2 Mose 20:5 - Ṅmãle̱ Kroṅkroṅ Le̱

⁵ Kādšáame̱, ni kāsúmo̱ame̱ hũ; edšake̱ *mi, Iehowa, o-Nyoṅmo̱ le̱, midši Nyoṅmo̱ awuṅãyelo̱ ní woo̱ tše̱mei atõmo̱i anyõmo ke̱-tšṍo̱ bii ano̱ ke̱-yašio yino̱bii ní dši etẽ ke̱ yino̱bii ní dši edſe̱ ní nye̱o̱mi le̱ ano̱; *34,7. Ier. 31,29. 30. Ezek. 18,2. 3. 20.

ŊMALƐ KRƆŊKRƆŊ LƐ

⁵ “Kaaja amɛ, ni kaasɔ̃mɔ amɛ hu, ejaakɛ mi Yehowa, oNyɔŋmɔ lɛ, Nyɔŋmɔ ni yeɔ awuŋã ji mi, ni miwoɔ tsɛmɛi kɛ bii anyɔmɔ yɛ tsɛmɛi lɛ atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ tete ni nyɛɔ mi lɛ nɔ.

2 Mose 20:5 ပူးပေါင်းရင်းမြစ်များ

2 Samuel 21:1

Ni hõmo̱ ko ba ye̱ David yino̱ le̱ afii etẽ so̱ṅṅ, afi nyie afi se̱. Ni David ya-tao Iehowa hĩegbe̱. Ni Iehowa kē̱: Saul ke̱ elašiſiemo̱ šĩa le̱ hewo̱ dše̱, edšake̱ egbe Gibeonbii le̱.

2 Samuel 21:6

hã ni aṅõ ebii le̱ ateṅ hĩĩ kpawo ahãwo̱ ní *wo̱se̱ṅame̱ wo̱hã Iehowa ye̱ Gibea ni dši Saul, moni Iehowa halale̱ le̱, maṅ le̱ mli. Ni maṅtše̱ le̱ kē̱: Mahã. *4 Mose 35,4.

1 Maŋtsɛmɛi 19:10

Ni ekē̱: *Miye Iehowa, Zebaot Nyoṅmo̱ le̱, he awuṅã; edšake̱ Israelbii le̱ ekwa okpãṅmo̱ le̱, ni ame̱wule ofo̱lešãlate̱i le̱, ni ame̱gbe ogbalo̱i le̱ hũ ke̱ klante; ni †mikometō pe̱ eſe̱, ni ame̱mītao misusuma hĩe amekpãtã. *Ies. 49,5. Rom. 11,3. †18,22.

1 Maŋtsɛmɛi 21:29

Ani ona bo̱ni Ahab baä ehe ši ye̱ mihĩe ne̱? Nohewo̱ le̱ ake̱-ní ebaä ehe ši ye̱ mihĩe hewo̱ le̱, mihãṅ efõṅ le̱ aaba ye̱ eyino̱ ne̱; ši *ebi le̱ yino̱ moṅ mahã efõṅ le̱ aba ewe le no̱ ye̱. *2 Maṅ. 9,22. 26.

2 Maŋtsɛmɛi 17:35

mei ni Iehowa ke̱ame̱ kpãṅ ni ewoame̱ kitã ake̱: *Nyekašea nyoṅmo̱i krokomei agbeyei ni nyekadšáa-ame̱, ni nyekasúmo̱a-ame̱ ni nyekašãa afo̱le nyehāa-ame̱ le̱; *2 Mose 23,34.

2 Maŋtsɛmɛi 17:41

Nakai dšeṅmãdši ne̱ šeo̱ Iehowa gbeyei, ni ame̱sā ame̱súmoo̱ ame̱mãgãi le̱ hũ; ame̱bii ke̱ ame̱bii abii hũ, bo̱ni ame̱tše̱mei le̱ fe le̱, nakai ame̱ hũ ame̱-feo̱ ke̱-baši ṅme̱ne̱ gbĩ ne̱.

2 Maŋtsɛmɛi 23:26

Ši kẽle̱ Iehowa kpalee ke̱-dše̱e̱ emlifũ ke̱ emlila kpeteṅkple le̱ ni ewo Iuda le̱ mli, ye̱ mlilawōnii fẽ ní *Manase ke̱-wo emlila le̱ hewo̱. *21,11-16.

