ye̱.

Lalai 112:4

Dšalo̱i le̱, *la tšoo̱ ye̱ duṅ le̱ mli hãa-ame̱ ke̱-dše̱o̱ drolo̱ ke̱ mo̱bo̱nalo̱ ke̱ dšalo̱ le̱ deṅ. *Lal. 37,6.

Lalai 116:5

Drolo̱ ke̱ dšalo̱ dši Iehowa, ni wo̱-Nyoṅmo̱ le̱ mo̱bo̱nalo̱ ni!

Lalai 138:2

Matšṍ mihĩe mahã oso̱lemo̱we kroṅkroṅ le̱ ni makũla ši, ni madšie ogbe̱i le̱ yi ye̱ omlihĩle̱ ke̱ ono̱kwale le̱ hewo̱; edšake̱ ohã owiemo̱ le̱ etšī fè ogbe̱i le̱ fẽ. Lal. 26,8.

Lalai 145:8

Drolo̱ ke̱ mo̱bo̱nale̱ dši Iehowa, emli fũũ mrã ni emo̱bo̱nale̱ fá. 3 Mose 34,6.

Lalai 146:6

le̱ efe ṅwei ke̱ šikpoṅ ke̱ ṅše̱ ke̱ nofẽno ní ye̱ mli le̱; eyeo ano̱kwa ke̱-yaä nāno̱;

Lalai 31:19

Hã nābui ní maleo̱ le̱ abu ame̱nā, mei ní ke̱ hewō ke̱ heguo̱gbē wieo̱ wiemo̱i ní wa ame̱šio̱ dšalo̱ le̱!

Lalai 57:10

Madšie oyi ye̱ mãdšimãdši ateṅ, Nuṅtšo̱; mala mahão ye̱ dšeṅmãdši ateṅ!

Lalai 86:15

Ši bo, Nuṅtšo̱, Mawu mũsũṅtšõlo̱ ke̱ drolo̱ dšio, omli fũũ mrã ni omo̱bo̱nale̱ ke̱ ono̱kwale fá. 2 Mose 34,5.

Lalai 86:5

Edšake̱ bo, Nuṅtšo̱, ohĩ ni oṅõ-faä mrã, ní omo̱bo̱nale̱ fá hã mei fẽ ní blo̱ö̱ tšé̱o̱o le̱. K. 15.

Lalai 91:4

Eke̱ etše̱dši aaha ono̱, ni ooba abo ye̱ efĩdši ašiši; tše̱ṅ ke̱ dama dši eno̱kwale le̱.

2 Mose 20:5

Kādšáame̱, ni kāsúmo̱ame̱ hũ; edšake̱ *mi, Iehowa, o-Nyoṅmo̱ le̱, midši Nyoṅmo̱ awuṅãyelo̱ ní woo̱ tše̱mei atõmo̱i anyõmo ke̱-tšṍo̱ bii ano̱ ke̱-yašio yino̱bii ní dši etẽ ke̱ yino̱bii ní dši edſe̱ ní nye̱o̱mi le̱ ano̱; *34,7. Ier. 31,29. 30. Ezek. 18,2. 3. 20.

2 Mose 22:27

ši no pe̱ dši ehehanõ, ehewolo no̱ mama ni; meni eha ke̱-wo̱? ni aaba mli ake̱ ke̱dši ebo etšé̱mi le̱, mabo toi; edšake̱ me̱bo̱nalo̱ dšimi.

2 Mose 33:19

Ni ekē̱ ake̱: Mi le̱ mahã minikpakpaianii le̱ fẽ abaho ye̱ ohĩe, ni mapae Iehowa gbe̱i le̱ ye̱ ohĩe; ni *madro moni madro, ni mo hewo̱ ní mimũsũṅ aatšõmi le̱, le̱ noṅṅ ahewo̱ mimũsũṅ aatšõmi. Rom. 9,15.

Abe̱i 3:3

Kāhã mlihĩle̱ ke̱ ano̱kwale mīšĩo; *ṅõ-fĩ okue̱, ṅmã ye̱ otšuiṅ tāo le̱ ne̱: *4,21; 7,3. 5 Mose 6,8. Ier. 31,38.

Jajelɔ 8:11

Ake̱-ní awoo nitšumo̱ fõṅ he nyõmo̱ amrõ hewo̱ le̱, gbomei abii atšuii edše ekā̃ ye̱ amemli ke̱-mīfe efõṅ. Hiob 35,15.

Yesaia 12:4

Ni nakai gbĩ le̱ ne̱ le̱ nyeakē̱: *Nyedaä Iehowa ši, nyetšé̱a egbe̱i le̱! Nyehãa alea enifemo̱nii le̱ ye̱ mãdšimãdši le̱ ateṅ, nyedšadšea ake̱ awó egbe̱i le̱ no̱! *1 Kron. 15,3. Lal. 105,1.

Yesaia 65:16

koni moni dšō̱o̱ le̱dientše̱ ehe ye̱ šikpoṅ le̱ no̱ le̱, adšō̱ ehe ye̱ ano̱kwale Nyoṅmo̱ le̱ mli, ni moni kãa kitã ye̱ šikpoṅ le̱ no̱ le̱, *akã ano̱kwale Nyoṅmo̱ le̱ kitã; edšake̱ hĩe ekpa tšutšu haomo̱i le̱ ano̱, ni aṅõ-tē ye̱ mihĩe. *19,18. Ier. 4,2; 12,16.

