2 Kronika 30:8 - Ṅmãle̱ Kroṅkroṅ Le̱

⁸ Agbe̱ne̱ nyekafea nyehe kue̱ṅtilo̱i tamo̱ nyetše̱mei le̱; ši moṅ nyekpãa nyenine mli nyehãa Iehowa, ni nyebaä ehekroṅkroṅ le̱ ni efele̱ kroṅkroṅ ke̱-mīya nāno̱ le̱, ni nyesúmo̱a Iehowa, nye-Nyoṅmo̱ le̱, koni emlifũ ni nā wa le̱ adše nyeno̱!

ŊMALƐ KRƆŊKRƆŊ LƐ

⁸ Nyɛkafea nyɛhe kuɛŋtilɔi tamɔ nyɛtsɛmɛi lɛ; shi moŋ nyɛbaa nyɛhe shi nyɛhãa Yehowa. Nyɛbaa Sɔlemɔ we lɛ yɛ Yerusalɛm; etsuu he eto kɛmiiya naanɔ koni nyɛbaja Yehowa, nyɛNyɔŋmɔ lɛ, yɛ jɛi koni Yehowa mli ni efu nyɛ lɛ sɛɛ afo.

2 Kronika 30:8 ပူးပေါင်းရင်းမြစ်များ

2 Maŋtsɛmɛi 23:26

Ši kẽle̱ Iehowa kpalee ke̱-dše̱e̱ emlifũ ke̱ emlila kpeteṅkple le̱ ni ewo Iuda le̱ mli, ye̱ mlilawōnii fẽ ní *Manase ke̱-wo emlila le̱ hewo̱. *21,11-16.

1 Kronika 29:24

Ni onukpai le̱ fẽ ke̱ hewalo̱i le̱ fẽ ke̱ maṅtše̱ David bii le̱ fẽ hũ ba ame̱he ši ame̱hã maṅtše̱ Salomo.

2 Kronika 28:11

Nohewo̱ le̱ agbe̱ne̱ nyeboami toi, ni nyehãa nyenyemimei le̱ ni nyeyaṅõ-ame̱ nom le̱ akũa ame̱se̱ ayaä; edšake̱ Iehowa mlifũ ní nā wa kã nyeno̱!

2 Kronika 28:13

ni ame̱kē̱ame̱ ake̱: Nyeke̱ nomi le̱ akabaã bie̱! Edšake̱ nyetſa fai ši ake̱ nyeaṅõ Iehowa no̱ tõmo̱ ko nyebafõ wo̱-no̱ nyeši wohe ešai ke̱ wo̱no̱tõmo̱i le̱ ano̱ le̱; ši wo̱tõmo̱ le̱ fá momo, ni mlifũ ní nā wa kã Israel no̱!

2 Kronika 29:10

Agbe̱ne̱ eye̱ mitšui mli ake̱ mike̱ Iehowa, Israel Nyoṅmo̱ le̱, aakpãṅ, koni emlifũ ní nā wa le̱ adše wo̱no̱.

2 Kronika 36:13

Ni etše maṅtše̱ Nebukadnezar hũ hĩe atũa, tše̱ ehã ekã Nyoṅmo̱ kitã; ni efe ehe kue̱ṅtilo̱, ni ewadše etšui, hewo̱ le̱ ekpalee ke̱-baa Iehowa, Israel Nyoṅmo̱ le̱, ṅõ.

2 Kronika 6:5

Ke̱-dše̱ gbĩ no̱ ní miyadšie mimaṅ le̱ ke̱-dše̱ Mizraim šikpoṅ le̱ no̱ ke̱-ba ne̱, mihalako maṅ ko maṅ ko ye̱ Israel akutšei le̱ fẽ mli, ní emã šĩa ní migbei le̱ ahī dše̱i, ni misā mihalako nū ko nū ko, ní eye mimaṅ Israel no̱ lumo̱;

2 Kronika 6:6

ši Ierusalem mihala, ni migbei ahī dše̱i, ni mihala David hũ, ni eye mimaṅ Israel no̱,

2 Kronika 7:16

Edšake̱ mihala ne̱ke̱ šĩa ne̱, ni mifele̱ kroṅkroṅ, koni migbe̱i ahĩ dše̱i ke̱-ya nāno̱, ni mihĩṅme̱ii ke̱ mitšui hũ aahĩ dše̱i dā.

Ezra 10:14

Nohewo̱ le̱ hã wolumei le̱ adamo̱ ši ahã asafo mū le̱ fẽ, ni mei fẽ ni yo̱ wo̱mādši le̱ amli ni ame̱kpē maṅse̱ yei le̱ aba ye̱ be ní ato mli, ni maṅ-fẽ-maṅ mli onukpai ke̱ emli kodšolo̱i le̱ afata ame̱he, ke̱-yaši beyino̱ ní aahã wo̱-Nyoṅmo̱ le̱ mlifũ ní nā wa ye̱ ne̱ke̱ sane ne̱ hewo̱ le̱ adše wo̱no̱.

Ezra 10:19

Ni ame̱ta ame̱dẽ ake̱ ame̱aſie ame̱ṅãmei le̱, ni ake̱-ni ame̱ye fo̱ hewo̱ le̱, ame̱ahã tōagbo ní ake̱-šã sõ-afo̱le.