2 Maŋtsɛmɛi 5:18

Ene̱ ke̱ke̱ Iehowa aṅõ-fa otšũlo̱, ake̱ ke̱dši minuṅtšo̱ miya Rimon we le̱ ayadšá ye̱ dše̱i, ní *ekpasaä minine, ni mi hũ mikotoo̱ ši ye̱ Rimon we le̱, ké̱ miyakoto ši ye̱ Rimon we le̱, no le̱ Iehowa aṅõ no afa otšũlo̱! *7,2.

2 Maŋtsɛmɛi 5:27

Nohewo̱ le̱ Naeman kpiti le̱ aakpe̱te̱ ohe ke̱ osešibii ahe ke̱-ya nāno̱. Ni edše̱ eble edše kpo ke̱ ehe kpiti aakō tamo̱ snõ.

2 Kronika 25:14

Ši eba mli ake̱, beni Amazia dše̱ Edombii le̱ agbẽ eba le̱, eke̱ Seirbii le̱ anyoṅmo̱i le̱ ba, ni eke̱ame̱ bamãmo̱ ši ake̱ enyoṅmo̱i, ni ekotoo̱ ši ye̱ ame̱hĩe, ni ešãa tšofã-ke̱-ṅma ehãa-ame̱.

2 Kronika 7:19

Ši ke̱dši nyekpale ni nyekwa mikpo̱i ke̱ mikitãi ní miṅõ-ſie nyehĩe ne̱, ni nyete nyeyasúmo̱ nyoṅmo̱i krokomei ni nyedšáame̱ le̱:

Hiob 21:19

Nyekē̱: Nyoṅmo̱ tīaä enõša le̱ etoo̱ *ebii. Hã ní ewo le̱dientše̱ nyõmo̱, ko-ni ele! *20,10. 2 Mose 20,6.

Hiob 5:4

Ebii ke̱ walanámo̱ teṅ dšeke̱, ni anānāa ame̱no̱ ye̱ koi ši, ni dšiele̱ ko be̱.

Lalai 109:14

Akai etše̱mei le̱ anišaianii le̱ ye̱ Iehowa hĩe, ni akagbe enye he eša le̱ hũ. 2 Mose 20,5.

Lalai 78:58

Edšake̱ ame̱ke̱ ame̱hei groṅṅi le̱ wo emli la, ni ame̱ke̱ ame̱mãgãi le̱ hã eye awuṅā. 5 Mose 32,21.

Lalai 79:8

Kākai wo̱blemabii le̱ anišaianii le̱ owowo̱; hã omũsũṅtšõle̱ le̱ ke̱wo̱ akpe oyá, edšake̱ abawo̱ ši naakpa.

Lalai 81:15

kũle̱ etše̱ṅ ni maba ame̱henye̱lo̱i le̱ aši, ni matšṍ minine mawo ame̱haolo̱i le̱;

2 Mose 23:24

*Kādšá ame̱nyoṅmo̱i le̱, ni kāsúmo̱ame, ni asaṅ kāfe †ame̱nifemo̱nii le̱ hũ, ši moṅ butume̱ame̱, ni okũmo̱kũmō̱ ame̱mãgãi le̱. *20,5. †3 Mose 18,3.

2 Mose 34:14

ni okadšá nyoṅmo̱ kroko. Edšake̱ Iehowa le̱, awuṅãyelo̱ dši egbe̱i; Mawu awuṅãyelo̱ ni; 20,3. 5.

Abe̱i 8:36

Ši moni nine še̱e̱ mine̱ le̱, ēwa le̱dientše̱ esusuma yi; mei fẽ ní nye̱o̱mi le̱, ame̱mīsumo̱ gbĕle.

Yesaia 44:15

ni etšṍo̱ lai ehãa gbomo: eṅõo̱ eko ew̌ereo̱, eše̱reo̱ eko ni eṅõ-šãa abolo; ni eṅõo̱ no noṅṅ eko efeo̱ nyoṅmo̱, ni edšáa! eke̱ eko feo̱ amãgã, ni akotoo̱le̱!

Yesaia 44:19

Ni mokomoko dſẽṅmo̱ baa no̱, asaṅ nilē lo sanese̱ko̱mo̱ ko be̱, ni aakē̱ ake̱: Mišã fã ye̱ laṅ, ni mišã abolo hũ ye̱ eṅãi le̱ no̱, ni miflo̱o lō ye̱ no̱ miye; aso maṅõ noni eſe̱ le̱ mafe nihĩnii? aso makoto ši mahã tšokuku lo?

