2 Mose 13:3 - Ṅmãle̱ Kroṅkroṅ Le̱

³ Ni Mose kē̱ maṅ le̱ ake̱: Nyekaia ne̱ke̱ gbĩ ne̱ ní nyedše Mizraim, ye̱ nyṍdši awe le̱; edšake̱ ninešiwale̱ nā Iehowa dšienye ke̱-dše̱ dše̱i; nohewo̱ le̱ nyekayea mãšanii.

ŊMALƐ KRƆŊKRƆŊ LƐ

³ Mose kɛɛ Israelbii lɛ akɛ, “Nyɛkaia nɛkɛ gbi nɛɛ, ni ji gbi nɔ ni nyɛje Ijipt nyɔŋyeli shishi lɛ, ejaakɛ nineshiwalɛ naa Yehowa jie nyɛ kɛje jɛi. No hewɔ lɛ, nyɛkayea masha nii.

2 Mose 13:3 ပူးပေါင်းရင်းမြစ်များ

1 Mose 15:16

Ši yino̱ ní dši edſe̱ le̱ no̱ le̱ ame̱akũ ame̱se̱ ke̱-aba bie̱ ekoṅ; edšake̱ Amorbii le̱ anõša le̱ náko ayi.

1 Maŋtsɛmɛi 8:42

(edšake̱ ame̱anu ogbe̱i kpeteṅkple le̱ he, ke̱ oninešiwale̱ ke̱ onine ní akpā mli le̱ he,) ké̱ eba ni ebaso̱le ye̱ ne̱ke̱ šĩa ne̱ hĩe le̱:

1 Kronika 16:12

Nyekaia enākpe̱ nitšumo̱i ni etšu le̱, enākpe̱nii le̱ ke̱ mlai ni dše̱ edãṅ le̱,

Nehemia 1:10

Ni mene̱mei ne̱ noṅṅ dšĩ otšũdši ke̱ omaṅ ní okpo ye̱ ohewale̱ kpeteṅkple ke̱ oninesiwale̱ nā le̱.

Nehemia 9:10

Ni ofe okadii ke̱ nākpe̱nii ye̱ Farao ke̱ etšũdši le̱ fẽ ke̱ ešikpoṅ le̱ no̱ bii le̱ fẽ no̱; edšake̱ ole ake̱ ame̱tšõ kpa ye̱ ame̱no̱; ni oke̱-here gbe̱i ohã ohe, tamo̱ bo̱ni yo̱ ṅme̱ne̱ ne̱.

Lalai 105:5

Nyekaia enākpe̱ nitšumo̱i ní etšu le̱, enākpe̱nii ke̱ kòdšomo̱i ní dše̱ edāṅ le̱,

Lalai 114:1

Beni Israel dše Mizraim, ni Iakob we le̱ dše maṅ ni wieo̱ maṅso̱ wiemo̱ le̱ ṅõ le̱, 2 Mose 12,41.

Lalai 136:11

ni edšie Israel ke̱-dše̱ ame̱teṅ; edša-ke̱ nāno̱ emo̱bo̱nale̱ hĩo̱ ši ke̱-yaä!

Lalai 136:12

ke̱ ninešiwale̱ ke̱ nine ni akpa mli; edšake̱ nāno̱ emo̱bo̱nale̱ hĩo̱ ši ke̱-yaä!

Lalai 89:14

Okõdšiaṅ wa, oninešĩ hũ wa, oninedsũrõ kwo̱ godšō.

2 Mose 12:15

Nyeyea abolo akpĩtĩ gbĩĩ kpawo; ši kleṅkleṅ gbĩ le̱ no̱ bēbe le̱ nyedšiea mãša ye̱ nyewei le̱; edšake̱ mofẽmo ní aaye mãša abolo ke̱-dše̱ kleṅkleṅ gbĩ le̱ no̱ ke̱-yaši gbĩ ní dši gbĩ kpawo le̱ no̱ le̱, aakpãtã nakai susuma le̱ hĩe ye̱ Israel. 13,7.

