2 Mose 15:11 - Ṅmãle̱ Kroṅkroṅ Le̱

¹¹ Namo *tamo̱o, Iehowa, ye̱ nyoṅmo̱i le̱ ateṅ? Namo tamo̱o ní ohĩe yo̱ nyam ye̱ kroṅkroṅfemo̱ mli, ni ohe yo̱ gbeyei, ni adšieo oyi, ni †ofeo̱ nākpenii hũ? *18,11. †Lal. 72,18. 19.

ŊMALƐ KRƆŊKRƆŊ LƐ

¹¹ “Namɔ tamɔ Bo, Yehowa, yɛ nyɔŋmɔi lɛ ateŋ? Namɔ tsuɔ nyam nii ni yɔɔ gbeyei kɛ naakpɛɛ?

2 Mose 15:11 ပူးပေါင်းရင်းမြစ်များ

2 Samuel 7:22

Nohewo̱ le̱, Iehowa Nyoṅmo̱, oda kpeteṅkple! Edšake̱ mokomoko ke̱o yee egbo̱, ni asaṅ nii fẽ ní wo̱ke̱ wo̱toii enu le̱ anā le̱, nyoṅmo̱ ko nyoṅmo̱ ko be̱ ye̱ ose̱.

1 Maŋtsɛmɛi 8:23

ni ekē̱: Iehowa, Israel Nyoṅmo̱! Nyoṅmo̱ ko nyoṅmo̱ ko be̱ ṅwei ye̱ yiteṅgbe̱ alo šikpoṅ le̱ no̱ ye̱ šišigbe̱ ní tamo̱ bo ní otoo̱ kpãṅmo̱ ke̱ mo̱bo̱nale̱ ohãa otšũdši ní nyieo̱ ohīe ke̱ ame̱tšui fẽ le̱;

1 Kronika 16:25

Edšake̱ Iehowa da kple ni esa yidšiemo̱ babaō, ni ehe ye̱ gbeyei fẽ nyoṅmo̱i le̱ fẽ.

2 Kronika 2:5

[6.] Ši namo po aanyẽ amã šĩa ahãle̱? Edšake̱ *ṅwei ke̱ ṅweii amli ṅwei nyẽẽle̱ ato! bĕle̱ namo dšimi ni mamã sĩa mahãle̱, ake̱ dša tšofã-ke̱-ṅma ni aašã ye̱ ehĩe le̱ ke̱ke̱ hewoṅ? *6,18. 1 Maṅ. 8,37.

2 Kronika 6:14

ni ekē̱: Iehowa, Israel Nyoṅmo̱! nyoṅmo̱ ko nyoṅmo̱ ko be̱ ṅwei ke̱ šikpoṅ le̱ no̱ ní tamo̱ bo, ni otoo̱ kpãṅmo̱ ke̱ mo̱bo̱nale̱ ohãa otšũdši ní nyieo̱ ohĩe ke̱ ame̱tšui fẽ le̱,

Lalai 113:5

Namo tamo̱ Iehowa, wo̱-Nyoṅmo̱ le̱, moni ešitámo̱he yo̱ ṅwei le̱, 2 Mose 16,11. Ies. 57,15.

Lalai 119:120

Oheṅmiṅmi nā le̱ mihelo kpokpoo̱, ni mīše okodšomo̱i le̱ gbeyei.

Lalai 136:4

Le̱ moni ekometō efeo̱ nākpe̱nii le̱; edšake̱ nāno̱ emo̱bo̱nale̱ hĩo̱ ši ke̱-yaä!

Lalai 145:17

Iehowa *dša ye̱ egbè̱i fiā mli, ni drolo̱ dšile̱ ye̱ enitšumo̱i fiā mli. *5 Mose 32,4.

Lalai 22:23

Madšadše ogbe̱i le̱ matšõ minyemimei le̱; asafo teṅ makafoö ye̱. Lal. 9,15. Heb. 2,12. Ioh 20,17.

