2 Kronika 30:6 - Ṅmãle̱ Kroṅkroṅ Le̱

⁶ Ke̱ke̱ ni bo̱foi ní he yo̱ oyá ke̱ maṅtše̱ le̱ ke̱ enukpai le̱ awodši le̱ yiṅ ni ame̱yakpa Israel ke̱ Iuda fẽ, ni ame̱-kē̱ ye̱ maṅtše̱ le̱ kitã le̱ nā ake̱: Israelbii! nyekpalea ke̱-baä Iehowa, Abraham ke̱ Isak ke̱ Israel Nyoṅmo̱ le̱, ṅõ, ni le̱ hũ eekpale ke̱-aba mei ni edše mli ni eſe̱ ehãnye ke̱-dše̱ Ašur maṅtše̱mei le̱ adeṅ le̱ aṅõ!

ŊMALƐ KRƆŊKRƆŊ LƐ

⁶ No hewɔ lɛ, maŋtsɛ lɛ kɛ maŋ onukpai lɛ ŋmala woji, ni amɛkɛtsu bɔfoi kɛtee Israel kɛ Yuda heihei fɛɛ. Maŋtsɛ lɛ shɛɛ lɛ kɛɛ akɛ, “Israelbii, nyɛkpalea nyɛbaa Yehowa, ni ji Abraham kɛ Isak kɛ Israel Nyɔŋmɔ lɛ ŋɔɔ, ni lɛ hu eeebɛŋkɛ nyɛ, nyɛ mɛi ni nyɛhe je mli, ni Asiria maŋtsɛmɛi lɛ anine eyashɛɛɛ nyɛnɔ koni amɛŋɔ nyɛ nom lɛ.

2 Kronika 30:6 ပူးပေါင်းရင်းမြစ်များ

1 Maŋtsɛmɛi 18:36

Ni eba mli ake̱ niyenii-afo̱lešã be le̱ mli le̱, Elia, gbalo̱ le̱, tši eba ni ekē̱: Iehowa, Abraham ke̱ Isak ke̱ Israel Nyoṅmo̱! ṅme̱ne̱ hã ní aná ale ake̱ bo dši Nyoṅmo̱ ní yo̱ Israel, ni ake̱ midši otšũlo̱, ni owiemo̱ le̱ nā mifeo̱ nii ne̱ fẽ ye̱!

2 Maŋtsɛmɛi 15:19

Pul, Ašur maṅtše̱ le̱, batua šikpoṅ le̱; ni Menahem hā Pul dſie̱te̱i talentai akpe, koni efĩ ese̱ nĩ ehã emaṅtše̱yeli le̱ adamo̱.

2 Maŋtsɛmɛi 15:29

Peka, Israel maṅtše̱ le̱, yino̱ le̱ Tiglat-Pileser, Ašur maṅtše̱ le̱, ba ni ebaṅõ Iyon ke̱ Abel-Bet-Maaka ke̱ Ianoa ke̱ Kedeš ke̱ Hazor ke̱ Gilead fẽ, ke̱ Galilea ní dši Naftali šikpoṅ le̱ fẽ, ni eṅõame̱ nom ke̱-te Ašur. 1 Kron. 6,26.

1 Kronika 29:18

Iehowa, Abraham ke̱ Isak ke̱ Israel, wo̱tše̱mei le̱ a-Nyoṅmo̱ le̱, hã ene̱ ahĩ omaṅ le̱ tšui ke̱ ame̱yitšeiaṅ dſẽṅmo̱i amli ke̱-ya nāno̱, ni odo̱ ame̱tšui ke̱-ba oṅō!

1 Kronika 5:26

ke̱ke̱ ni Israel Nyoṅmo̱ le̱ tšē̱ *Pul, Ašur maṅtše̱ le̱, ke̱ †Tiglat-Pilneser, Ašur maṅtše̱ le̱, ewo ame̱he, ni ebaṅõ Rubenbii ke̱ Gadbii ke̱ Manase akutšo le̱ fẽ le̱ nom, ni elōame̱ ke̱-te Hala ke̱ Habor ke̱ Hara ke̱ Gozan fā le̱ nā ke̱-baši ṅme̱ne̱. *1 Maṅ. 15,19. †2 Maṅ. 15,29.

2 Kronika 28:20

Ni Tiglat-Pilneser, Ašur maṅtše̱ le̱, ba eṅõ, ni ebahaole̱, ši ewoole̱ hewale̱ moṅ.

Ester 3:13

Ni ake̱ wodši le̱ tšũ bo̱foi ni he yo̱ oyá ke̱-te maṅtše̱ le̱ šikpõdši le̱ fẽ no̱, koni akpãtã Iudafoi le̱ fẽ ahĩe, ni agbeame̱ ni aplenēame̱, oblahĩĩ ke̱ hĩĩmedši, gbekẽbii ke̱ yei fẽ, gbĩ kome dšenamo̱, ye̱ nyõṅ ní dši nyoṅma ke̱ enyo̱ ni dši nyõṅ Adar le̱ no̱, gbĩ ni dši gbĩ nyoṅma ke̱ etẽ le̱ no̱, ni aha ame̱nii.

Ester 8:14

Ni amrõ pe̱ ní awo mla le̱ ye̱ Šušan mō̃ le̱ mli le̱ bo̱foi ni he yo̱ oyá ní trá okpo̱ṅo̱i ke̱ tedšiokpo̱ṅo̱i ni he yo̱ oyá ano̱ le̱ yiṅ, ni ame̱he fe oyá ni ame̱te mrãmrã ye̱ maṅtše̱ le̱ fã́mo̱ le̱ nā.

