2 Mose 20:20 - Ṅmãle̱ Kroṅkroṅ Le̱

²⁰ Ni Mose kē̱ maṅ le̱ ake̱: Nyekašea gbeyei; edšake̱ ka Nyoṅmo̱ banye kā, koni ehe gbeyei ahĩ nyehĩe, ní nyekafe eša.

ŊMALƐ KRƆŊKRƆŊ LƐ

²⁰ Mose kɛɛ maŋ lɛ akɛ, “Nyɛkashea gbeyei, ejaakɛ kaa Nyɔŋmɔ ba nyɛ kaa, bɔ ni afee ni lɛ egbeyeishemɔ ahi nyɛmli daa koni nyɛkafee esha.”

2 Mose 20:20 ပူးပေါင်းရင်းမြစ်များ

1 Mose 20:11

Ni Abraham kē̱: Edšake̱ miyasusu ake̱, ekole̱ Nyoṅmo̱ gbeyeišemo̱ be̱ bie̱, ni ame̱abagbemi ye̱ miṅã le̱ hewo̱.

1 Mose 22:1

Ni sãdši ne̱ ase̱ le̱ eba mli ake̱ Nyoṅmo̱ *ka Abraham, ni ekē̱le̱ ake̱: Abraham! Ni ekē̱: Nami! *Heb. 11,17. Iak. 1,12.

1 Mose 22:12

Ni ekē̱: *Kāhã onine mīsa oblanyo le̱ he, ni asaṅ kāfele̱ nokonoko! Ši kpāko miná mile ake̱ ošeo̱ Nyoṅmo̱ gbeyei, ake̱-ni †okãmããmi obi kometō ne̱ le̱. *Ier. 7,31. †Rom. 8,32.

Nehemia 5:15

Ši sá amraloi le̱ ni nyie mihĩe le̱ waä maṅ le̱ yi, ni ame̱heo̱ abolo ke̱ wein ye̱ ame̱dẽ, sŏro dſie̱te̱ĩ šekelinyoṅmai-edſe̱ le̱ hũ; ame̱webii le̱ tete yeo̱ maṅ le̱ no̱. Ši mi le̱, Nyoṅmo̱ gbeyeišemo̱ hewo̱ le̱ mifee nakai.

Hiob 28:28

Ni ekē̱ gbomo ake̱: Na, Nuṅtšo̱ le̱ gbeyeišemo̱ le̱, no dši nilē, ni efõṅ hedšē dši dſẽṅmo̱! Lal. 111,10. Abe̱i 1, 7.

2 Mose 14:13

Ši Mose kē̱ maṅ le̱ ake̱: Nyekasea gbeyei, nyedame̱a ši siṅṅ, ni nyekwe̱a nyeyiwala ni Iehowa bahere ṅme̱ne̱ ne̱; edšake̱ Mizraimbii ni nyenaä ṅme̱ne̱ ne̱, nyenaṅame̱ doṅṅ ke̱-ate nāno̱.

Abe̱i 1:7

*Iehowa gbeyeišemo̱ dši nilẽ šišidšē; ši kwašiai gbeo̱ nilẽ ke̱ tšo̱semo̱ he guo̱. *9,10. Lal. 111,10. Hiob 28,28.

Abe̱i 16:6

Mo̱bo̱nale̱ ke̱ ano̱kwale ake̱-kplaä nõša, ni Iehowa gbeyeišemo̱ hãa mo dšeo̱ efõṅ he.

Abe̱i 3:7

*Kābu ohe nilelo̱; še Iehowa gbeyei, ni odše efõṅ he! *Ies. 5,21.

Yesaia 41:10

Kāše gbeyei, ši mi, mike̱o yo̱! Kākwe̱kwē̱ ohe, ši midsi o-Nyoṅmo̱ le̱! Mawadšeo, ni maye mabuao; ni mahĩe omli ke̱ midšale̱ ninedšŭrõ le̱. 43,1.

Yesaia 41:13

Edšake̱ mi, Iehowa, o-Nyoṅmo̱ le̱, mihĩe oninedšŭrõ mli, ni mīkē̱o ake̱: Kāše gbeyei! maye mabuao!