Lalai 35:10

Miwui le̱ fẽ aake ake̱: Iehowa, namo tamo̱ bo? Ni oodšieo̱ nõnalo̱ ke̱-dše̱o̱ moni he wa fèle̱ le̱ deṅ, nõnalo̱ ke̱ moni efīle̱ fẽ ke̱-dše̱o̱ moni tſaäle̱ odšo le̱ deṅ le̱.

Lalai 60:2

ela beni eke̱ Aram-Naharaim ke̱ Aram-Zoba wu ni Ioab kũ ese̱ eyagbe Edombii le̱ ateṅ mei akpei-nyoṅma-ke̱-enyo̱ ye̱ Ṅō-dšō̱ le̱ mli le̱. 2 Sam 8,2. 13; 10,15. 18.

Lalai 66:5

Nyebaä nyebakwe̱a Nyoṅmo̱ nitšumo̱i le̱; ehe ye̱ gbeyei ye̱ nii ni etšuo̱ ehãa gbomei abii le̱ amli.

Lalai 77:11

Ke̱ke̱ ni mikē̱o̱ ake̱: Migbo̱dšo̱mo̱ ne̱; [ši makai] Ṅweinyo le̱ ninedšũrõ no̱ afii le̱.

Lalai 77:14

Nānyoṅmo̱, ogbe̱ le̱ ye̱ kroṅkroṅ! Namo dši Nyoṅmo̱ kple tamo̱ Mawu? 2 Mose 15,11.

Lalai 77:19

Ošimo̱ le̱ gbé̱ ye̱ lasũogbĕle mli; srawai kple̱ la wo dše le̱ṅ, šikpoṅ le̱ kpokpo ni ehoso.

Lalai 86:10

Edšake̱ oda, ni ofeo̱ nākpe̱nii, bo okometō dši Nyoṅmo̱!

Lalai 86:8

Nuṅtšo̱, mokomoko be̱ ní tamo̱o ye̱ nyoṅmo̱i le̱ ateṅ, ni asaṅ nokonoko be̱ ní tamo̱ onitšumo̱i le̱. Lal. 71.19.

Lalai 89:18

Edšake̱ bo dši ame̱hewale̱ le̱ nyam, ni odromo̱ le̱ oke̱-wóo̱ wo̱klonto le̱ no̱.

Lalai 90:11

Namo le omlifũ le̱ mliwale̱ ke̱ gbeyei ni sa ake̱ ašeo ye̱ omlila le̱ nā?

2 Mose 18:11

Kpako mina mile ake̱ Iehowa da fè nyoṅmo̱i fẽ; edšake̱ nõ mli ní ame̱tšõ kpa ye̱ le̱, ebaame̱ ši ye̱ mli. Neh. 9,10.

2 Mose 20:3

Kāná nyoṅmo̱i krokomei ye̱ mise̱. 5 Mose 6,4. 5. 1 Kor. 8,6.

2 Mose 3:20

Ni makpã minine mli, ni mike̱ minākpe̱nii fẽ ní mafe ye̱ dše̱i le̱ atſia Mizraim nii, ni no se̱ dãni eehã nyeya.

2 Mose 8:10

Ni ekē̱: Wó̱. Ni ekē̱: Afe bo̱ni okē̱ le̱ koni oná ole ake̱ *mokomoko be̱ ní tamo̱ Iehowa wo̱-Nyoṅmo̱ le̱. 9,14; 15.11.

2 Mose 8:6

Ni Aaron kpã enine mli ye̱ Mizraim nui le̱ ano̱, ni ko̱kodenei le̱ ba, ni ame̱baha Mizraim šikpoṅ le̱ hĩe fẽ.

2 Mose 9:14

Ke̱-dšee nakai le̱ mahã mihaomo̱i le̱ fẽ aba bodientše̱ ke̱ otšũdši le̱ ke̱ omaṅbii le̱ ano̱, koni oná ole ake̱ *mokomoko be̱ ní tamo̱mi ye̱ šikpoṅ le̱ no̱ fẽ. *8,10.