2 Mose 12:17

Ni nyeyea nakai akpĩtĩ gbĩdšŭrõ le̱; edšake̱ nakai gbĩ le̱ no̱ noṅṅ midšie nyetai le̱ ke̱-dše̱ Mizraim šikpoṅ le̱ no̱; nohewo̱ le̱ nyeyea nakai gbĩ le̱ nye ke̱ nyesešibii fẽ, ní etšṍ nāno̱ akpo ehãnye.

2 Mose 12:19

Akana mãša ye̱ nyewei le̱ gbĩĩ kpawo; ši mofẽmo ni aaye mãša abolo le̱, aakpãtã nakai susuma le̱ hĩe ye̱ Israel asafo le̱ mli, gbo̱ dšio, moni afo̱le̱ ye̱ šikpoṅ le̱ no̱ dsio.

2 Mose 12:2

*Ne̱ke̱ nyõṅ ne̱ atšṍ nyodši ašišidšē ahãnye, ni etšṍ afi mli kleṅkleṅ nyõṅ ehãnye. *13,4.

2 Mose 12:41

Ni eba mli ye̱ afii ohai-edſe̱ ke̱ nyoṅmai-etẽ le̱ nāgbē mli, nakai gbĩ le̱ no̱ noṅṅ eba mli ake̱ Iehowa tai le̱ fẽ dše Mizraim šikpoṅ le̱ no̱.

2 Mose 12:42

Nohewo ní ayeo ne̱ke̱ nyōṅ ne̱ ake̱ Iehowa gbĩdšŭrõ le̱, dši dšiemo̱ ní edšie-ame̱ ke̱-dše̱ Mizraim šikpoṅ le̱ no̱ le̱; ene̱ dši nyōṅ ní sa ake̱ ayeo̱le̱ gbĩdšũrõ ahãa Iehowa ye̱ Israelbii le̱ fẽ ateṅ, ye̱ ame̱seši fẽ mli.

2 Mose 12:8

Ni ame̱ye lō le̱ nakai nyō le̱ṅ noṅṅ, ašã ye̱ la mli, ni ake̱ abolo akpĩtĩ ke̱ ſie ní dšōo̱ aye.

2 Mose 13:14

Ni aaba mli ake̱, ke̱dši wó̱ lo wó̱se̱ ni obi bio ake̱: Meni dši ene̱? le̱, okē̱le̱ ake̱: Ninešiwale̱ nā Iehowa dšiewo̱ ke̱-dše̱ Mizraim, ye̱ nyodši awe le̱. 12,26.

2 Mose 13:9

Ni etsṍ *okadi ehao ye̱ odẽ, ke̱ kaimo̱nõ hũ ye̱ ohĩṅme̱ii ateṅ, koni Iehowa mla le̱ akã odāṅ; edšake̱ ninešiwale̱ nā Iehowa dšieo ke̱-dše̱ Mizraim. *5 Mose 6,8; 11,18.

2 Mose 20:2

Midsi Iehowa, o-Nyoṅmo̱ le̱, ní dšieo ke̱-dše̱ Mizraim šikpoṅ le̱ no̱, ke̱-dše̱ nyṍdši awe le̱.

2 Mose 20:8

Ohĩe ahĩ hedšō̱mo̱gbĩ le̱ no̱, ni oyele̱ kroṅkroṅ. 16,25. Ezek. 20,12. Mar. 2,27. 28. Kol. 2,16. 17.

2 Mose 23:15

Ye akpìtï gbĩdšŭrõ le̱: gbĩĩ kpawo oye abolo akpĩtĩ, take̱ boni miwoö kitã le̱, ye̱ Abib nyōṅ le̱ no̱ be ní ato le̱ mli; edšake̱ no mli odše̱ Mizraim oba; ni moko akabapue ye̱ mihĩe ke̱ edẽ flo; 12,16.

2 Mose 3:20

Ni makpã minine mli, ni mike̱ minākpe̱nii fẽ ní mafe ye̱ dše̱i le̱ atſia Mizraim nii, ni no se̱ dãni eehã nyeya.

2 Mose 34:18

Akpĩtĩ gbĩdšŭrõ le̱ ye. Gbĩĩ kpawo oye abolo akpĩtĩ, take̱ boni miwoö kitã le̱, ye̱ Abib nyoṅ le̱ no̱ be ní ato le̱ mli; edšake̱ Abib nyõṅ le̱ no̱ odše̱ Mizraim oba.

