2 Mose 3:9 - Ṅmãle̱ Kroṅkroṅ Le̱

⁹ Ni agbene, na, Israelbii le̱ ablo̱mo̱ le̱ eše̱ miṅõ, ni misā mina haomo̱ ní Mizraimbii haoo̱ame̱ le̱;

ŊMALƐ KRƆŊKRƆŊ LƐ

⁹ Israelbii lɛ akɔmɔyeli lɛ jwere mitoiŋ, ni mihiɛ tua bɔ ni Ijiptbii haoɔ amɛ lɛ.

2 Mose 3:9 ပူးပေါင်းရင်းမြစ်များ

1 Mose 16:11

Ni Iehowa bo̱fo le̱ sā kē̱le̱ ake̱: Na, ohĩe mũsũ, ni obafo̱ binū; ni ootšē̱ egbē̱i akē̱ Išmael, edšakē̱ Iehowa enu omane le̱.

1 Mose 31:12

Ni ekē̱: Holemo̱ ohīṅme̱ii ano̱ ní okwe̱, tōkpakpoi le̱ fẽ ní kwo̱ō̱ tōi le̱ ahe ye̱ sãmãisãmãi ke̱ truntrãi ke̱ ṅwãtāṅwãtã; ši mina nii fẽ ni Laban feo̱o ne̱.

2 Maŋtsɛmɛi 13:4

Ni Iehoahaz kpa Iehowa fai, ni Iehowa bole̱ toi; edšake̱ ena haomo̱ ni Aram maṅtše̱ le̱ haoo̱ Israel le̱.

2 Maŋtsɛmɛi 20:5

Kũ ose̱ ni oyakē̱ Hezekia, mimaṅ le̱ no̱ lumo̱ le̱, ake̱: Bo̱ni Iehowa, otše̱ David Nyoṅmo̱ le̱, kē̱ ne̱: Minn ofai-kpamo̱ le̱, ni mina ohĩeyāfónui le̱ hũ. Na, mibatšáo; ni bie̱ gbĩĩ etẽ le̱ oonyie ke̱-ate Iehowa we le̱.

Nehemia 9:9

Ni ona amanehũlũ ni wo̱tše̱mei le̱ naä ye̱ Mizraim le̱, ni obo ame̱blo̱mo̱ le̱ toi ye̱ Ṅšo̱-tšuru le̱ nā. 2 Mose 8,7.

Lalai 12:5

mei hũ ni kē̱o̱ ake̱: Wo̱lile̱i wo̱ke̱-aye no̱, wo̱ye̱ nābui; namo aaye wo̱no̱ nuṅtšo̱? Lal. 73,8. 9.

Lalai 9:14

Iehowa, nami mo̱bo̱! Kwe̱mo̱ mi-manehũlũ ní minaä ye̱ mei ní nye̱o̱mi le̱ adeṅ, bo moni owóo̱ mino̱ ke̱-dše̱o̱ gbĕle agbói le̱ amli,

2 Mose 1:11

Nohewo le̱ ame̱totō nitšumo̱ no̱ kwe̱lo̱i ye̱ ame̱no, koni ame̱ke̱ *nitšumoi ní wa awaame̱ yi. Ni ame̱mãme̱ nitōmãdši, Pitom ke̱ †Rameses, ame̱hã Farao. *1 Mose 16,13. †1 Mose 47,11.

2 Mose 1:22

Ke̱ke̱ ni Farao wo emaṅbii le̱ fẽ akpo ake̱: Binū-fẽ-binū ní aafo̱ le̱, nyeya-še̱ale̱ nyefoa fā le̱ mli, ši biyō-fe-biyō le̱, nyehãa eyi anaa wala!

2 Mose 1:8

Agbene maṅtše̱ hẽ ko bate ši ye̱ Mizraim ní lee Iosef.

2 Mose 2:23

Ni eba mli ake̱ nakai gbĩĩ pī le̱ amli le̱ Mizraim maṅtše̱ le̱ bagbo, ni Israelbii le̱ dõmo̱ ntšo̱i ye̱ nyṍṅyeli le̱ hewo, ni ame̱fó ame̱tšé̱ Nyoṅmo̱; ni ame-nyṍṅyeli le̱ mli fómo̱-ke̱-tšémo̱ le̱ *yase̱ Nyoṅmo̱ ṅõ. *3,7.

2 Mose 2:25

ni Nyoṅmo̱ kwe̱ Israelbii le̱, ni Nyoṅmo̱ ke̱ ame̱yi te̱.

2 Mose 3:7

*Ni Iehowa kē̱: Na mina amanehũlũ ní mimaṅ ní yo̱ Mizraim le̱ naä le̱, ni *ame̱blo̱mo̱ ní ame̱blo̱ö̱ ye̱ ame̱kplalo̱i le̱ ahĩe le̱ minu, edšake̱ mile ame̱nidō̱nii le̱. *2,23.

Jajelɔ 4:1

Ke̱ke̱ ni misā mina yiwale̱i fẽ ni awaä mei ayi ye̱ hũlũ šiši ne̱: ni na, mei ní awaäame̱ yi le̱ ayāfónui, ši ame̱be̱ mĩše̱-dšelo̱ ko, ni ame̱yiwalo̱i le̱ anineši wa ye̱ ameno̱, ši amehe̱ mīše̱dšelo̱ ko.

Jajelɔ 5:8

Maṅtše̱ ní sumoo̱ hũmo̱ le̱, ehe ye̱ se̱námo̱ hã emaṅ.

Amos 4:1

Nyeboa ne̱ke̱ wiemo̱ ne̱ toi, nye Bašan tšinayei ní yo̱ Samaria goṅ le̱ no̱, nye mei ní nyewaä ohĩafoi ayi, ni nyeſīſĩaä mei ni efĩame̱ le̱ aši, ní nyekē̱o̱ nye-nuṅtšo̱mei le̱ ake̱: Nyeke̱-baä ní wo̱nua le̱!

5 Mose 26:7

ni wo̱blo̱ wo̱tšé̱ Iehowa, wo̱tše̱mei le̱ a-Nyoṅmo̱ le̱, ni Iehowa bo wo̱gbē toi, ni ena wo̱haomo̱ ke̱ wo̱deṅmegbomo̱ ke̱ nyṍṅ ní ayeo̱wo̱ le̱.

1 Samuel 9:16

Wó̱ aafe bene̱ yino̱ le̱ mibatšũ nū ko ní dše̱ Benyamin šikpoṅ le̱ no̱ ke̱-ba oṅõ, ni ofo̱le̱ mū owo mimaṅ Israel le̱ no̱ lumo̱, koni ehere mimaṅ le̱ yiwala ke̱-dše̱ Filistibii le̱ adeṅ; edšake̱ mikwe̱ mimaṅ le̱, ši ame̱blo̱mo̱ le̱ eše̱ miṅõ.