2 Mose 23:31 - Ṅmãle̱ Kroṅkroṅ Le̱

³¹ Ni mafo *hũsũ mahão ke̱-dše̱ Ṅšo̱-tšuru le̱ nā ke̱-yaši Filistifoi le̱ aṅšo̱ le̱ nā, ni asaṅ ke̱-dše̱ ṅã le̱ no̱ ke̱-yaši fā le̱ nā; ši madšie šikpoṅ le̱ no̱ bii le̱ mawo nyedeṅ, ni oſieame̱ ye̱ ohĩe. *1 Mose 16,18.

ŊMALƐ KRƆŊKRƆŊ LƐ

³¹ Mafo husu mahã nyɛ kɛjɛ Ŋshɔ Tsuru lɛ naa kɛyashi Filistibii lɛ aŋshɔ lɛ naa, agbɛnɛ kɛjɛ shiaŋa lɛ nɔ kɛyashi Eufrate Faa lɛ naa, ejaakɛ mahã nyɛye shikpɔŋ lɛ nɔ bii lɛ anɔ kunim koni nyɛshwie amɛ.

2 Mose 23:31 ပူးပေါင်းရင်းမြစ်များ

1 Mose 15:18

Nakai gbĩ le̱ Iehowa ke̱ Abram kpãṅ ni ekē̱ ake̱: *Oseši le̱ maṅõ ne̱ke̱ šikpoṅ ne̱ mahā ke̱-dše̱ Mizraim fā le̱ nā ke̱-yaši fā kpeteṅkple ṅi dši Eufrate fã le̱ nā: *12,7.

1 Maŋtsɛmɛi 11:2

ni dše̱ dšeṅmãdši le̱ ateṅ, *mei ní Iehowa kē̱ Israelbii le̱ ye̱ ame̱hewo̱ ake̱: Nyekayaä ame̱ṅõ, ni ame̱ hũ ame̱kaba nyeṅõ, edšake̱ befẽbe ní fe le̱ ame̱ado̱ nyetšui ke̱-yanyie ame̱nyoṅmo̱i le̱ ase̱ le̱! Mene̱mei noṅṅ ahe Salomo kpe̱te̱ ni esumoo̱ame̱. *2 Mose 24,16.

1 Maŋtsɛmɛi 20:13

Ni na, gbalo̱ ko ba Ahab, Israel maṅtše̱ le̱, ṅõ ni ebakē̱: Bo̱ni Iehowa kē̱ ne̱: Nto ona ne̱ke̱ asafo kpekpem-kpekpem ne̱ fẽ? Na, mibatuame̱ mawo odeṅ ṅme̱ne̱, koni oná ole ake̱ midši Iehowa!

1 Maŋtsɛmɛi 8:65

Ni Salomo ye gbĩdšũrõ le̱ ye̱ nakai be le̱ mli, eke̱ Israel fẽ, asafo babaō dientše̱, ke̱-dše̱ Hamat niiaṅ ke̱-te Mizraim fā le̱ nā, ye̱ Iehowa, wo̱-Nyoṅmo̱ le̱, hĩe, gbĩĩ kpawo ke̱ gbĩĩ kpawo, efeo̱ gbĩĩ nyoṅma ke̱ edſe̱.

2 Kronika 9:26

Ni eye maṅtše̱mei fẽ no̱ ke̱-dše̱ fā le̱ nā ke̱-yaši Filistibii ašikpoṅ le̱ no̱ ke̱ Mizraim hũsũi ano̱.

Lalai 72:8

Eeye no̱ ke̱-adše̱ ṅšo̱ no̱ ke̱-ate ṅšo̱ no̱, ni ke̱-adše̱ fā le̱ nā ke̱-yaši šikpoṅ le̱ nāgbēhei le̱. Zak. 9,10.

4 Mose 21:34

Ni Iehowa kē̱ Mose ake̱: Kāšele̱ gbeyei; edšake̱ miṅõle̱ ke̱ emaṅbii le̱ fẽ ke̱ ešikpoṅ le̱ miwo odeṅ, ní ofele̱, tamo̱ bo̱ni ofe Amorbii amaṅtše̱ Sihon ní yo̱ Hešbon le̱. Lal. 136,17-22.

4 Mose 34:2

Wo Israelbii le̱ akitã ni okē̱ame̱ ake̱: Ke̱dši nyeyaše̱ Kanaan šikpoṅ le̱ no̱ le̱, no le̱ etšṍ šikpoṅ ní aṅõ-fõ ši ahãnye ake̱ nyegbe̱fãṅnõ: Kanaan šikpoṅ le̱ ye̱ ehũsũi le̱ anā. 2 Mose 23,31.