Yesaia 30:11

Nyedšea gbe̱ le̱ no̱, ni nyegbaä ke̱-dšea tempõṅ le̱ no̱; nyehãa Israel Mokroṅkroṅ le̱ adšea wo̱hĩe kwrā!

Yesaia 40:18

Bĕle̱ namo he nyeke̱ Mawu aato mo̱, ni mẽ subãṅ nyeke̱-ato ehe? 44,9-20. Bo̱f. 17,29.

Yesaia 40:25

Bĕle̱ namo he nyeke̱mi aato, ni eke̱mi aaye egbo̱? Mokroṅkroṅ lo̱ kē̱.

Yesaia 46:9

Nyekaia blemanii ní dše̱ tetēte le̱, ake̱ mi noṅṅ midši Mawu, ni moko be̱ se̱ doṅṅ, midši Nyoṅmo̱, ni mokomoko tamo̱o̱mi; 44,6.

Yesaia 57:15

Ši *bo̱ni moni kwo̱ ní awó eno̱, ní eyo̱ dā, ní gbe̱i dši Mokroṅkroṅ le̱ kē̱ ne̱: Ṅwei šoṅṅ ke̱ hekroṅkroṅ le̱ mihĩo̱; asaṅ †mike̱ moni tſiaä ši ke̱ do̱le̱ ni ebaä ehe ši ye̱ emumo̱ mli le̱ hĩo̱ ši, koni mahã hešibalo̱i amumo̱ aná wala hẽ, ní mei ní tſiaã ši ke̱ do̱le̱ le̱ atšui aná wala hẽ! *Lal. 113,5-9. †Ies. 66,1. 2. Lal. 51,19.

Yesaia 6:3

Ni mone̱ *boo̱ kē̱o̱ mone̱ ake̱: Kroṅkroṅ, kroṅkroṅ, kroṅkroṅ dši Iehowa Zebaot le̱; †šikpoṅ mū le̱ fẽ eyi obõ ke̱ enumnyam le̱! *Kpods. 4,8. †Hab. 3,8.

Yeremia 10:16

Moni dši Iakob *gbe̱fãṅnõ le̱ tamo̱o̱ ene̱mei; edšake̱ le̱ dši nii fẽ-kwa šõlo̱, ni Israel dši †egbe̱fãṅ-akutšo: Iehowa Zebaot dši egbe̱i. *Lal. 16,5. †5 Mose 32,9,

Yeremia 49:19

Na, efã tamo̱ dšata ke̱-dše̱ Iordan he kō-hayīi le̱ amli ke̱-mība koloianiyelihe ní hĩo̱ ši dā le̱; ši mahã edšo foi ke̱-dše̱ eno̱ hĩṅme̱itſā, ni moni aahalale̱ le̱, le̱ maṅõ-to eno̱. Edšake̱ namo po tamo̱mi? ni namo ke̱mi aakpe? ni namo dši tōkwe̱lo̱ ní anyē mihĩe adamo̱ le̱? 50,44.

3 Mose 19:2

Oke̱ Israelbii asafo le̱ fẽ awie ni okē̱ame̱ ake̱: Nyefea kroṅkroṅ, edšake̱ mi, Iehowa, nye-Nyoṅmo̱ le̱, mokroṅkroṅ dšimi. 11,44. 45. Mat. 5,48. 1 Pet. 1,15. 16.

Mika 7:18

Namo dši Mawu tamo̱ bo ní ṅoo̱ nõša efaä, ni ekũo̱ ehĩe efõo̱ egbe̱fāṅnõ le̱ mli mei ní eſe̱ le̱ amlatõmo̱ no̱? ehĩeṅ emlifū le̱ mli ke̱-yaṅ nāno̱, edšake̱ enáa mo̱bo̱nale̱ he tšui! Lal. 103,3. 8-13.

