2 Mose 29:40 - Ṅmãle̱ Kroṅkroṅ Le̱

⁴⁰ ni tōbi kome le̱ oke̱ ṅmā̃ mãmu efa mlidšā nyoṅma mli ekome ní ake̱ mũ ní aši hin mlidšā edſe̱ mli ekome efutu mli afata he, ke̱ wein hin mlidšã edſe̱ mli ekome ní ake̱-yi ṅkpai.

ŊMALƐ KRƆŊKRƆŊ LƐ

⁴⁰ Klɛŋklɛŋ toobi lɛ okɛ ŋmaa mamu yiteremɔ kilo mlijaa nyɔŋma mli ekome, ni akɛ fɔ ni ashi mli lita mlijaa ejwɛ mli ekome akpɔtɔ afata he, kɛ wain lita mlijaa ejwɛ mli ekome ni akɛshã afɔle lɛ.

2 Mose 29:40 ပူးပေါင်းရင်းမြစ်များ

1 Mose 35:14

Ni Iakob ṅõ te̱ eto okadi ye̱ heni eke̱le̱ wie ye̱ le̱, ni efo̱se wein ke̱ mũ eſie no. *28,18-19.

2 Maŋtsɛmɛi 3:20

Ni eba mli ake̱ lebi niyenii-afo̱lešã be mli le̱, na, nu dše̱ Edom gbe̱ le̱ no̱ ba, ni šikpoṅ le̱ no̱ yi to̱ ke̱ nu.

2 Mose 16:36

Agbe̱ne̱ gomer feo efa mlidšā nyoṅma mli ekome.

2 Mose 29:39

Oke̱ tōbi le̱ ekome ašã afole lebi, ni oke̱ ekome hũ ašã afo̱le gbe̱ke̱; Lal. 141,2.

2 Mose 29:41

Ni tōbi kroko le̱ oṅõ-šã afole gbe̱ke̱, ni ofele̱ tamo̱ lebi niyenii-afo̱le le̱ ke̱ ehe dā̃-afo̱le le̱, ní ahã adše ṅma, etšṍ afo̱le ní ake̱ la šãa ahãa Iehowa.

2 Mose 30:24

ke̱ kašia ohai-enumo̱, ye̱ hekroṅkroṅ le̱ šekel le̱ nā, ke̱ mũtšo mũ hin kome,

Yesaia 57:6

Fāi anā fo̱bite̱i amli ogbe̱nā yo̱, nomei dši ogbe̱fãṅnõ; nomei noṅṅ ofo̱seo̱ dā̃-afo̱le ni ošãa niyenii-afo̱le ohãa. Aso mitšui aanyõ mimli ye̱ ene̱mei ahe?

Ezekiel 20:28

Edšake̱ beni mike̱ame̱ ba šikpoṅ ní miwó minine no̱ ake̱ maṅõ-hãame̱ le̱ no̱ le̱, goṅkpo̱-fẽ-goṅkpo̱ ní kwo̱ lo tšo kusũ-fẽ-tšo kusū ní ame̱ana le̱, ame̱yašãa ame̱gbē-afo̱lei le̱ ye̱ dše̱i, ni ame̱ke̱ ame̱mlilawō nikēnii le̱ yakeo̱ ye̱ dše̱i; dše̱i noṅṅ ame̱hãa ame̱tšofãi le̱ dšeo̱ ṅma ye̱, ni ame̱yeo̱ ame̱ṅkpai ye̱ dše̱i.

Ezekiel 4:11

Ni nu hũ susumo̱ ní onu, hin mlidšāi ekpa mli ekome, ni oflo̱ mli bei onu.

Ezekiel 45:17

Ši lumo̱ le̱ gbe̱nā dši ake̱ ehã šā̃-afo̱lei, niyenii-afo̱lei ke̱ dā̃-afo̱lei ye̱ gbĩĩ dšudši ke̱ nyõdši hēi ke̱ hedšō̱mo̱gbĩĩ ke̱ Israelbii le̱ agbu dšudši ní ame̱yeo̱ le̱ fẽ no̱; le̱ noṅṅ ehã eša-afo̱lei ke̱ niyenii-afo̱lei ke̱ šā̃-afo̱lei ke̱ šidā-afo̱lei ní ake̱-kpãtã ahã Israel we le̱.

Ezekiel 45:24

Ni ehã niyenii-afo̱lei hũ: tšinanū kome le̱, efa kome; ni tōagbo kome le̱, efa kome; ni mũ hin kome afata efa kome he. 46,5. 4 Mose 15,4. 5. 9.

Ezekiel 46:11

Ni gbĩdšŭrõ-fẽ-gbĩdšŭrõ no̱ niyenii-afo̱lei le̱, *tšinanū kome nõ dši efa kome, ke̱ tōagbo hũ nõ efa kome, ke̱ tōgwanteṅbii le̱ anõ bo̱ni eenyẽ ehã, ke̱ mũ hin kome ní afata efa le̱ he. *K. 7.

Ezekiel 46:14

Ni oke̱ niyenii-afo̱le afata he dā lebi: efa mlidšāi ekpa mli ekome, ke̱ mũ hin mlidšāi etẽ mli ekome ní ake̱-kpo̱to̱ ṅmā̃ mãmũ le̱, ní efe niyenii-afo̱le ehã Iehowa; akpo̱ ní kã ši dā dšĩ no.

Ezekiel 46:5

ke̱ niyenii-afo̱le le̱: tōagbo kome le̱, efa kome, ke̱ tōgwanteṅbii ahe niyenii-afo̱le: bo̱ni eenyẽ ehã, ke̱ mū hin kome ní afata efa le̱ he.