5 Mose 1:7

nyetšṍa nyehe ní nyefãa ke̱-yaã Amorbii agõdši ašikpoṅ le̱ no̱ ke̱ hei fẽ ní be̱ṅke̱ dše̱i ye̱ Araba gõdši ašikpoṅ le̱ no̱ ke̱ dšō̱ le̱ mli ye̱ wuoyigbe̱ le̱ ke̱ ṅšo̱ le̱ nā, ye̱ Kanaanbii le̱ ašikpoṅ le̱ no̱ ke̱ Lebanon āhũ ke̱-yaši fā wulu ní dši Eufrate fā le̱ nā.

5 Mose 1:8

Na, mike̱ šikpoṅ le̱ efõ nyehĩe; nyeyaä ní nyeyaṅõa šikpoṅ ní Iehowa kã nyetše̱mei Abraham ke̱ Isak ke̱ Iakob kitã ye̱ he ake̱ eke̱ahãame̱ ke̱ ame̱sešibii ní baä ye̱ ame̱se̱ le̱.

5 Mose 11:24

Hefẽhe ní nyenane aasa le̱, dše̱i aatšṍ nyenõ, ke̱-dše̱ ṅã le̱ no̱ ke̱ Lebanon, ke̱-dše̱ fā ní dši Eufrate fā le̱ nā ke̱-yaši anaigbe̱-ṅšo̱ le̱ nā aafe nyehũsũ.

5 Mose 2:33

Ni Iehowa, wo̱-Nyoṅmo̱ le̱, dšō̱ eno̱ ehãwo̱, ni wo̱gbele̱ ke̱ ebii ke̱ emaṅ le̱ fẽ.

5 Mose 2:36

Ke̱-dše̱ Aroer ní kã Arnon fā le̱ nā le̱ ke̱ maṅ ní kã fā le̱ nā le̱ ke̱-yaši Gilead tō̃ maṅ ko maṅ ko be̱ ní wo̱nyẽẽ, Iehowa, wo̱-Nyoṅmo̱ le̱, dšō̱ fẽ no̱ hãwo̱.

5 Mose 20:16

Ši ne̱ke̱ mãdši ne̱ ní Iehowa, o-Nyoṅmo̱ le̱, eṅõ-hão ake̱ onõ le̱ amãdši le̱, *kahã nokonoko ní mũo̱ hĩe mīkã ye̱ mli; *Ios. 10,40.

5 Mose 3:2

Ši Iehowa kē̱mi ake̱: Kāšele̱ gbeyei; edšake̱ mitule̱ ke̱ emaṅ le̱ fẽ ke̱ ešikpoṅ le̱ miwo odeṅ, ni ofele̱ tamo̱ bo̱ni ofe Amorbii amaṅtše̱ Sihon ní hĩ Hešbon le̱.

5 Mose 6:19

ni eſie ohenye̱lo̱i le̱ fẽ ye̱ ohĩe, take̱ bo̱ni Iehowa wie le̱, 1 Mose 23,27. 28.

5 Mose 9:3

Nohewo le̱ ná ole ṅme̱ne̱ gbĩ ne̱ ake̱ Iehowa, o-Nyoṅmo̱ le̱, dši moni nyie ohĩe ke̱-yaä tamo̱ *la ní šãa nii; le̱ noṅṅ eefiteame̱, ni le̱ noṅṅ eebaame̱ ši ye̱ ohĩe, ni ooſieame̱ ni ookpãtã ame̱hĩe oya, take̱ bo̱ni Iehowa, o-Nyoṅmo̱ le̱, ke̱o ewie le̱. *4,24.

Yoshua 1:4

Nyehũsũ dši ke̱-dše̱ ṅã le̱ no̱ ke̱ ne̱ke̱ Lebanon ne̱ he ke̱-yaši fā kpeteṅkple ní dši Eufrate fā le̱ nā, Hitbii ašikpoṅ le̱ fẽ ke̱-yaši ṅšo̱ wulu le̱ nā, ni yo̱ anaigbe̱ le̱ nā.

Yoshua 10:19

Ši nye le̱ nyekadamo̱a ši; nyetiua nyehenye̱lo̱i le̱, ni nyetſia mei ní ekpe se̱ le̱ anii; nyekahãa ame̱yabotea ame̱mãdši le̱ amli; edšake̱ Iehowa, nye-Nyoṅmo̱ le̱, etuame̱ ewo nyedeṅ.

Yoshua 10:8

Ni Iehowa kē̱ Iošua ake̱: Kāšeame̱ gbeyei; edšake̱ mituame̱ miwo odeṅ; ame̱teṅ mokomoko damo̱ṅ ohĩe!

Yoshua 13:6

Mei fẽ ni hĩo̱ goṅ le̱ no̱ ke̱-dše̱ Lebanon he ke̱-yaši *Misrefot-Maim nä ni dši Zidonbii le̱ fẽ le̱, midientše̱ mibaſieame̱ ke̱-adše̱ Israelbii le̱ ahĩe; fõ ošiki ke̱ke̱ ni oke̱-dša mli ohã Israel; ní etšṍ ame̱nõ, take̱ bo̱ni miwoö kitã le̱. *11,8.

