2 Kronika 31:10 - Ṅmãle̱ Kroṅkroṅ Le̱

¹⁰ Ni oso̱fonukpa Azaria ni dše̱ Zadok we le̱ here no̱ ake̱: Ke̱-dše̱ beyino̱ ní ake̱ no̱wómo̱-afo̱lei le̱ bõi Iehowa we le̱ bā ne̱, wo̱yeo̱ nii ni wo̱tō̱ro̱ö̱ ni efeo babaō tete; edšake̱ Iehowa edšō̱ emaṅ le̱, ni noni ſe̱ le̱ dši ne̱ke̱ nii babaō ne̱.

ŊMALƐ KRƆŊKRƆŊ LƐ

¹⁰ ni Osɔfonukpa Azaria, ni eji Zadok shwie lɛ, kɛɛ maŋtsɛ lɛ akɛ, “Kɛjɛ beyinɔ ni maŋbii lɛ kɛ afɔlei lɛ bɔi Yehowa we lɛ baa nɛɛ lɛ, wɔnaa nii wɔyeɔ wɔtɔrɔɔ aahu ni eshwɛɔ babaoo tete. Ejaakɛ Yehowa ejɔɔ emaŋ lɛ, ni no hewɔ nii ni shwɛɔ lɛ sɔŋŋ ji babaoo nɛɛ.”

2 Kronika 31:10 ပူးပေါင်းရင်းမြစ်များ

1 Mose 26:12

Ni Isak dũ nii ye̱ nakai šikpoṅ le̱ no̱, ni ená nakai bo̱ toi oha ye̱ nakai afi le̱ no̱ noṅṅ, *ni Iehowa dšō̱le̱. *Abe̱i 10,22.

1 Mose 39:23

Gbokle̱foi akwe̱lo̱ le̱ kwe̱e̱ nokonoko ni yo̱ edeṅ le̱; edšake̱ Iehowa ke̱le̱ ye̱, ni nofẽno ni efeo̱ le̱, Iehowa hãa eſereo̱.

1 Mose 39:5

Ni eba mli ake̱ ke̱-dše̱ beyino̱ ní ewole̱ onukpa ye̱ owe le̱ ke̱ nofẽno ní eyo̱ le̱ no̱ le̱; Iehowa *dšō̱ Mizraimnyo le̱ we le̱ ye̱ Iosef hewo̱, ni Iehowa dšō̱mo̱ ye̱ ešĩanii ke̱ eṅmõšinii fẽ no̱. *30,37.

1 Maŋtsɛmɛi 2:35

Ni maṅtše̱ le̱ ṅõ *Benaia, Iehoiada bi le̱, eto enãdšiaṅ ye̱ ta le̱ no̱. Ni eṅõ oso̱fo Zadok eto Abiatar nādšiaṅ. *4,4.

1 Kronika 29:16

Iehowa, wo̱-Nyoṅmo̱, ne̱ke̱ nii babaō ne̱ fẽ ni wo̱sā wo̱to ni wo̱ke̱-bamã šīa wo̱hã ogbe̱i kroṅkroṅ le̱ ne̱, odeṅ edše̱ ni onõ dši fiā.

1 Kronika 6:14

[29.] Merari bii dši: Maheli, ni Maheli bi dši Libni, ni Libni bi dši Šimei, ni Šimei bi dši Uza,

1 Kronika 6:8

[23.] ni Asir bi dši Elkana, ni Elkana bi dši Ebiasaf, ni Ebiasaf bi dši Asir,

1 Kronika 6:9

[24.] ni Asir bi dši Tahat, ni Tahat bi dši Uriel, ni Uriel bi dši Uzia, ni Uzia bi dši Saul.

2 Kronika 26:17

Ši oso̱fo Azaria nyie ese̱, ni Iehowa oso̱foi nyoṅmai-kpānyo̱ ni dši hĩĩ kãkãlo̱i fata ehe.

2 Kronika 31:13

ni Iehiel ke̱ Azazia ke̱ Nahat ke̱ Asahel ke̱ Ierimot ke̱ Iozabat ke̱ Eliel ke̱ Ismakia ke̱ Mahat ke̱ Benaia dši no̱kwe̱lo̱i ni yo̱ Konania ke̱ enyemi Šimei šiši, bo̱ni maṅtše̱ Hezekia ke̱ Nyoṅmo̱ we le̱ no̱ lumo̱ Azaria toame̱ le̱.

2 Kronika 31:9

Ni Hezekia bi oso̱foi le̱ ke̱ Levibii le̱ asane ye̱ kui le̱ ahewo̱.

2 Mose 36:7

Edšake̱ nii ni ame̱ná le̱ fá āhũ hã nitšumo̱ le̱ fẽ bo̱ni ame̱ke̱-atšu, ni eteke ne̱.