Ezekiel 46:7

ke̱ efa kome hã tšinanū le̱ ke̱ efa kome hã tōagbo le̱, ní eke̱-fe niyenii-afo̱le, ke̱ tōgwanteṅbii le̱ anõ le̱ bo̱ni eenyẽ ehã, ke̱ mũ hin kome ní afata efa le̱ he. 45,24.

Hosea 9:4

Ame̱fo̱seṅ wein ame̱hãṅ Iehowa, ni ame̱fo̱lei le̱ hũ esaṅ ehĩe; etamo̱ yăra no̱ abolo hãame̱; mei fẽ ní yeo̱ le̱ aabule amehe. Edšake̱ ame̱bolo le̱, ame̱dientše̱ ame̱hõmo̱ ke̱ke̱ ame̱ke̱-agbe, ebaṅ Iehowa we le̱.

Yoel 1:13

Nyemĩaä ni nyewoa yāra, nye oso̱foi, nyewo̱a lele, nye afo̱lešãlate̱ le̱ he súolo̱i! nyebaä nyebabumo̱a kpekpei ke̱-wo̱a, nye mi-Nyoṅmo̱ le̱ súolo̱i! edšake̱ atši *niyenii-afo̱le ke̱ dā̃-afo̱le nā ke̱-dše̱ nye-Nyoṅmo̱ lo̱ we le̱! *K. 9.

Yoel 1:9

Afo *niyenii-afo̱le ke̱ dā̃-afo̱le se̱ ke̱-dše̱ Iehowa we le̱; oso̱foi ni dši Iehowa súolo̱i le̱ mīye ṅko̱mo̱. *K. 13. Y. 2,14.

Yoel 2:14

*Aleenõ ekole̱ eekpale ni eeſa ehe, ni eešĩ dšō̱mo̱ tete ye̱ ese̱: niyenii-afo̱le ke̱ dā̃-afo̱le ní aṅõ-ke Iehowa, nye-Nyoṅmo̱ le̱! *Iona 3,9.

3 Mose 23:13

ni ehe niyenii-afo̱le ne̱: ṅmā̃ mã efa mlidšāäi nyoṅma mli enyo̱ ní awo mli mũ, ni ake̱-fe afo̱le ní ake̱ la šãa ahãa Iehowa ní edše ṅma; ni ehe dā̃-afo̱le ne̱: wein hin mlidšāi edſe̱ mli ekome.

3 Mose 6:13

La atšo dã ye̱ afo̱lešãlate̱ le̱ no̱, ekagbo gbĩkogbĩko.

4 Mose 15:24

ke̱dši eba mli ake̱ asafo le̱ lee be ni eyatō le̱, no le̱ asafo mū le̱ fẽ aṅõ tšina-oblanyo kome aša šā̃-afo̱le ní dšeo̱ ṅma woo̱ Iehowa, ke̱ ehe niyenii-afo̱le ke̱ ehe dā̃-afo̱le, bo̱ni ato le̱, ke̱ tōkpakpo kome ní ake̱-šã eša-afo̱le.

4 Mose 15:7

ni oke̱ wein hin mlidšāi etẽ mli ekome abahã ní ake̱-ye ṅkpai ní edše ṅma ewo Iehowa.

4 Mose 28:10

Hedšō̱mo̱gbĩ-fẽ-hedšō̱mo̱gbĩ no̱ šā̃-afo̱le dši no, sõro dā šā̃-afo̱le ke̱ ehe dā̃-afo̱le le̱.

4 Mose 28:24

Nakai noṅṅ nyefea dā gbĩĩ ke̱-yaši gbĩĩ kpawo; afo̱le niyenii ní ake̱ la šãa ní dšeo̱ ṅma woo̱ Iehowa ni; sŏro no, ni sŏro dā šā̃-afo̱le le̱ ke̱ ehe dā̃-afo̱le le̱.

4 Mose 28:5

Ni aṅõ ṅmā̃ mã efa mlidšāi nyoṅma mli ekome *afe niyenii-afo̱le, ni aṅõ mũ ní aši hin mlidšāi edſe̱ mli ekome awo mli. *3 Mose 2,1.

4 Mose 29:16

ke̱ tōkpakpo kome ní ake̱-šã eša-afo̱le; esŏro dā šā̃-afo̱le ke̱ ehe niyenii-afo̱le ke̱ dā̃-afo̱le le̱.

4 Mose 4:16

Ni noni atu awo oso̱fo Eleazar, Aaron bi le̱, deṅ dši kanesū-mũ le̱ ke̱ tšofãi-ke̱-ṅmai le̱ ke̱ dā niyenii-afo̱le le̱ ke̱ mũfō̱-mũ le̱, ke̱ šihĩle̱he le̱ fẽ ke̱ emlinii fẽ ke̱ hekroṅkroṅ le̱ ke̱ ehenii le̱ fẽ no̱kwe̱mo̱.

5 Mose 32:38

mei ní ye ame̱fo̱lei le̱ amli fo̱ le̱, ni ame̱nu ame̱dā̃-afo̱lei le̱ amli wein le̱? *Hã ame̱te ši ní ame̱ye ame̱buanye, ní ame̱fã nyehe ko! *Kodš. 10,14.

Filipibii 2:17

Ši ke̱dši *afo̱se milá aſie nyehemo̱-ke̱-yeli afo̱le ke̱ dšámo̱ le̱ no̱ tete le̱, miye̱ he tšuidšũrõ ni mike̱nye fẽ aaná tšuidšũrõ; *2 Tim 4,6.