Yeremia 2:9

Nohewo̱ le̱ mike̱nye mībé lolo, Iehowa kē̱, ni mike̱ nyebii abii hũ aabé;

Yeremia 32:18

*onaä mei akpei abo mo̱bo̱, ni osā owoo tše̱mei anišaianii ahe nyõmo̱ ošãkãa ame̱bii ní baä ye̱ áme̱se̱ le̱ atšitši, bo Mawu kpeteṅkple ke̱ hewalo̱, Iehowa Zebaot dši ogbe̱i! *2 Mose 20,5. 6.

Ezekiel 18:19

Kẽle̱ nyekē̱o̱ ake̱: Mẽhewo̱ bi tĕree etše̱ nišaianii le̱? Ké̱ bi le̱ yeo̱ dšale̱ sane ni efeo̱ noni dša, ni eyeo mikpoi le̱ fẽ no̱ ni efeo̱ le̱, eyi aaná wala kẽ.

Ezekiel 18:2

Té nyesuauo̱ tēṅ ní nyebuo̱ abe̱ ne̱ ye̱ Israel šikpoṅ le̱ no̱ ake̱: *“Tše̱mei le̱ yeo̱ weinyibii ṅmlikitii, ni bii le̱ moṅ anyãnyõdši ſãa” le̱? *Ier. 31,29.

Ezekiel 20:7

Ni mikē̱ame̱ ake̱: Nyeteṅ *mofẽmo aše̱re̱ ehĩṅme̱ii anihĩnii le̱ aſie, ni nyeke̱ Mizraim wo̱dši le̱ akabulea nyehe! Midši Iehowa, nye-Nyoṅmo̱ le̱! *Ios. 24,14. 23.

Ezekiel 39:25

Nohewo̱ le̱ bo̱ni Nuṅtšo̱ Iehowa kē̱ ne̱: Agbe̱ne̱ makpale Iakob nomṅō̃ le̱ ke̱-aba ekoṅ, ni mimũsũṅ aatšõmi ye̱ Israel we mū le̱ fẽ hewo̱, ni maye migbe̱i kroṅkroṅ le̱ he awuṅã. 16,53-63.

Ezekiel 8:3

Ni edšie noko ní tamo̱ nine su, ni emo miyiteṅ tšo̱i le̱ mli, ni *mumo̱ le̱ wómi ke̱-te šikpoṅ ke̱ ṅwei teṅ, ni eṅõmi ke̱-te Ierusalem ye̱ Nyoṅmo̱ he nināi le̱ amli, ke̱-ba mligbe̱ kpo le̱ no̱ agbó ní kwe̱o̱ kōyigbe̱ le̱ šĩnā le̱ nā, heni awuṅãyeli amãgã ní tšé̱o̱ awuṅãyeli ke̱-baä le̱ mã le̱. *3,12.

Daniel 1:2

Ni Nuṅtšo̱ le̱ ṅõ Iuda maṅtše̱ Iehoiakim ke̱ Nyoṅmo̱ we le̱ nihii le̱ ekomei ewo edeṅ, ni eke̱ame̱ te Šinear šikpoṅ le̱ no̱ ye̱ enyoṅmo̱ le̱ we le̱, ni eke̱ nibii le̱ yato enyoṅmo̱ le̱ nitõ šĩa le̱.

Daniel 3:18

Ši ké̱ dšee nakai hũ le̱, maṅtše̱, ná ole ake̱ wo̱súmo̱ṅ onyoṅmo̱i le̱, ni wo̱dšáṅ šika amãgã ní oke̱-mã ši le̱. 2 Mose 20,3-5.

3 Mose 20:5

kẽle̱ mi le̱ maṅõ mihĩe maka nakai gbomo le̱ ke̱ eweku fẽ, ni maflo̱le̱ ke̱ mei fẽ ní nyie ese̱ bo̱ adſamaṅ ní ame̱ke̱ Molek bo̱ adſamaṅ le̱ ke̱-adše̱ ame̱mã le̱ṅ maše̱re̱ maſie.