Abe̱i 10:22

Iehowa dšō̱mo̱ le̱, no feo̱ mo niiatše̱; ši deṅmegbomo̱ nyẽṅ eke̱ noko afata he. Lal. 127,2.

Abe̱i 11:24

Moko ye̱ ní eke̱ nii ſãa, ši eyaã no̱ eſereo̱ kẽ; moko hũ ye̱ ni efeo kpe̱kpē̱ tekeo̱ no̱, ši eyeo̱ ohĩa kẽ.

Abe̱i 3:10

no dãni oboṅoi le̱ aayimo̱ obõbõ, ni oweinbui le̱ aafĕ̱le̱ ke̱ wein hẽ.

Abe̱i 3:9

Oke̱ onii ni oyo̱ ke̱ onibãnii fẽ mli kleṅkleṅnii awo Iehowa hĩe nyam: 2 Mose 23,19.

Ezekiel 44:15

Ši oso̱foi Levibii ní dši *Zadok bii le̱ ní tšu mihekroṅkroṅ le̱ he nitšumo̱ le̱, beni Israelbii dše mihe ame̱yadũ gbe̱ le̱, ame̱ ame̱be̱ṅke̱mi, koni ame̱súmo̱mi ni ame̱damo̱ mihĩe, koni ame̱ke̱ fo̱ ke̱ lá abahāmi, Nuṅtšo̱ Iehowa kē̱. *40,46; 43,11.

Ezekiel 44:30

Ni nibii fẽ mli kleṅkleṅ yibii le̱ fẽ ateṅ noni hĩ fè fẽ le̱ ke̱ nibii fẽ mli no̱wómo̱-afo̱lei ní nyewóo̱ no̱ le̱ fẽ atšṍ oso̱foi le̱ anõ; ni nyekleṅkleṅ mã le̱ hũ nyeṅõ-hãa oso̱fo le̱, koni ehã dšō̱mo̱ ahĩ owe le̱.

3 Mose 25:21

no le̱ *maſã́ midšō̱mo̱ le̱ ní eba nyeno̱ ye̱ afi ní dši ekpa le̱ mli, koni eba nii ehã afii etẽ so̱ṅṅ; *5 Mose 28,8.

Hagai 2:18

Agbe̱ne̱ nyedſēṅa he ke̱-dše̱a ṅme̱ne̱ gbĩ ne̱ no̱ ke̱-yaä se̱, ke̱-dše̱ nyõṅ ni dši ne̱hũ le̱ no̱ gbĩ ni dši gbĩ nyoṅmai-enyo̱ ke̱ edſe̱ le̱ no̱, ke̱-dše̱ gbĩ ní ato Iehowa so̱lemo̱we le̱ šiši le̱, nyedſẽṅa he!

Maleaki 3:10

Nyeke̱ mlidšāi nyoṅma mli ekomekome le̱ fẽ abaä fiase le̱, koni niyenii ahĩ miwe le̱! ni nyeke̱-kaämi nyekwe̱a, Iehowa Zebaot kē̱, ake̱ migbleṅ ṅwei samfe̱dši le̱ mihãṅnye, ni mifo̱seṅ dšō̱mo̱ mihãṅnye ni ateke no̱ lo?

4 Mose 22:12

Ni Nyoṅmo̱ kē̱ Bileam ake̱: Oke̱-ame̱ akaya, kālomo̱ maṅ le̱ hũ, edšake̱ adšō̱le̱!

Mateo 15:37

Ni ame̱fẽ ame̱ye ni ame̱tŏ̱ro̱; ni ame̱kŏ̱lo̱ fufudši ní ſe̱ le̱ flo̱to̱i kpawo obõbõ.

5 Mose 28:8

Ni Iehowa aafã́ *dšō̱mo̱ ní eba ono̱ ye̱ oboṅoi amli ke̱ nofẽno ní oṅõo̱ onine otaä he le̱ mli, ni eedšō̱o ye̱ šikpoṅ ni Iehowa, o-Nyoṅmo̱ le̱, ṅõ-hãao le̱ no̱. *3 Mose 25,21.

Filipibii 4:18

Ši miná nii fẽ ke̱-teke no̱: mito̱ ke̱ nii ni nyeke̱-mãdše *Epafrodito ke̱-bahãmi le, ni dši ṅmadšē kpakpa ke̱ afo̱le ke̱ ṅõmo̱ ni sa Nyoṅmo̱ hĩe le. *2,25.

1 Timoteo 4:8

Edšake̱ gbomotšo he mo̱deṅbō̱ he se̱námo̱ fáá, ši *Nyoṅmo̱-dsámo̱ he ye̱ se̱námo̱ ye̱ nii fiā mli, ni eye̱ wala ní yo̱ agbe̱ne̱ ne̱ ke̱ noni baba le̱ he šiwō. 6,6.