Luka 12:5

Ši matšõnye mo gbeyei ní nyeše: nyešea moni ké̱ egbe se̱ ní eyo̱ hegbe̱ ake̱ eešé̱ efõ gehena mli le̱. Hē̃, mīkē̱nye ake, le̱ gbeyei nyešea!

5 Mose 1:30

Iehowa, nye-Nyoṅmo̱ le̱, ní nyie nyehĩe le̱, le̱ noṅṅ eewu ehãnye, take̱ bo noṅṅ ní efe ehãnye ye̱ Mizraim ye̱ maṅ fẽ hĩe le̱, 2 Mose 14,14. 25. Ios. 10,14.

5 Mose 3:24

Nuṅtšo̱ Iehowa, bo obõi odale̱ ke̱ oninešiwale̱ le̱ ke̱ otšũlo̱ tšõmo̱; edšake̱ nẽ Nyoṅmo̱ yo̱ ṅwei alo šikpoṅ le̱ no̱ ní aanyẽ nii ní otšu ne̱ etšu, alo efe hewale̱nii ni ofe ne̱?

5 Mose 33:26

Mokomoko be̱ ní tamo̱ *Iešurun Nyoṅmo̱ le̱, moni táa ṅwei no̱ ke̱-hoo̱, ní ebaye ebuao, ni egbodšē mli le̱ etáa atatui ano̱! *Ies. 44,2.

5 Mose 4:34

Alo Nyoṅmo̱ eka ni eba ebadšie dšeṅmaṅ ko ke̱-dše̱ dšeṅmaṅ kroko mli ye̱ *kāi anā, ke̱ okadii anā, ke̱ nākpe̱nii anā, ke̱ tawū nā, ke̱ ninešiwale̱ nā, ke̱ nine ní akpã mli nā, ke̱ gbeyeinii wudši anā, tamo̱ bo̱ni Iehowa, nye-Nyoṅmo̱ le̱, fe hãnye ye̱ Mizraim ye̱ nyehĩṅme̱iaṅ le̱ lo? *7,19.

Kpojiemɔ 13:4

ni ame̱dšá drako le̱ ni ṅõ hegbe̱ le̱ eha kolo le̱, ni ame̱dšá kolo le̱ ame̱kē̱: Namo̱ tamo̱ kolo le̱, ni namo̱ aanyẽ eke̱le̱ awu?

Kpojiemɔ 15:4

Namo po šeṅo gbeyei, Nuṅtšo̱, ni ewoṅ ogbe̱i le̱ hĩe nyam? Edšake̱ bo okometō dši mokroṅkroṅ; edšake̱ dšeṅmãdši le̱ fẽ *aaba ni ame̱badšá ye̱ ohĩe, edšake adšie odšalenii le ašĩ faṅṅ. *Lal. 86,9.

Kpojiemɔ 4:8

Ni hĩekãlo̱i edſe̱ le̱ ateṅ mofẽmo ye̱ fĩdši ekpa-ekpa, ni ame̱hewo̱ ke̱ ame̱-mli eyimo̱ obõbõ ke̱ hĩṅme̱ii so̱ṅṅ, ni ame̱dšo̱o̱ ame̱he nyōṅ ke̱ ſane ni ame̱kē̱o̱ ake̱: *Kroṅkroṅ, kroṅkroṅ, kroṅkroṅ dši Nuṅtšo̱ Nyoṅmo̱ Ofe le̱, moni ye̱ le̱ ke̱ moni yo̱ le̱ ke̱ moni baba le. *Ies. 6,3.

1 Samuel 2:2

Mokroṅkroṅ ko be̱ ní tamo̱ Iehowa, edšake̱ ose̱ le̱ mokomoko be̱; ni te̱sā ko hũ be̱ ní tamo̱ wo̱-Nyoṅmo̱ le̱!