Yoshua 2:24

Ni ame̱kē̱ Iošua ake̱: Iehowa etu šikpoṅ le̱ fẽ ewo we̱deṅ le̱le̱ṅ, ni asaṅ šikpoṅ le̱ no̱ bii le̱ atšui mīfã wo̱no̱. K. 3.

Yoshua 21:44

Ni Iehowa hãame̱ hedšē̱mo̱ ke̱-kpe, take̱ bo̱ni ekã ame̱tše̱mei le̱ akitã le̱ pe̱pē̱pe̱; ni ame̱henye̱lo̱i le̱ ateṅ mokomoko nyẽẽ ame̱hĩe adamo̱; ame̱henye̱lo̱i le̱ fẽ le̱, Iehowa tuame̱ ewo ame̱deṅ.

Yoshua 23:14

Ši na, ṅme̱ne̱ mi le̱ mīya *dšeṅdšeṅ fẽ yahe le̱; ni nyele ye̱ nyetšui mli fẽ ke̱ nyesusuma mli ſẽ ake̱ †nibii kpakpai fẽ ni Iehowa, nye-Nyoṅmo̱ le̱, wie ye̱ nyehewo̱ le̱, emli ekomeflo ekaa ši, fẽ eba mli ehãnye, emli ekomeflo ekaa ši. *1 Maṅ. 2,2. †Ios. 21,45.

Yoshua 24:11

Ni nyefo Iordan ni nyeba Ieriko; ni Ierikobii le̱ ke̱ Amorbii le̱ ke̱ Perizbii le̱ ke̱ Kanaanbii le̱ ke̱ Hitbii le̱ ke̱ Girgašbii le̱ ke̱ Hivbii le̱ ke̱ Iebusbii le̱ ke̱nye wu, ni midšieame miwo nyedeṅ. 3,14; 6,1.

Yoshua 24:12

Ni mitšũ *sosomo̱tii ke̱-tšṍ nyehĩe, ni ame̱ſieame̱ ke̱-dše̱ nyehĩe, Amorbii amaṅtše̱mei enyo̱ le̱, dšee oklante nā, ni dšee ogãi nā hũ ni. *2 Mose 23,28.

Yoshua 24:18

Ni Iehowa ſie mãdši le̱ fẽ ke̱ Amorbii ní yo̱ šikpoṅ le̱ no̱ le̱ ke̱-dše̱ wo̱hĩe. Nohewo̱ le̱ wo̱ hũ wo̱o̱súmo̱ Iehowa; edšake̱ le̱ dši wo̱-Nyoṅmo̱!

Yoshua 24:8

Ni mike̱nye ba Amorbii ní yo̱ Iordan se̱ le̱ ašikpoṅ le̱ no̱, ni ame̱ke̱nye wu, ni miṅõame̱ miwo nyedeṅ, ni nyeṅõ ame̱šikpoṅ le̱, ni mikpãtã ame̱hĩe ye̱ nyehĩe. 4 Mose 21,25. 31.

Yoshua 8:18

Ke̱ke̱ ni Iehowa kē̱ Iošua ake̱: Kpã akplo̱ ní ohĩe le̱ mli otsṍ Ai gbe̱; edšake̱ madšiele̱ mawo odeṅ! Ni Iošua kpã akplo̱ ni ehĩe le̱ mli etšṍ maṅ le̱ no̱ gbe̱.

Yoshua 8:7

Ši nye le̱ nyetea ši ke̱-dše̱a káwō le̱ṅ ní nyebahe maṅ le̱; edšake̱ Iehowa, nye-Nyoṅmo̱ le̱, aaṅõle̱ awo nyedeṅ.

Yoshua 9:7

Ni Israel hĩĩ le̱ kē̱ *Hivbii le̱ ake̱: Akakwe̱ ni wo̱te ne̱ṅ nyeyo̱, ni té aafe tẽṅ ni mike̱nye †aakpãṅ hũ. *11,19. †2 Mose 23,32.

Kojolɔi 1:4

Ni Iuda fã ke̱-te, ni Iehowa ṅõ Kanaanbii le̱ ke̱ Perizbii le̱ ewo ame̱deṅ, ni ame̱gbe mei akpei-nyoṅma ye̱ Bezek.

Kojolɔi 11:21

Ni Iehowa, Israel Nyoṅmo̱ le̱, ṅõ Sihon ke̱ emaṅ le̱ ſẽ ewo Israel deṅ, ni ame̱tfſaame̱ nii; ni Israel ṅõ Amorbii ni yo̱ nakai šikpoṅ le̱ no̱ le̱ ašikpoṅ mū le̱ fẽ efe enõ.

1 Samuel 23:4

Ke̱ke̱ ni David sā yabi Iehowa ekoṅ. Ni Iehowa to he ehãle̱ ake̱: Te ši ni oya Keila; edšake̱ mibaṅõ Filistibii le̱ mawo odeṅ!