2 Mose 14:28 - Ṅmãle̱ Kroṅkroṅ Le̱

²⁸ Ni nui le̱ kũ ame̱se̱ ba, ni ame̱-baha Farao ſīlii ke̱ okpo̱ṅo̱iatše̱mei ke̱ eta mū le̱ fẽ ní tiuame̱ ke̱-ba ṅšo̱ le̱ mli le̱ no̱; eſe̱e̱ ame̱teṅ mokome tete po.

ŊMALƐ KRƆŊKRƆŊ LƐ

²⁸ Ŋshɔ lɛ ku esɛɛ ba, ni ebaha Farao shwiilii kɛ okpɔŋɔiatsɛmɛi kɛ eta muu lɛ fɛɛ ni tiu Israelbii lɛ kɛtee ŋshɔ lɛ mli lɛ nɔ; eshwɛɛɛ amɛteŋ mɔ kome tete po.

2 Mose 14:28 ပူးပေါင်းရင်းမြစ်များ

1 Mose 50:9

Ni ſīlii ke̱ okpo̱ṅo̱iatše̱mei hũ ke̱le̱ te, ni asafo babaō dientše̱ ni.

1 Mose 7:18

Ni nui le̱ he ši ni efá babaō ye̱ šikpoṅ le̱ no̱; ni adeka le̱ te̱o nui le̱ ahĩe.

2 Kronika 20:24

Ši beni Iudabii le̱ baše̱ būhe ní yo̱ ṅã le̱ no̱ le̱, ni ame̱kwe̱ ta babaō le̱, na, ame̱dši gbohĩĩ so̱ṅṅ ní dſere ši ne̱, ni moko edšee mli.

Nehemia 9:11

Ni ogbá ṅšo̱ le̱ mli ye̱ ame̱hĩe, ni amenyie šikpoṅ gbĩṅ no̱ ke̱-tšṍ ṅšo̱ le̱ teṅ; ši mei ní tino̱ame̱ le̱ oše̱re̱ame̱ oſie bu kwo̱ṅkwo̱ṅ le̱ mli tamo̱ te̱ ye̱ nu ni he wa le̱ mli. 2 Mose 14,21; 15,6. 10.

Lalai 106:22

moni fe nākpe̱nii ye̱ Ham šikpoṅ le̱ no̱ ke̱ gbeyei nibii hũ ye̱ Ṅšo̱-tšuru le̱ṅ le̱.

Lalai 136:15

ni ebutu Farao ke̱ eta le̱ ye̱ Ṅšo̱-tšuru le̱ mli le̱; edšake̱ nāno̱ emo̱bo̱nale̱ hĩo̱ ši ke̱-yaã!

Lalai 78:53

ni ewaame̱ ſeſēſe ni ame̱šee gbeyei; ši ame̱henye̱lo̱i le̱, ṅšo̱ ha ame̱no̱. 2 Mose 14,19. 22. 27.

2 Mose 14:13

Ši Mose kē̱ maṅ le̱ ake̱: Nyekasea gbeyei, nyedame̱a ši siṅṅ, ni nyekwe̱a nyeyiwala ni Iehowa bahere ṅme̱ne̱ ne̱; edšake̱ Mizraimbii ni nyenaä ṅme̱ne̱ ne̱, nyenaṅame̱ doṅṅ ke̱-ate nāno̱.

2 Mose 15:10

Otfa okō̱yo̱ le̱ hū, ṅšo̱ le̱ tšĩmo̱ ame̱no̱; ame̱šiu take̱ sumui ye̱ nui ní yo̱ hãmãhãmã le̱ mli.

2 Mose 15:19

Edšake̱ Farao okpe̱ṅo̱i le̱ ke̱ eſīlii le̱ ke̱ ekpo̱ṅo̱iatše̱mei le̱ te ṅšo̱ le̱ṅ, ni Iehowa hã ṅšo̱ le̱ mli nu le̱ kũ se̱ baha ame̱no̱; ši Israelbii le̱ nyie šikpoṅ gbĩṅ no̱ ke̱-tšṍ ṅšo̱ le̱ teṅ ke̱-te. 14,22-29.

Habakuk 3:13

Odše kpo obahere omaṅ le̱ ke̱ moni ofo̱le̱ mũ le̱ yiwala; odſãra mofõṅ le̱ we le̱ yitšo, odšie šišitō le̱ kpo ke̱-yatá kue̱. (Sela.) Lal. 18,8. 16.

5 Mose 11:4

ke̱ nii ní efe Mizraim ta le̱ ke̱ ame̱kpo̱ṅo̱i ke̱ ame̱ſīlii le̱, bo̱ni ehã Ṅšo̱-tšuru le̱ mli nui le̱ baha ame̱no̱, beni ame̱tiuo̱nye le̱ ke̱ bo̱ni Iehowa kpãtã ame̱hĩe kē̱-baši ṅme̱ne̱ gbĩ ne̱ le̱, 2 Mose 14,25. 27.

Hebribii 11:29

Hemo̱-ke̱-yeli ame̱ke̱-fo Ṅšo̱-tšuru le̱ tamo̱ šikpoṅ gbĩṅ, noni Mizraimbii le̱ hũ ka femo̱, ni emī̃ame̱ le̱. 2 Mose 14,22. 27.

Kojolɔi 4:16

Ni Barak tiu ſīlii le̱ ke̱ ta le̱ ke̱-yaši Harošet-Goyim, ni Sisera ta le̱ fẽ nyõnyõ ye̱ klante nā, ni eſe̱e̱ mokomeflo.