2 Mose 6:1

Ni Iehowa kē̱ Mose ake̱: Kpako obana noni mibafe Farao; edšake̱ ninešiwale̱ nā dãni eehã ameya, *ni ninešiwale̱ nā hũ dãni eeſieame̱ ye̱ ešikpoṅ le̱ no̱. *11,1; 12,33.

2 Mose 6:6

Nohewo̱ le̱ kē̱mo̱ Israelbii le̱ ake̱: Midši Iehowa le̱, ni madšienye ye̱ Mizraim dšatšui le̱ ašiši, ni maherenye ke̱-dše̱ ame̱-nyṍṅyeli le̱ mli, ni nine ní akpã mli ke̱ kodšomo̱i kplei maṅõ-kpõnye;

2 Mose 6:7

ni maṅõnye mafe midientše̱ mimaṅ, ni matšṍ nye-Nyoṅwo̱, ni nyeale ake̱ midši Iehowa, nye-Nyoṅmo̱ le̱ ní dsienye ye̱ Mizraim dšatšui le̱ ašiši le̱,

2 Mose 7:4

Ši Farao boṅnye toi, ni mike̱ minine aaṅmẽ Mizraim no̱, ni mike̱ kodšomo̱i wudši aadšie mitai ní dši mimaṅ Israelbii le̱ ke̱-adše̱ Mizraim šikpoṅ le̱ no̱.

Yeremia 34:13

Bo̱ni Iehowa, Israel Nyoṅmo̱ le̱, kē̱ ne̱: Mike̱ nyetše̱mei le̱ kpãṅ gbĩ ní miyadšieame̱ ke̱-dše̱ Mizraim šikpoṅ le̱ no̱, ke̱-dše̱ nyṍdši awe le̱, ake̱:

Daniel 9:15

Ni agbe̱ne̱, Nuṅtšo̱, wo̱-Nyoṅmo̱; bo ni oke̱ ninešiwale̱ dšie omaṅ le̱ ke̱-dše̱ Mizraim šikpoṅ le̱ no, ni oṅõ-here gbe̱i ke̱ ṅme̱ne̱: wo̱fe eša, wo̱fe nifõdšianii!

Mateo 10:12

Ši ké̱ *nyemībote šĩa le̱, nyeṅãale̱. *Luk. 10,5. 6.

Luka 22:19

Ni eko̱ abolo, ni eda ši, ni ekũmo̱ mli, ni eṅõ-hãame̱ ni ekē̱: Ene̱ dši migbomotšo ni aṅõ-hã ye̱ nyehewo̱ le̱; nyefea ene̱ ní nyeṅõ-kaimi. 1 Kor. 11,23-25.

1 Korintobii 11:24

ni eda ši, ni ekũmo̱ mli, ni ekē̱: Nyehea, nyeyea: ene̱ dši migbomotšo ní akũmo̱ ye̱ nyehewo̱; nyefea ene̱ ní nyeṅõ-kaimi.

1 Korintobii 5:8

Nohewo̱ le̱ nyehãa wo̱yea Hehō gbĩdšũrõ le̱, dšee ke̱ mãša momo, ni asaṅ dšee ke̱ efõṅ lo nõšafemo̱ mãša, ši moṅ ke̱ ano̱kwale akpĩtĩ ṅmĩṅmi. 2 Mose 12,3-20.

Efesobii 1:19

ke̱ noni dši ehewale̱ le̱ dale̱ ni tekeo̱ no̱ babao hãawo̱ mei ni wo̱heo̱ wo̱yeo̱ le̱ ye̱ enyẽmo̱ le̱ hewale̱ nitšumo̱ le̱ nā,

5 Mose 13:10

ši moṅ gbēle̱; bo tšutšu onine asa ehe ni ágbele̱, ni no se̱ dãni maṅ mũ le̱ fẽ nine asa ehe; 17,7.