Yeremia 32:18

*onaä mei akpei abo mo̱bo̱, ni osā owoo tše̱mei anišaianii ahe nyõmo̱ ošãkãa ame̱bii ní baä ye̱ áme̱se̱ le̱ atšitši, bo Mawu kpeteṅkple ke̱ hewalo̱, Iehowa Zebaot dši ogbe̱i! *2 Mose 20,5. 6.

Yeremia 9:24

ši moni ſãa le̱, *ene̱ moṅ no̱ eſã efõ, ake̱ eyo ni asaṅ elemi, ake̱ midši Iehowa, moni yeo̱ mlihĩle̱ ke̱ kodšomo̱ ke̱ dšale̱ sane ye̱ šikpoṅ le̱ no̱ le̱; edšake̱ ene̱ sa mihĩe, Iehowa kē̱. *1 Kor. 1,31. 2 Kor. 10,17.

Yāfó 3:23

ame̱tšṍo̱ ehēi dã lebi, ono̱kwayeli le̱ da kple!

Yoel 2:13

Ni nyetšere̱a nyetšui, ši dšee nyetadei, ni nyekpalea ke̱-baä Iehowa, nye-Nyoṅmo̱ le̱, ṅõ! ši *drolo̱ ke̱ mlitšõlo̱ dšile̱, emli fūũ mrã, ni emo̱bo̱nale̱ ſá, ni eſaä ehe ye̱ nõfõṅ hewo̱. *2 Mose 34,6.

Yona 4:2

Ni ekpa Iehowa fai ni ekē̱: Ao, Iehowa! ani dšee noni mikē̱, beni miye̱ mišikpoṅ le̱ no̱ le̱ ne̱? Ene̱ hewo̱ noṅṅ midše mrã midšo foi ke̱-mīya Taršiš; edšake̱ mile ake̱ *bo le̱, Nyoṅmo̱ drolo̱ ke̱ mũsũṅtšõlo̱ dšio, ni omli fũũ mrã, ni omo̱ho̱nale̱ fá, ni oſaä ohe ye̱ efõṅ hewo̱! *2 Mose 34,6.

Mika 7:18

Namo dši Mawu tamo̱ bo ní ṅoo̱ nõša efaä, ni ekũo̱ ehĩe efõo̱ egbe̱fāṅnõ le̱ mli mei ní eſe̱ le̱ amlatõmo̱ no̱? ehĩeṅ emlifū le̱ mli ke̱-yaṅ nāno̱, edšake̱ enáa mo̱bo̱nale̱ he tšui! Lal. 103,3. 8-13.

Mika 7:20

Dšiemo̱ ano̱kwayeli kpo otšõ Iakob, ni odšie mo̱bo̱nale̱ kpo otšõ Abraham, bo̱ni *okã wo̱tše̱mei le̱ akitã ke̱-dše̱ blema gbĩĩ le̱ amli bẽbe le̱! *1 Mose 22,16-18; 23,13-15. Luk. 1.73.

Nahum 1:3

Iehowa mli fũũ mrā, ni ehewale̱ le̱ da kple, ni *ehãã no̱tõlo̱ aṅõ ehe aye. Iehowa le̱, ahum ke̱ lasũogbĕle mli egbe̱ le̱ kã, ni atatu le̱, enaneši mlu ni. *2 Mose 34,7.

4 Mose 12:8

Le̱ le̱ *nābu ke̱ nābu mike̱le̱ wieo̱ kpetekplē, ši dšee ye̱ abe̱buai amli, ni Iehowa subãṅ le̱ enaä. Bĕle̱ mẽhewo̱ nyešee gbeyei, ni nyewie mitšũlo̱ Mose he le̱? *2 Mose 33,11. 23.

Yohane 1:17

Edšake̱ mla le̱, Mose no̱ atšṍ aṅõhã; ši dromo̱ ke̱ ano̱kwale le̱, Iesu Kristo ke̱-ba. Rom. 10,4.

Romabii 2:4

Alo gbe ogbeo̱ emlihīle̱ ke̱ eyišiṅmē̃ ke̱ etšuišitō babaō le̱ he guo̱, ši olee ake̱ Nyoṅmo̱ mlihīle̱ le̱ wa ewaäo ní oſa ohe? 2 Pet. 8,15.

5 Mose 32:3

Edšake̱ Iehowa gbe̱i atã mibatšĩ: Nyeṅõa anumnyam nyehãa wo̱-Nyoṅmo̱ le̱!

5 Mose 4:31

Edšake̱ Mawu ní mũsũṅ tšõo̱le̱ dši Iehowa, o-Nyoṅmo̱ le̱; ekwaṅo ni asaṅ ekpãtãṅ ohĩe, ni ehĩe kpaṅ otše̱mei le̱ akpãṅmo̱ ní ekã no̱ kitã ehãame̱ le̱ no̱.

5 Mose 5:10

ni minaä mei akpei abo̱ ní sumoo̱mi ní ame̱yeo̱ mikitãi ano̱ le̱ amo̱bo̱.

Yakobo 5:11

Na, wo̱dšō̱o̱ mei ni ṅmẽo̱ ame̱tšui ši le̱, Nyenu *Hiob tšuišiṅmĕ le̱ he, ni nyena Nuṅtšo̱ le̱ nãgbē le̱; ake̱ Nuṅtšo̱ le̱ mli tšõole̱ babaō, ni amli dšo̱ hũ. *Hiob 1,21. 22.