Hiob 9:25

Ši migbĩĩ le̱ ye̱ oyá fè foidšelo̱: ame̱dšo foi ke̱-te, ame̱naa nõkpakpa ko!

Yesaia 1:9

*Efe ake̱ Iehowa Zebaot eſe̱e̱ ſē̱no bibiõ ko ehãāwo̱ kũle̱, wo̱tšṍ tamo̱ †Sodom, ni wo̱fe tamo̱ Gomora pe̱! *Rom. 9,29. †1 Mose 19,24. 25. 5 Mose 29,21-27.

Yesaia 6:13

Ši ké̱ ſe̱ emlidšāi nyoṅma mli ekome ye̱ no̱ tete le̱, aakũ se̱ akpãtã ame̱hĩe; tamo̱ tšo kple ko lo odum ko ni atō agbē ši ní eſe̱ ekuku; seši *kroṅkroṅ dši ekuku le̱, *4,8.

Yeremia 29:1

Ni wolo ní gbalo̱ Ieremia ke̱-mãdše ke̱-dše̱ Ierusalem ke̱-yahã nomi le̱ amli onukpai ní eſe̱ le̱ ke̱ oso̱foi le̱ ke̱ gbalo̱i le̱ ke̱ maṅ mū le̱ fẽ ní Nebukadnezar, Babel maṅtše̱ le̱, baṅõame̱ nom ke̱-dše̱ Ierusalem ke̱-te Babel le̱ mli wiemo̱i ne̱:

Yeremia 3:14

Nyekũa nyese̱, nye bii se̱se̱yalo̱i! Iehowa kē̱; edšake̱ *midsi nyewù, ni maṅõnye, †mokome ke̱-adše̱ maṅ kome mli, mei enyo̱ hũ ke̱-adše̱ weku kome mli, ni mike̱nye aaba Zion ekoṅ. *Hos. 2,21. †Ies. 6,13.

Yeremia 4:1

Israel, ké̱ ookũ ose̱ le̱, Iehowa kē̱, — kũ ose̱ ke̱-ba miṅõ! ni ke̱dši oodšie onihīnii le̱ ke̱-adše̱ mihĩe le̱, no le̱ aſieṅo doṅṅ;

Yeremia 51:31

Foišalo̱ šaä foi ke̱ foišalo̱ yakpeo̱, bo̱fo hũ ke̱ bo̱fo yakpeo̱, koni ame̱yatſa Babel maṅtše̱ le̱ adafi ake̱ aṅõ emaṅ le̱ ye̱ ehefẽhe,

Yāfó 3:40

Nyehãa wo̱taoo̱ wo̱gbé̱i le̱ amli ni wo̱kaä wo̱kwe̱a, ni wo̱kpalea ke̱ baä Iehowa ṅõ ekoṅl

Yāfó 5:21

Kpalemo̱wo̱ ke̱-ba oṅõ, Iehowa, ni wo̱o̱kpale; femo̱ wo̱gbĩĩ le̱ ehē tamo̱ blema le̱!

Ezekiel 33:11

Kē̱mo̱ame̱ ake̱: Gbĩĩabo̱ ní mihĩe kã ne̱, Nuṅtšo̱ Iehowa kē̱: *mináá efõṅfelo̱ gbĕle he mīše̱, ši moṅ ake̱ efõṅfelo̱ akpale ke̱-dše̱ egbe̱ le̱ no̱, ni eyi aná wala! †Nyekpalea, nyekpalea ke̱-dše̱a nyegbè̱i fõdši le̱ ano̱! Ši mẽba ni nyeagboi, Israel we? *18,23. 31. 32. †Ies. 55,7. Ioel 2,12. 13.

Hosea 14:1

Samaria aatĕre le̱dientše̱ esõ; edšake̱ etše e-Nyoṅmo̱ le̱ hĩe atũa. Ame̱anyõnyõi ye̱ klante nā; aaṅõ ame̱bifabii le̱ atſia ši, aagblagbla ame̱yeiho̱lo̱i le̱ amli.

Hosea 6:1

“Nyebaä ní wo̱kũa wo̱se̱ wo̱yaä Iehowa ṅõ! Edšake̱ *le̱ etšere̱ wo̱mli, ni esā eetšáwo̱; le̱ etſiawo̱ nii, ni esā eefĩmo̱ no̱ ehãwo̱. *5,14.

Zakaria 1:3

Nohewo̱ le̱ kē̱mo̱ame̱ ake̱: Bo̱ni Iehowa Zebaot kē̱ ne̱: *Nyekpalea ke̱-baä miṅõ, Iehowa Zebaot kē̱, ni makpale ke̱-ba nyeṅõ, Iehowa Zebaot kē̱. *Mal. 3,7. Iak. 4,8.

Zakaria 1:4

Nyekafea tamo̱ nyetše̱mei le̱, mei ní kleṅkleṅ gbalo̱i le̱ šie̱ tšõame̱ ake̱: Boni Iehowa Zebaot le̱ ne̱: *Nyekpalea ke̱-dše̱a nyegbè̱i fõdši le̱ ano̱ ke̱ nyenifemo̱nii fõdši le̱ ahe! ni ame̱nuu ni ame̱sā ame̱boomi toi le̱, Iehowa kē̱.

Yakobo 4:8

*Nyetšia nyebe̱ṅke̱a Nyoṅmo̱, ni eetši eebe̱ṅke̱nye. †Nyetšũa nyenidši ahe, nye ešafelo̱i, ni nyehãa nyetšuii ahe atšea, nye dſẽṅmo̱i enyo̱nyo̱tše̱mei. *Zak 1,3. †Ies 1,18.