5 Mose 13:11

ni otſiale̱ te̱i ní egbo; edšake̱ ētao egblao ke̱-dše̱ Iehowa, o-Nyoṅmo̱ le̱, ní dšieo ke̱-dše̱ Mizraim šikpoṅ le̱ no̱, ke̱-dše̱ nyṍdši awe le̱ he;

5 Mose 13:5

Iehowa, nye-Nyoṅmo̱ le̱, se̱ nyenyiea, ni le̱ gbeyei nyešea, ni le̱ ekitãi le̱ ano̱ nyeyea, ni le̱ egbē toi nyeboa, ni le̱ nyesúmo̱a, ni le̱ noṅṅ ehe nyeke̱ nyehe akpe̱te̱a.

5 Mose 13:6

Ši nakai *gbalo̱ le̱ alo nakai làlo̱ le̱, ágbele̱; edšake̱ ekē̱nye ake̱ nyekpale ke̱-dše̱ Iehowa, nye-Nyoṅmo̱ le̱, ní dšie-nye ke̱-dše̱ Mizraim šikpoṅ le̱ no̱ ní ekpõnye ke̱-dše̱ nyṍdši awe le̱ se̱, ni eke̱-tšire̱ nyeyi se̱ ke̱-dše̱ gbe̱ ní Iehowa, o-Nyoṅmo̱ le̱, ewoö he kitã ní onyie no̱ le̱ no̱; †nakai odšie mofõṅ le̱ ke̱-dše̱ nyeteṅ. *18,20. †1 Kor. 5,6. 13.

5 Mose 15:15

Ni okai ake̱ *bo hũ oyatšṍ nyṍṅ ye̱ Mizraim šikpoṅ le̱ no̱, ni Iehowa kpõo, nohewo̱ ni miwoo̱o ne̱ke̱ kitã ne̱ ṅme̱ne̱ gbĩ ne̱. *5,15.

5 Mose 16:1

Ohĩe ahĩ Abib nyõṅ le̱ no̱ ní oye Hehō ye̱ no̱ ohã Iehowa, o-Nyoṅmo̱ le̱, edšake̱ Abib nyõṅ le̱ no̱ Iehowa, o-Nyoṅmo̱ le̱, dšieo ke̱-dše̱ Mizraim *nyõṅ teṅ. *2 Mose 12.

5 Mose 16:12

Ni *okai ake̱ bo hũ oyatšṍ nyṍṅ ye̱ Mizraim, koni odſẽṅ ne̱ke̱ akpo̱i ne̱ ano̱ ní oye no̱. *5,15.

5 Mose 16:3

Oke̱ mãšanii akaye; gbĩĩ kpawo oye akpĩtĩ ní dši amanehũlũ abolo le̱, edšake̱ hedšodšōmo̱ nā odše kpo ke̱-dše̱ Mizraim šikpoṅ le̱ no̱, koni oṅo-kai gbĩ ní odše kpo ke̱-dše̱ Mizraim šikpoṅ le̱ no̱ le̱ owala gbĩĩ abo̱ fẽ.

5 Mose 24:18

Ni *okai ake̱ oyatšṍ nyṍṅ ye̱ Mizraim, ni Iehowa, o-Nyoṅmo̱ le̱, kpõo ke̱-dše̱ dše̱i; nohewo̱ ni miwoo̱o kitã, koni ofe ene̱ ne̱. *16,12.

5 Mose 24:22

Ni okai ake̱ oyatšṍ nyṍṅ ye̱ Mizraim; nohewo̱ ni miwoo̱o kitã, ní ofe ene̱ ne̱.

5 Mose 26:8

Ni Iehowa ke̱ ninešiwale̱ ke̱ nine ní akpã mli ke̱ gbeyei babaō ke̱ okadii ke̱ nākpe̱nii dšiewo̱ ke̱-dše̱ Mizraim,

5 Mose 4:34

Alo Nyoṅmo̱ eka ni eba ebadšie dšeṅmaṅ ko ke̱-dše̱ dšeṅmaṅ kroko mli ye̱ *kāi anā, ke̱ okadii anā, ke̱ nākpe̱nii anā, ke̱ tawū nā, ke̱ ninešiwale̱ nā, ke̱ nine ní akpã mli nā, ke̱ gbeyeinii wudši anā, tamo̱ bo̱ni Iehowa, nye-Nyoṅmo̱ le̱, fe hãnye ye̱ Mizraim ye̱ nyehĩṅme̱iaṅ le̱ lo? *7,19.