Lalai 63:2

Nānyoṅmo̱, bo dši mi-Mawu, matao ose̱gbe̱ lebi mā̃ṅkpa; *ohe kũmai miye misusuma, mihelo mīſeo ye̱ šikpoṅ gbĩṅ keketẽ ní nu be̱ no̱ le̱ no̱! *Lal. 42.3; 143,6.

Lalai 68:24

koni oke̱ onane atšo̱ lá mli, ni ogbēi le̱ alile̱i aṅá ohenye̱lo̱i le̱ ahe noko ale̱mo̱.

Lalai 68:31

Kã gălãi amli kolo le̱ ke̱ tšinahĩĩ asafo le̱ ke̱ mãdšimãdši le̱ atšinabii le̱ ahĩe, koni ame̱ṅõ ame̱he ame̱fõ ši ke̱ dſie̱te̱i kukudši! Gbe̱ mãdši ní sumoo̱ ta le̱ oſã!

Lalai 73:17

ke̱-yaši beyino̱ ní mite Mawu hekroṅkroṅ le̱, ni mikpa ame̱nāgbē le̱ ši.

Lalai 78:49

Ehã emlifũ ní nā wa ba ame̱no̱, ke̱ grimo̱ ke̱ mlila ke̱ haomo̱, bo̱foi fõdši asafo po.

2 Mose 32:9

Ni Iehowa kē̱ Mose ake̱: Mina ne̱ke̱ maṅ ne̱, ni na, maṅ ní kue̱ṅ ti dšiame̱;

Yeremia 50:15

Nyeboa oše nyewoale̱ ke̱-kpea! Eṅõ ehe ehã, ešišitōi le̱ egbēgbē ši, egbogboi le̱ ewule eſie ši! edšake̱ Iehowa oweletō̱ dši no: *nyeto̱a nyehe owele ye̱ eno̱! Bo̱ni efe le̱, nye hũ nyefeale̱ nakai! *Kpods. 18,6.

Mateo 4:10

Ke̱ke̱ ni Iesu kē̱le̱ ake̱: Ho mise̱, satan! edšake̱ *aṅmã ake̱: “Nuṅtšo̱, o-Nyoṅmo̱ le̱, odšá, ni le̱ ke̱ke̱ osúmo̱!” *5 Mose 6,13.

Yohane 12:26

Ke̱dši moko mīsúmo̱mi le̱, hã ní enyie mise̱, ni heni *miyo̱ le̱, dše̱i misúolo̱ le̱ hũ aahĩ; ke̱dši moko mīsúmo̱mi le̱, mitše̱ le̱ aawole̱. *14,3; 17,24.

Romabii 10:21

Ši Israel le̱, *ekē̱ame̱ ake̱: “Dā dšenamo̱ migbe̱o̱ minidšiaṅ mihăa maṅ toigbolo̱i ke̱ sanenādšielo̱i le̱.” *Ies. 65,2.

Romabii 6:22

Ši agbe̱ne̱ le̱, ni akpõnye ye̱ eša deṅ ni nyetšṍmo̱ Nyoṅmo̱ tšũdši ne̱, nyewoo̱ nyeyibii nyehãa kroṅkroṅfemo̱, ni *enũgbē dši nāno̱ wala. *1 Pet. 1,9.

5 Mose 10:16

Nohewo̱ le̱ *nyefŏ̱lo̱a nyetšuii aketia, ni nyekafea nyehe kue̱ṅtilo̱i doṅṅ! *30,6.

5 Mose 6:13

Iehowa, o-Nyoṅmo̱ le̱, gbeyei oše ni le̱ noṅṅ odšā, ni egbe̱i le̱ oke̱-kã kitã. 10,20. Mat. 4,10.

5 Mose 6:17

Ši moṅ nyeyea Iehowa, nye-Nyoṅmo̱ le̱, kitãi le̱ ke̱ edasei le̱ ke̱ ekpo̱i le̱ ní ewoö le̱ ano̱;

Yoshua 24:15

Ši ke̱dši esaa nyehĩe ake̱ nyeasúmo̱ Iehowa le̱, no le̱ ṅme̱ne̱ gbī ne̱ *nyekoa moni nyeasúmo̱, ke̱dši nyoṅmo̱i le̱ ni yo̱ fã le̱ se̱ ní nyetše̱mei le̱ súmo̱ le̱ dšio, lo Amorbii ní nyeyo̱ ame̱šikpoṅ no̱ ne̱ anyoṅmo̱i le̱ dšio; ši mi le̱, mike̱ miwe le̱, wo̱o̱súmo Iehowa! *Mat. 6,24.

Kpojiemɔ 7:15

Nohewo ni ame̱yo̱ Nyoṅmo̱ maṅtše̱sẽi le̱ hĩe, ni ame̱dšáale̱ nyõṅ ke̱ ſane ye̱ *eso̱lemo̱tšũ le̱ mli le̱; ni moni tá maṅtše̱sẽi le̱ no̱ le̱ aaši ebu le̱ eto ame̱no. *11,19; 14,15. 17; 15,5. 8; 16.1; 21,3. 22.