2 Mose 33:11 - Ṅmãle̱ Kroṅkroṅ Le̱

¹¹ Ni Iehowa ke̱ Mose wieo̱ *hĩe ke̱ hĩe take̱ mo ke̱ enanyo wieo̱. Ni ke̱ ekũ ese̱ ke̱-ba nsra le̱ṅ le̱, etšũlo̱ Iošua, Nun bi le, ni dši oblanyo le̱, edšee bū le̱ṅ. *K. 20. 4 Mose 12,8. 5 Mose 34,10.

ŊMALƐ KRƆŊKRƆŊ LƐ

¹¹ Yehowa kɛ Mose wieɔ hiɛ kɛ hiɛ tamɔ mɔ kɛ enaanyo wieɔ. Kɛji Mose ku esɛɛ eba shitoohe lɛ mli lɛ, etsulɔ Yoshua, Nun binuu oblanyo lɛ, lɛ lɛ eshiii Buu lɛ mli.

2 Mose 33:11 ပူးပေါင်းရင်းမြစ်များ

1 Mose 32:30

Ni Iakob bile̱ ake̱: Mīkpao fai ni *otšõmi ogbe̱i! Ni ekē̱: Meni hewo̱ ni obio̱ migbe̱i ne̱? Ni edšō̱le̱ ye̱ dše̱i. *Kodš. 13,17. 18.

2 Kronika 20:7

Ani dšee bo ni dši wo̱-Nyoṅmo̱ le̱, oſie ne̱ke̱ šikpoṅ ne̱ no̱ bii le̱ ke̱-dše̱ omaṅ Israel hĩe, ni oṅõ-hã ošientše̱ Abraham sešibii le̱ ke̱-mīya nāno̱?

Hiob 16:21

ni edamo̱ mli ehã gbomo ye̱ Nyoṅmo̱ hĩe, tamo̱ gbomobi damoo̱ mli hãa enanyo le̱.

2 Mose 17:9

Ni Mose kē̱ *Iošua ake̱: Halamo̱ hĩĩ ohãwo̱, ni ame̱ya ame̱ke̱ Amalek ayawu; mi le̱ wó̱ le̱ mibadamo̱ goṅkpo̱ le̱ yiteṅ ni mahĩe Nyoṅmo tšo le̱ ye̱ midẽ. *4 Mose 13,8. 16.

2 Mose 24:13

Ni Mose te ši ke̱ etšũlo̱ Iošua; ni Mose kwo̱ ke̱-te Nyoṅmo̱ goṅ le̱ no̱.

2 Mose 32:17

Ni beni Iošua nu maṅ le̱ blo̱mo̱ le̱, beni ame̱bo̱ö̱ oše le̱, ekē̱ Mose ake̱: Ta blo̱mo̱ ye̱ nsra le̱ṅ.

2 Mose 33:10

Ni asafo le̱ fè naä atatu kutū le̱ ní edamo bū le̱ šĩnā le̱ ši; ni asafo le̱ fẽ teo̱ ši ni ame̱so̱leo̱, mofẽmo ye̱ ebũ šĩnā ši.

2 Mose 33:9

Ni eba mli ake̱, ke̱ Mose bote bū le̱ṅ le̱, *atatu kutū le̱ yio̱ ši ni ebadamoo̱ bū le̱ šĩnā le̱ ši, ni eke̱ Mose wieo̱. *13,21.

Yesaia 42:8

*Midsi Iehowa, migbe̱i dši no, †ni mike̱ minumnyam le̱ hãṅ mokroko, ni mi-ke̱ miyidšiemo̱ le̱ hũ hãṅ amãgãi! *2 Mose 3,16. †Ies. 48,11.

4 Mose 11:28

Ni *Iošua, Nun bi, ní dši Mose súolo̱ ke̱-dše̱ eblahĩaṅ le̱, here no̱ ni ekē̱: Minuṅtšo̱ Mose, tšĩame̱ gbe̱! *13,16. 2 Mose 24,13.

4 Mose 12:7

Ši mitšũlo̱ Mose nõ be̱ nakai; ši moṅ *eyeo̱ ano̱kwa ye̱ miwe le̱ fẽ. *Heb. 3,2.

4 Mose 12:8

Le̱ le̱ *nābu ke̱ nābu mike̱le̱ wieo̱ kpetekplē, ši dšee ye̱ abe̱buai amli, ni Iehowa subãṅ le̱ enaä. Bĕle̱ mẽhewo̱ nyešee gbeyei, ni nyewie mitšũlo̱ Mose he le̱? *2 Mose 33,11. 23.

Yohane 11:11

Ewie nii ne̱, ni no se̱ le̱ ekē̱ame̱ ake̱: Wo̱šientše̱ Lazaro *ewo̱; ši mīya ni mayatšĩele̱ ye̱ wo̱ le̱ mli. *Mat. 9,24.

Yohane 3:29

Moni hĩe eyemforo le̱, le̱ dši *ayemforowu; ši ayemforowu le̱ šientše̱ ni damo̱ ši boo̱le̱ toi le̱, nyã́ enyã́a ye̱ ayemforowu le̱ gbē hewo̱. Nohewo̱ le̱ ne̱ke̱ minyã́mo̱ ne̱ éba mli. *Mat. 22,2.

5 Mose 31:14

Ni Iehowa kē̱ Mose ake̱: Na, ogbĕle be eše̱; tšé̱ Iošua ke̱-ba, ni nyebadamo̱ kpē-bũ le̱ mli, ni mawole̱ kitã! Ni Mose ke̱ Iošua ba ame̱badamo̱ kpē-bū le̱ mli.

5 Mose 34:10

Ni gbalo̱ ko etee ši doṅṅ ye̱ Israel ni tamo̱ Mose ní Iehowa ke̱le̱ kpe *hĩe ke̱ hĩe, *2 Mose 33,11. 4 Mose 12,6-8.

5 Mose 5:4

Hĩe ke̱ hĩe Iehowa kenye wie ye̱ goṅ le̱ no̱ ke̱-dše̱ la le̱ teṅ. K. 24. 2 Mose 19,19.

Yakobo 2:23

ni ṅmãle̱ le̱ ni *kē̱o̱ ake̱; “Ši Abraham he Nyoṅme̱ eye, ni abu ene̱ dšale̱ ahãle̱ le̱”, ba mli, ni atšē̱le̱ ake̱ Nyoṅmo̱ †šieutše̱. *1 Mose 15,6 †Ies 41,8.