5 Mose 5:15

Ni okai *ake̱ bo hũ otšṍ tšũlo̱ pẽṅ ye̱ Mizraim šikpoṅ le̱ no̱, ni Iehowa, o-Nyoṅmo̱ le̱, ke̱ ninešiwale̱ ke̱ nine ní akpã mli dšieo ye̱ dše̱i. Nohewo̱ ni Iehowa, o-Nyoṅmo̱ le̱, woö kitã ake̱ oye hedšō̱mo̱gbĩ le̱. *15,15; 16,12; 24,18.

5 Mose 5:6

Midši Iehowa, o-Nyoṅmo̱ le̱, ní dšieo ke̱-dše̱ Mizraim šikpoṅ le̱ no̱, ke̱-dše̱ nyṍdši awe le̱.

5 Mose 6:12

no le̱ kwe̱mo̱ ohe ní ahĩ, koni ohĩe akadše Iehowa, moni dšieo ke̱-dše̱ Mizraim šikpoṅ le̱ no̱, ke̱-dše̱ nyṍdši awe le̱ no̱!

5 Mose 6:21

no le̱ okē̱ *obi ake̱: Sá le̱ Farao tšũdši dšiwo̱ ye̱ Mizraim, ni Iehowa ke̱ ninešiwale̱ dšiewo̱ ke̱-dše̱ Mizraim; *Lal. 44,2.

5 Mose 7:8

ši suomo̱ Iehowa sumoo̱nye, ni ēsumo̱ ake̱ eye kitã ní ekã nyetše̱mei le̱ no̱ hewo̱ ni Iehowa ke̱ ninešiwale̱ dsienye ni ekpõnye ke̱-dše̱ nyṍdši awe, ke̱-dše̱ Mizraim maṅtše̱ Farao deṅ le̱.

5 Mose 8:14

ke̱ke̱ ni otšui bawó ehe no̱ ni ohĩe kpa Iehowa, o-Nyoṅmo̱ le̱, no̱, moni dšieo ke̱-dše̱ Mizraim šikpoṅ le̱ no̱, ke̱-dše̱ nyṍdši awe le̱;

5 Mose 9:12

Ni Iehowa kē̱mi ake̱: Te ši ní okpleke ši ke̱-dše̱ bie̱ oyá; edšake̱ omaṅ ní oyadšie ke̱-dše̱ Mizraim le̱ eye sane fõṅ. Amrõ ne̱ noṅṅ le̱ ame̱kpale ke̱-dše̱ gbe̱ ní miwoame̱ he kitã le̱ no̱: ame̱fe amãgã ni aſie ame̱hã ame̱he.

Yoshua 24:17

Edšake̱ Iehowa, wo-Nyoṅmo̱ le̱, le̱ dši moni dšiewo̱ ke̱ wo̱tše̱mei le̱ ke̱-dše̱ Mizraim šikpoṅ le̱ no̱ ke̱-dše̱ nyṍdši awe le̱, ke̱ moni fe nakai okadii wudši le̱ ye̱ wo̱hĩe, ni ebā wo̱yi ye̱ gbè̱i ní wo̱nyie no̱ le̱ fẽ no̱ ke̱ mãdši fẽ ni wo̱tšṍ ame̱teṅ ke̱-ho le̱ mli.

Kojolɔi 2:12

Ni ame̱kwa Iehowa, ame̱tše̱mei le̱ a-Nyoṅmo̱ le̱, moni dšieame̱ ke̱-dše̱ Mizraim šikpoṅ le̱ no̱ le̱, ni ame̱yanyie nyoṅmo̱i krokomei ni dši ame̱hewo̱hewo̱ mãdši le̱ anyoṅmo̱i le̱ ase̱, ni ame̱dšáame̱, ni ame̱ke̱wo Iehowa mli la.

Kojolɔi 6:8

Iehowa tšũ gbalo̱ ko ke̱-ba Israelbii le̱ aṅõ, ni ebakē̱ame̱ ake̱: Bo̱ni Iehowa, Israel Nyoṅmo̱ le̱, kē̱ ne̱: Mi miṅõnye ke̱-dše̱ Mizraim ke̱-ba, ni midšienye ke̱-dše̱ nyṍdši awe le̱,