Yesaia 8:13

Ši moṅ, Iehowa Zebaot le̱, le̱ moṅ *nyefeale̱ kroṅkroṅ, ni †le̱ efe nyegbe-yeišemo̱ ke̱ nyetšuifā̃! *29,23. †Mat. 10,28. 1 Pet. 3,16.

5 Mose 10:12

Ni agbe̱ne̱, Israel, meni Iehowa, o-Nyoṅmo̱ le̱, *taoo̱ ye̱ odeṅ doṅṅ, ake̱ dša oše Iehowa, o-Nyoṅmo̱ le̱, gbeyei, ní onyie egbè̱i le̱ fẽ no̱, ni osumo̱le̱, ni osúmo̱ Iehowa, o-Nyoṅmo̱ le̱, ke̱ otšui fẽ ke̱ osusuma fẽ, *Mika 6,8.

5 Mose 13:3

ni okadi lo nākpe̱nõ le̱ ní etšõo le̱ ba mli, ni ekē̱: Hã ní wo̱yanyie nyoṅmo̱i krokomei ní olee le̱ ase̱ ni wo̱súmo̱ame̱ le̱!

5 Mose 4:10

titri le̱ gbĩ ni *odamo̱ Iehowa, o-Nyoṅmo̱ le̱, hĩe ye̱ Horeb, beni Iehowa ké̱mi ake̱: Buamo̱ maṅ le̱ nā ohãmi, ni mahã amenu miwiemoi le̱, ní ame̱ke̱-kase migbeyeišemo̱ gbĩīabo̱ fẽ ní ame̱yo̱ dšeṅ le̱, ni *ame̱ṅõ-tšo ame̱bii le̱ hũ. *2 Mose 19,17. †5 Mose 6,7; 11,19.

5 Mose 6:2

koni oše Iehowa, o-Nyoṅmo̱ le̱, gbeyei, ni oye ekpo̱i ke̱ ekitãi ni miwoo̱o ne̱ fẽ no̱, bo ke̱ obi ke̱ onãbi ye̱ owala gbĩĩ le̱ fẽ mli, koni nyegbĩĩ ase̱ atše̱.

5 Mose 6:24

Ni Iehowa wowo̱ kitã, ake̱ wo̱ye ne̱ke̱ akpo̱i ne̱ fẽ no̱, koni wo̱še Iehowa, wo̱-Nyoṅmo̱ le̱, gbeyei, ní ahĩ ahãwo̱ dãne̱, ni wo̱yi anã wala, take̱ bo̱ni eyo̱ ṅme̱ne̱ ne̱.

5 Mose 8:16

moni ke̱ mána ní otše̱mei lee le̱ lè̱o ye̱ ṅã le̱ no̱, koni eke̱-bao ši, ni eke̱-kao ekwe̱, ní nāgbē le̱ efeo edšŭrõ le̱:

5 Mose 8:2

Ni okai gbe̱ fẽ ní Iehowa, o-Nyoṅmo̱ le̱, ehã onyie no̱ ye̱ ṅã le̱ no̱ afii nyoṅmai-edſe̱ so̱ṅṅ ne̱, koni eke̱-bao ši ni *eke̱-kao ekwe̱, beni afe ní ele noni yo̱ otšui mli, ake̱ ooye ekitãi le̱ ano̱ lo oyeṅ no̱. *13,4. Kods. 2,22.

Yoshua 24:14

Nohewo̱ le̱ agbe̱ne̱ nyešea Iehowa gbeyei, ni nyedšie nyeyitšoṅ nyesúmo̱le̱ ye̱ ano̱kwale mli, ni nyekwa nyoṅmo̱i ni nyetše̱mei le̱ súmo̱ ye̱ fā le̱ se̱ ke̱ Mizraim le̱, ni nyesúmo̱a Iehowa. K. 2. 2 Mose 32.

1 Samuel 12:20

Ši Samuel kē̱ maṅ le̱ ake̱: Nyekašea gbeyei! nyená nyefe ne̱ke̱ efõṅ ne̱ fẽ moṅ, ši kẽle̱ nyekakpalea ke̱-dšea Iehowa se̱, ši nyesúmo̱a Iehowa ke̱ nye-tšui fẽ!