2 Kronika 29:5 - Ṅmãle̱ Kroṅkroṅ Le̱

⁵ ni ekē̱ame̱ ake̱: Nyeboami toi, nye Levibii! Agbe̱ne̱ nyefea nyehe kroṅkroṅ, ni nyefea Iehowa, nyetše̱mei a-Nyoṅmo̱ le̱, we le̱ hũ kroṅkroṅ, ni nyedšiea nyãṅe-mo̱nii le̱ ke̱-dše̱a hekroṅkroṅ le̱!

ŊMALƐ KRƆŊKRƆŊ LƐ

⁵ ni ekɛ amɛ wie. Ekɛɛ amɛ akɛ, “Agoo Levibii, agbɛnɛ nyɛtsuua nyɛhe ni nyɛfea nyɛhe krɔŋkrɔŋ, koni nyɛfea Yehowa, nyɛtsɛmɛi aNyɔŋmɔ lɛ, We lɛ hu krɔŋkrɔŋ. Nɔ fɛɛ nɔ ni buleɔ Sɔlemɔtsu lɛ, nyɛjiea yɛ jɛi.

2 Kronika 29:5 ပူးပေါင်းရင်းမြစ်များ

1 Kronika 15:12

ni ekē̱ame̱ ake̱: Nye ni nyedši tše̱mei awei le̱ ano̱ onukpai ye̱ Levibii le̱ ateṅ le̱, nyeke̱ nyenyemimei le̱ afea nyehe kroṅkroṅ, ní nyeyawó Iehowa, Israel Nyoṅmo̱ le̱, adeka le̱ ke̱-ba heni misā mitole̱ le̱.

2 Kronika 29:34

Ši oso̱foi le̱ ayi fáá bo̱ni ame̱anyẽ šã-afo̱lei le̱ fẽ ahe wodši ame̱kplo̱; nohewo̱ le̱ ame̱nyemimei, Levibii le̱, waame̱ ke̱-yaši beyino̱ ni agbe nitšumo̱ le̱ nā ní oso̱foi le̱ fe ame̱he kroṅkroṅ; edšake̱ Levibii le̱ moṅ bo̱ mo̱deṅ ni ame̱fe amehe kroṅkroṅ fè oso̱foi le̱. 30,3. 16. 17.

2 Kronika 29:4

Ni eṅõ oso̱foi le̱ ke̱ Levibii le̱ ke̱-te mli, ni ebua ame̱nā ye̱ he kpatā ko ni yo̱ bokãgbe̱ le̱,

2 Kronika 35:6

ni nyegbea Hehō tōbi le̱, ni nyefea nyehe kroṅkroṅ, ni nyesāa nyehãa nyenyemimei le̱, ni nyefe take̱ bo̱ni Iehowa tšṍ Mose no̱ ewie le̱.

Nehemia 12:30

Ke̱ke̱ ni oso̱foi le̱ ke̱ Levibii le̱ tšū amehe, ni asaṅ ame̱tšū maṅ le̱ ke̱ agbói le̱ ke̱ gbogbo le̱ hũ he.

Nehemia 13:9

Ke̱ke̱ ni mifã́ ake̱ ašā flasei le̱ amli, ni miṅõ *Nyoṅmo̱ we le̱ nibii le̱ ke̱-ba dše̱i ekoṅ, ke̱ niyenii-afo̱lei le̱ ke̱ kro̱bo̱o le̱ hũ. *10,40.

Lalai 93:5

*Odasei le̱ ano̱kwa so̱ṅṅ ni; kroṅkroṅfemo sa owe le̱, Iehowa, ke̱-yaši nāno̱. *Lal. 19,8-11.

2 Mose 19:10

Ni Iehowa kē̱ Mose ake̱: Ya maṅ le̱ ṅõ, ni otšū ame̱he ṅme̱ne̱ ke̱ wó̱, ni ohã ame̱fo̱ ametadei ahe,

2 Mose 19:15

Ni ekē̱ maṅ le̱ ake̱: Nyesāa nyehe nyetoa gbĩ ní dši gbĩ etẽ le̱; nyekayaä nyeṅãmei aṅõ. 1 Kor. 7,5.

Ezekiel 36:25

Ni maṅõ *nu ní mli tše maſã nyeno̱ ní nyehe atše, ni matsū nyehe ke̱-adše̱ nyehe mũdši le̱ fẽ ke̱ nyewo̱dši le̱ fẽ mli. *Zak. 13,1. Heb. 10,22.

Ezekiel 8:3

Ni edšie noko ní tamo̱ nine su, ni emo miyiteṅ tšo̱i le̱ mli, ni *mumo̱ le̱ wómi ke̱-te šikpoṅ ke̱ ṅwei teṅ, ni eṅõmi ke̱-te Ierusalem ye̱ Nyoṅmo̱ he nināi le̱ amli, ke̱-ba mligbe̱ kpo le̱ no̱ agbó ní kwe̱o̱ kōyigbe̱ le̱ šĩnā le̱ nā, heni awuṅãyeli amãgã ní tšé̱o̱ awuṅãyeli ke̱-baä le̱ mã le̱. *3,12.

Ezekiel 8:6

Ni ekē̱mi ake̱: Gbomobi, ōna noni ame̱feo̱ ne̱? nihĩnii wudši ní Israel we le̱ feo̱ ye̱ bie̱, koni madše mihekroṅkroṅ le̱ ke̱-ya se̱ šoṅṅ le̱? Ši osā oona nihĩnii wudši krokomei bũ!

Yoel 2:16

Nyebuaä maṅ le̱ nā, nyefea asafo le̱ kroṅkroṅ, nyekpēa onukpai ke̱-bakpea, nyebuaä gbekẽbii ke̱ mei ni yeo̱ fufo̱ le̱ anā! ayemforowu adše kpo ke̱-dše̱ ese̱tšũṅ, ni ayemforo hũ adše̱ epiaṅ adše kpo!

2 Korintobii 6:16

Ni asaṅ mẽ ekomefemo̱ Nyoṅmo̱ so̱lemo̱we ke̱ amãgãi yo̱? Edšake̱ *Nyoṅmo̱ hĩekãlo̱ le̱ so̱lemo̱tšũ dšinye, take̱ bo̱ni Nyoṅmo̱ †kē̱ ake̱: “Mahĩ ame̱mli, ni manyie ye̱ ame̱teṅ, ni matšṍ ame̱-Nyoṅmo̱, ni ame̱ hũ ame̱atšṍ mimaṅ.” *1 Kor. 3,15. †3 Mose 26,12.

2 Korintobii 7:1

Agbene̱, nye mei ní asumoo̱nye, ake̱ noni wó̱ná ne̱ke̱ šiwōi ne̱ hewo̱ le̱, nyehãa wo̱tšūa wo̱he ke̱-dše̱a helo ke̱ mumo̱ fẽ he mũdši mli, ni wo̱gbe hetšemo̱ nā ye̱ Nyoṅmo̱ gbeyeišemo̱ mli.