2 Mose 34:24 - Ṅmãle̱ Kroṅkroṅ Le̱

²⁴ Ši maſie mãdši le̱ ye̱ ohĩe, ni malē̱ ohũsũi le̱ amli, ni be mli ní ote oyapue ye̱ Iehowa, o-Nyoṅmo̱ le̱, hĩe dā afi šii etẽ le̱, mokomoko hĩe ekõṅ ošikpoṅ le̱ no̱.

ŊMALƐ KRƆŊKRƆŊ LƐ

²⁴ Ejaakɛ mibashwie majimaji yɛ nyɛhiɛ, ni malɛɛ nyɛhusui lɛ amli kɛya shɔŋŋ, ni daa afi shii etɛ̃, be mli ni nyɛba Yehowa, nyɛNyɔŋmɔ lɛ, hiɛ lɛ mɔ ko mɔ ko hiɛ ekɔŋ nyɛshikpɔŋ lɛ nɔ ni eeeta he.

2 Mose 34:24 ပူးပေါင်းရင်းမြစ်များ

1 Mose 15:18

Nakai gbĩ le̱ Iehowa ke̱ Abram kpãṅ ni ekē̱ ake̱: *Oseši le̱ maṅõ ne̱ke̱ šikpoṅ ne̱ mahā ke̱-dše̱ Mizraim fā le̱ nā ke̱-yaši fā kpeteṅkple ṅi dši Eufrate fã le̱ nā: *12,7.

1 Mose 35:5

Ni ame̱ṅõ-ſie no̱. Ni eba mli ake̱ Nyoṅmo̱ be ṅmiṅmi mõmo̱ mãdši le̱ ni dſere ame̱he le̱, ni ame̱tiuu Iakob bii le̱.

1 Maŋtsɛmɛi 5:1

[Y. 4,21.] Ni Salomo ye maṅtše̱yelii le̱ fẽ no̱ ke̱-dše̱ fā le̱ nā ke̱-yaši Filistibii le̱ ašikpoṅ le̱ no̱ ke̱ Mizraim hũsũi ano̱; ame̱ke̱ nikēnii baä ni ame̱súmo̱ Salomo ewala gbĩĩ fẽ.

1 Kronika 4:10

Ši Iabez tšē̱ Israel Nyoṅmo̱ le̱ ni ekē̱: *Ke̱dši oodšē̱mi, ni oolē̱ mihũsũi le̱ amli, ni onine ke̱mi aahĩ ši, ni oobā miyi ke̱-dše̱ efõṅ mli ní ekahã mihe mīdšrami le̱, kũle̱! … Ni Nyoṅmo̱ hãle̱ noni ebi le̱. *1 Mose 28,20.

2 Kronika 17:10

Nĩ Iehowa he ṅmiṅmi mõmo̱ šikpõ-dši ní bo̱le Iuda le̱ ano̱ maṅtše̱yelii le̱ fẽ, nohewo̱ le̱ ame̱ke̱ Iehošafat wuu.

Hiob 1:10

Ani dšee afãbaṅ ofo owo eke̱ ewe ke̱ nofẽno ní eyo̱ le̱ he ke̱-kpe? Odšō̱ enine nā nitšumo̱ no̱, ni ekoloi eſere ye̱ šikpoṅ le̱ no̱.

Lalai 120:1

No̱kwo̱le̱i alala. Mifĩmo̱ le̱ mli le̱ mibo mitšé̱ Iehowa, ni ebomi toi.

Lalai 78:55

ni eſie dšeṅmãdši le̱ ye̱ ame̱hĩe, ni eke̱ ošiki dša mli ehãame̱ ye̱ susumo̱kpã nā, ni ehã Israel akutšei le̱ hĩ nomei abui le̱ amli.

Lalai 80:8

Zebaot Nyoṅmo̱, oke̱wo̱ ato wo̱tōhe ekoṅ, ni ohã ohĩe akpe̱, ni wo̱yi aná wala! K. 4. 20.

2 Mose 33:2

Ni matšũ *bo̱fo ko ke̱-nyie ohĩe, ni maſie Kanaanbii le̱ ke̱ Amorbii le̱ ke̱ Hitbii le̱ ke̱ Perizbii le̱ ke̱ Hivbii le̱ ke̱ Iebusbii le̱, *32,34.

2 Mose 34:11

Ye kitã ní miwoo̱o ṅme̱ne̱ ne̱ no̱. Na, mīſie Amorbii le̱ ke̱ Kanaanbii le̱ ke̱ Hivbii le̱ ke̱ Perizbii le̱ ke̱ Hivbii le̱ ke̱ Iebusbii le̱ ye̱ ohĩe.

Abe̱i 16:7

Ke̱dši gbomo gbè̱i sa Iehowa hĩe le, ehãa ehenye̱lo̱i tete ke̱le̱ kpãtãa. 1 Mose 31,24; 33,4.

3 Mose 18:24

Nyeke̱ ne̱ke̱ nii ne̱ akabulea nyehe; edšake̱ ne̱ke̱ nii ne̱ fẽ dšeṅmãdši ní mibaſie ye̱ nyehĩe le̱ ke̱-bule ame̱he le̱,

Bɔfoi 18:10

edšake̱ *mike̱o ye̱, ni mokomoko etaṅ ohe ni efeo efõṅ ko; edšake̱ †miye̱ mei pī ye̱ mã neṅ. *Ier. 1,8 †Hos. 2,25. Ioh. 10.16,

5 Mose 12:20

Ke̱ Iehowa, o-Nyoṅmo̱ le̱, lē̱ ohũsũi le̱ amli, take̱ bo̱ni ewoö ši le̱, ni okē̱ ake̱: Maye lō! edšake̱ ēba otšine ake̱ oye lō le̱, no le̱ oye̱ hegbe̱ ake̱ oye lō bo̱fẽbo̱ ní baä otšine.

5 Mose 16:16

Afi kome mli le̱ šii etẽ ohĩĩ le̱ fẽ abapue ye̱ Iehowa, o-Nyoṅmo̱ le̱, hĩe, ye̱ heni ehala le̱, ye̱ akpĩtĩ gbĩdšŭrõ le̱ ke̱ otšii agbĩdšŭrõ le̱ ke̱ asesei agbĩdšŭrõ le̱ no̱, ni moko akabapue ye̱ Iehowa hĩe ke̱ edẽ flo;

5 Mose 19:8

Ni ke̱dši Iehowa, o-Nyoṅmo̱ le̱, lē̱ ohũsũi le̱ amli, tamo̱ bo̱ni ekã otše̱mei le̱ akitã le̱ ni eṅõ šikpoṅ le̱ fẽ ní ewo ši ake̱ eke̱-bahã otše̱mei le̱ ehão le̱,

5 Mose 7:1

Ke̱ Iehowa, o-Nyoṅmo̱ le̱, ke̱o yaše̱ šikpoṅ ní oyaä *oyaṅõ le̱ no̱, ni efãmo̱ dšeṅmãdši babaō ye̱ ohĩe, Hitbii ke̱ Girgašbii ke̱ Amorbii ke̱ Kanaanbii ke̱ Perizbii ke̱ Hivbii ke̱ Iebusbii, dšeṅmãdši kpawo ní dăra ni ame̱he wa feo le̱; *31,3.