3 Mose 26:1

Nyekafea yakayakawo̱dši nyehãa nyehe, ni nyeke̱ amãgã lo wo̱ṅte̱ akamãa ši nyehãa nyehe, ni nyeke̱ te̱-mfoniri hũ akamãa ši ye̱ nyešikpoṅ le̱ no̱, *ní nyekoto ši nyedšá; edšake̱ midši Iehowa, nye-Nyoṅmo̱ le̱. *2 Mose 20,4. 5.

3 Mose 26:29

Ni nyeaye nyebihĩĩ le̱ alō, ni nyebiyei le̱ alō hũ nyeaye. 2 Maṅ. 6,28.

Nahum 1:2

Mawu *awuṅãyelo̱ ke̱ oweleto̱lo̱ dši Iehowa; oweleto̱lo̱ dši Iehowa, ni emlifũ wa. Oweleto̱lo̱ dši Iehowa hā ehetšẽlo̱i, ni eke̱-too̱ ehãa ehenye̱lo̱i. *2 Mose 20,6. 5 Mose 4,24.

4 Mose 14:18

Iehowa le̱ emli fũũ mrã ni emo̱bo̱nale̱ hũ fá, eṅōo̱ no̱tõmo̱ ke̱ efõṅfemo̱ efaä, ši kẽle̱ ehãã no̱tõlo̱ aṅõ ehe aye, ewoo tše̱mei atõmo̱i anyõmo̱ ke̱-tšṍo̱ bii ano̱ ke̱-yašio̱ yino̱bii ní dši etẽ ke̱ mei ní dši edſe̱ le̱ no̱. 2 Mose 34,6.

4 Mose 14:33

Ni nyebii le̱ aatšomlo ṅã le̱ no̱ afii nyoṅmai-edſe̱, ni ame̱atĕre nyedſamaṅbō̱i lẽ ke̱-yaši beyino̱ ní nyegbohĩĩ le̱ aatã ye̱ ṅã le̱ no̱.

4 Mose 25:11

Oso̱fo Aaron bi Eleazar bi Pinehas ekũ mimli ni ewo Israelbii le̱ ala le̱ nā, edšake̱ eye awuṅã ehãmi ye̱ ame̱teṅ, ni ehãã maplenē Israelbii le̱ ye̱ miwuṅãyeli le̱ mli.

Mateo 4:9

ni ekē̱le̱ ake̱: Maṅõ ene̱mei fẽ mahão, ke̱dši okũla ši odšámi le̱.

Yohane 15:18

Ke̱dši dše le̱ mīnye̱nye le̱, nyenáa nyelea ake̱ mi tšutšu enye̱. 7,7.

Yohane 7:7

Dše le̱ nyẽẽ anye̱nye; ši mi le̱ *enye̱o̱mi, edšake̱ miyeo̱ ehe odase ake̱ enitšumo̱i le̱ nitšumo̱i fõdši ni. *15,18.

Yohane 9:2

Ni ekaselo̱i le̱ bile̱ ake̱: Babi, namo fe esa, mone̱ lo efo̱lo̱i, hewo̱ ni afó̱le̱ ſilafo ne̱? Luk. 13,2.

Romabii 1:30

able̱biwielo̱i, meiahewielo̱i, Nyoṅmo̱-nye̱lo̱i, mei ní hĩe eso̱o̱ mo, hetšõlo̱i, ſãlo̱i, nõfõṅheṅātšõlo̱i, fo̱lo̱iano̱-toigbolo̱i,

Romabii 8:7

Edšake̱ helo dſēṅmo̱ le̱, Nyoṅmo̱ nyē̱ ni; edšake̱ ebaa ehe ši ehãã Nyoṅmo̱ mla le̱, ni esa enyēṅ tete; Iak. 4,4.

1 Korintobii 10:22

Alo Nuṅtšo̱ le̱ mli la wo̱woo̱? ani wo̱he wa fèle̱?

5 Mose 32:21

Ame̱hã miye awuṅã ye̱ noni *dšee nyoṅmo̱ ko hewo̱, ame̱ke̱ ame̱yakayakanii le̱ wo mimli la. †Nohewo̱ le̱ mi hũ mahã ame̱ye awuṅã ye̱ mei ní dšee maṅ ko hewo̱, dšeṅmaṅ ko ní hĩe etẽẽ mike̱-awo ame̱mli la. *Ier. 2,11. †Rom. 10,19.

5 Mose 32:41

Ke̱dši midšo̱ miklante ní kple̱o̱ tamo̱ srawa le̱ nā, ni minine mõ kodšomo̱ mli le̱, mato̱ mihe owele ye̱ mihenye̱lo̱i le̱ ano̱, ni mawo mei ní nye̱o̱mi le̱ anyõmo̱!

