2 Kronika 33:18 - Ṅmãle̱ Kroṅkroṅ Le̱

¹⁸ Ši Manase he sãdši ni eſe̱ le̱ ke̱ efai ní ekpa e-Nyoṅmo̱ le̱ ke̱ ninalo̱i le̱ awiemo̱i ní ame̱ke̱le̱ wie ye̱ Iehowa, Israel Nyoṅmo̱ le̱, gbe̱i amli le̱, na, aṅmã ye̱ Israel maṅtše̱mei le̱ ahe sãdši le̱ amli.

ŊMALƐ KRƆŊKRƆŊ LƐ

¹⁸ Nibii krokomɛi fɛɛ ni Manase fee lɛ, kɛ sɔlemɔ ni esɔle ekɛkpa Nyɔŋmɔ fai lɛ, kɛ wiemɔi ni ninalɔi kɛ lɛ wie yɛ Yehowa, Israel Nyɔŋmɔ lɛ, gbɛi mli lɛ, aŋmala yɛ Israel Maŋtsɛmɛi Ahe Saji Awolo lɛ mli.

2 Kronika 33:18 ပူးပေါင်းရင်းမြစ်များ

1 Maŋtsɛmɛi 11:41

Agbe̱ne̱ Salomo he sãdši ni eſe̱ le̱ ke̱ nofẽno ní efe le̱ ke̱ enilē le̱, ani dšee nomei aṅmã ye̱ Salomo be sãdši le̱ awolo le̱ mli le̱?

1 Maŋtsɛmɛi 14:19

Ni Ierobeam he sădši ní eſe̱, bo̱ni etšṍ ewu tai ehã ke̱ bo̱ni etšṍ eye maṅtše̱ ehã le̱, na, aṅmã ye̱ Israel maṅtše̱mei le̱ ayino̱sădši awolo le̱ mli.

1 Maŋtsɛmɛi 15:31

Ni Nadab he sãdši ní eſe̱ ke̱ nii fã ní efe le̱, ani aṅmãko ye̱ Israel maṅtše̱mei le̱ ayino̱sãdši awolo le̱ mli?

2 Maŋtsɛmɛi 17:13

Tše̱ Iehowa tšṍ gbalo̱-fẽ-gbalo̱ ke̱ ninalo̱-fẽ̱-ninalo̱ no̱ eye odase etšṍ Israel ke̱ Iuda fẽ ake̱: Nyekpalea ke̱-dše̱a nyegbè̱i fõdši le̱ ano̱, ni nyeyea mikitãi le̱ ke̱ mikpo̱i le̱ ano̱, tamo̱ bo̱ni mla ni miwo nyetše̱mei le̱ fẽ ni mitšũ mitšũdši gbalo̱i le̱ ke̱-bahãnye le̱ yo̱ le̱.

2 Kronika 20:34

Agbe̱ne̱ Iehošafat he sãdši ni eſe̱ le̱, tšutšunii ke̱ se̱kpēnii le̱, na, aṅmã ye̱ Iehu, Hanani bi le̱, sãdši ní eṅmã ewo Israel maṅtše̱mei le̱ awolo le̱ṅ le̱ amli.

2 Kronika 21:2

Ni eye nyemimeihĩĩ ni dši Iehošafat bii: Azaria, Iehiel, Zakaria ke̱ Azariahu ke̱ Mikael ke̱ Šefatia; mene̱mei fẽ le̱ Israel maṅtše̱ Iehošafat bii ni.

2 Kronika 32:32

Ši Hezekia he sãdši ní eſe̱ le̱ ke̱ enii kpakpai ni efe le̱, na, aṅmã ye̱ gbalo̱ Iesaia, Amoz bi le̱, ninã le̱ mli, ye̱ Iuda ke̱ Israel maṅtše̱mei le̱ awolo le̱ mli.

2 Kronika 33:10

Ni Iehowa ke̱ Manase ke̱ emaṅ le̱ wie, ši ame̱boo toi.

2 Kronika 33:19

Ni efaikpamo̱ le̱ hũ ke̱ bo̱ni abole̱ toi ahã, ke̱ ehe ešai ke̱ eno̱tõmo̱i fẽ, ke̱ hei ni emãmo̱ hei groṅṅi ke̱ wo̱ṅ-kōi ke̱ amãgãi ye̱, dãni eba ehe ši le̱, na, aṅmã ye̱ ninalo̱i le̱ asãdši le̱ amli.

Yesaia 29:10

Ši moṅ Iehowa efo̱se wo̱ ní mli tšī mumo̱ eſie nyeno̱, ni eṅã́mo̱ nyehĩṅme̱ii ní dši gbalo̱i le̱, ni nyeyitšei ní dši ninalo̱i le̱ eha ame̱no̱. 6,10; 19,14. Rom. 11,8.

Yesaia 30:10

mei ní kē̱o̱ ninalo̱i lo̱ ake̱: Nyekanaã nii! ke̱ gbaloi le̱ hũ ake̱: Nyekagbaä nii ní dša nyehãa wo̱! Nyeke̱wo̱ awiea nādo̱ko̱mo̱ wiemo̱i, nyegbaä šĩšĩumo̱ sãdši moṅ!

Amos 7:12

Ni Amazia kē̱ Amos ake̱: *Ninalo̱, dšo foi ni oya Iuda šikpoṅ le̱ no̱, ni oyaye abolo ye̱ dše̱i, ní ogba ye̱ dše̱i! *1 Sam. 9,9.

Mika 3:7

Ni ninalo̱i le̱ ahĩe aagboi, ni kla-mo̱i le̱ ahĩe aaſie ši, ni ame̱fẽ-kwa ame̱-ahahā ame̱nābui ano̱, edšake̱ Nyoṅmo̱ hetō ko be̱.

1 Samuel 9:9

Sá le̱, ké̱ moko yabi nii ye̱ Nyoṅmo̱ ṅõ ye̱ Israel le̱, bo̱ni ekē̱o̱ ne̱: Nye-baă ní wo̱tea *ninalo̱ le̱ ṅõ! Edšake̱ moni atšé̱o̱le̱ gbalo̱ ṅme̱ne̱ṅme̱ne̱ le̱, sá le̱ ninalo̱ atšé̱o̱le̱. *2 Maṅ. 17,18. 1 Kron. 3,22. 4 Mose 24,3.