5 Mose 4:24

Edšake̱ Iehowa, o-Nyoṅmo̱ le̱, la ní šãa mo kwrakwra dšile̱, Mawu awuṅãyelo̱ ni! 9,3. 2 Mose 20.5. Ies. 10,17. Heb. 12,29.

5 Mose 5:10

ni minaä mei akpei abo̱ ní sumoo̱mi ní ame̱yeo̱ mikitãi ano̱ le̱ amo̱bo̱.

5 Mose 5:9

Kādšáame̱, ni kāsúmo̱ame̱ hũ; edšake̱ mi, Iehowa, o-Nyoṅmo̱ le̱, midši Nyoṅmo̱ awuṅãyelo̱ ní woo̱ tše̱mei atõmo̱i anyõmo̱ ke̱-tšṍo̱ bii ano̱, ke̱-yašio̱ yino̱bii ní dši etẽ ke̱ yino̱bii ní dši edſe̱ ní nye̱o̱mi le̱ ano̱;

5 Mose 6:15

Edšake̱ Mawu *awuṅãyelo̱ dši Iehowa, o-Nyoṅmo̱ le̱, ní yo̱ oteṅ le̱, koni Iehowa, o-Nyoṅmo̱ le̱, mli akawoö la, ní ekpãtã ohĩe ke̱-dše̱ šikpoṅ le̱ no̱. *2 Mose 20,5.

5 Mose 7:10

ni ewoo̱ mei ní nye̱o̱le̱ le̱ hũ nyōmo̱ ye̱ ame̱hĩe, ni ekpãtãa ame̱hĩe; etše̱e̱ ke̱ moni nye̱o̱le̱ le̱ nyõmo̱wo ye̱ ehĩe.

Yakobo 4:4

Gblãfitelo̱i! nyelee ake̱ dše ne̱ hedō̱ le̱ Nyoṅmo̱ nyē̱ ni lo? Nohewo̱ le̱ mofẽmo ni sumoo̱ ake̱ etšõ dše ne̱ hedo̱le̱ le̱ etšõ Nyoṅmo̱ henye̱lo̱. Luk. 6,26. Rom. 8,7. 1 Ioh 2,15.

Yoshua 23:16

Ké̱ nyeto Iehowa, nye-Nyoṅmo̱ le̱, kpãṅmo̱ le̱ ní ewonye he kitã le̱ no̱, ni nyeto ni nyeyasúmo̱ nyoṅmo̱i krokomei, ni nyedšáame̱ le̱, no le̱ Iehowa mli aawo la awonye, ni nyehĩe aakpãtã oyá ke̱-adše̱ šikpoṅ kpakpa ni eṅõ-hãnye le̱ no̱.

Yoshua 23:7

koni nyeke̱ ne̱ke̱ dšeṅmãdši ní eſe̱ ye̱ nyeteṅ ne̱ akafutu, ni asaṅ *nyekatšĩa ame̱nyoṅmo̱i le̱ atã, ni nyeke̱ ame̱gbe̱i akakãa kitã, ni nyekasúmo̱aame̱, ni nyekadšáa-ame̱ hũ; *2 Mose 23,13. 24.

Yoshua 24:19

Ni Iošua kē̱ maṅ le̱ ake̱: *Nyenyẽṅ Iehowa nyesúmo̱; edšake̱ Nyoṅmo̱ kroṅkroṅ dšile̱, Mawu †awuṅãyelo̱ dši-le̱, eke̱ nyeno̱tõmo̱i le̱ ke̱ nyehe ešai le̱ ekeṅnye! *5 Mose 5,29. †2 Mose 20,5.

Kojolɔi 2:19

Ši eba mli ake̱, ké̱ kodšolo̱ le̱ gbo le̱, ame̱kũo̱ ame̱se̱ ekoṅ ni ame̱fiteo̱ fè ame̱tše̱mei le̱, ye̱ nyoṅmo̱i krokomei ase̱ ní ame̱yanyieo̱ ní ame̱súmoo̱ame̱ ní ame̱dšáa-ame̱ le̱ hewo̱; ame̱fõõ ame̱nifemo̱i le̱ ke̱ ame̱kue̱ṅtimo̱ gbe̱ le̱ no̱nyiemo̱.