2 Kronika 25:5 - Ṅmãle̱ Kroṅkroṅ Le̱

⁵ Asaṅ Amazia bua Iudabii le̱ anã ke̱-kpe, ni etoame̱ gbe̱dšiano̱ ye̱ ame̱tše̱mei awei le̱ anā ye̱ mei akpekpei ke̱ mei ohahai ano̱ asafoiatše̱mei le̱ ašiši ye̱ Iuda ke̱ Benyamin fẽ, ni ekaneame̱ ke̱-dše̱ mei ni eye afii nyoṅmai-enyo̱ no̱ ke̱-yaä le̱, ni ena ake̱ amenā šio̱ mei ní ahala akpei-ohai-etẽ, mei ni nyẽo̱ ta yaã ní ame̱le akplo̱ ke̱ tše̱ṅ hĩemo̱.

ŊMALƐ KRƆŊKRƆŊ LƐ

⁵ Maŋtsɛ Amazia bua Yuda akutsei lɛ kɛ Benyamin hu akutsei lɛ amli hii lɛ fɛɛ anaa kuikui yɛ amɛtsɛmɛi awei lɛ anaa. Kɛkɛ ni eto asafoiatsɛmɛi ehã hii oha akui lɛ kɛ hii akpei akui lɛ hu. Hii ni eye afii nyɔŋmai enyɔ kɛ esɛɛ sɔŋŋ ni yɔɔ kui lɛ amli; ni be ni akpa amɛnaa lɛ ana hii akpei ohai etɛ̃, ni ji mɛi ni aje gbɛ atsɔse ahã tawuu, ni asaŋ amɛhe esa jogbaŋŋ yɛ akplɔ kɛ tsɛŋ kɛ nɔmɔ mli.

2 Kronika 25:5 ပူးပေါင်းရင်းမြစ်များ

1 Kronika 13:1

Ke̱ke̱ ni David ke̱ mei akpekpei ke̱ mei ohahai ano̱ asafoiatše̱mei ke̱ lume̱i le̱ fẽ te adšina;

1 Kronika 27:1

Agbe̱ne̱ Israelbii le̱ ye̱ ame̱yibo̱ le̱ nā, tše̱mei awei ano̱ onukpai ke̱ mei akpekpei ke̱ mei ohahai ano̱ asafoiatše̱mei le̱ ke̱ ame̱no̱kwe̱lo̱i ní súmoo̱ maṅtše̱ le̱ ye̱ asafokui ni baä yaä dā nyõṅ kome ye̱ afi mli nyõdši le̱ fē mli le̱ asane-fẽ-sane mli, ku-fẽ-ku hĩe mei akpei-nyoṅmai-enyo̱-ke̱-edſe̱.

2 Kronika 11:1

Ni beni Rehabeam le̱ Ierusalem le̱, ebua Iuda ke̱ Benyamin we le̱ fẽ nā, hĩĩ ní ahala ní dši tawulo̱i so̱ṅṅ akpei-oha-ke̱-nyoṅmai-kpānyo̱, koni eke̱ Israel ayawu, ni ame̱šõ maṅtše̱yeli le̱ ame̱hã Rehabeam ekoṅ.

2 Kronika 14:7

[8.] Ni Asa ye̱ tabiloi, ní hĩeo̱ tše̱ṅi wudši ke̱ akploi, akpei-ohai-etẽ ye̱ Iuda, ke̱ mei ni hĩeo̱ tše̱ṅi bibii ni ame̱-tšẽrẽo̱ gãii hũ akpei-ohai-enyo̱ ke̱ nyoṅmai-kpānyo̱ ye̱ Benyamin, mene̱mei fẽ le̱ hĩĩ kãkãlo̱i so̱ṅṅ ni.

2 Kronika 14:8

[9] Ši Zera, Kušnyo le̱, ke̱ ta ni nā šio̱ mei akpei-akpe ke̱ ſīlii ohai-etẽ fã batuaame̱, ni eba Mareša tō̃.

2 Kronika 25:6

Ni asaṅ eke̱ dſie̱te̱i talentai oha bo̱ hĩĩ kãkãlo̱i akpei-oha apā ye̱ Israel.

2 Kronika 26:13

Ni tabilo̱i ni atšõame̱ tawũ, akpei-ohai-etẽ-ke̱-kpawo ke̱ ohai-enumo̱ ye̱ ame̱-šiši, ni ame̱wuo̱ ta ke̱ hewale̱, koni ame̱-ke̱-bua maṅtše̱ le̱ ye̱ ehenye̱lo̱i le̱ ahewo̱.

2 Mose 18:25

Ni Mose hala Israelbii fẽ mli hĩĩ ní yo̱ hewale̱, ni ewoame̱ onukpai ye̱ maṅ le̱ no̱, akpekpei-atše̱mei, ohaha-atše̱-mei, nyoṅmai-enume̱enumo̱-tše̱mei ke̱ nyoṅmanyoṅmai-atše̱mei.

4 Mose 1:3

ke̱-dše̱ mei ní eye afii nyoṅmai-enyo̱ no̱ ke̱-yaä ne̱, mofẽmo ní aanyẽ ta aya ye̱ Israel le̱, bo ke̱ Aaron akaneame̱ ye̱ ame̱safoi le̱ anā.

1 Samuel 8:12

Ni eewowōame̱ mei akpekpei ke̱ mei nyoṅmai-enumo̱-enumo̱ no̱ asafoiatše̱mei ehã ebe, ni eehã ame̱hũ ešikpoṅ, ni ame̱kpa enibānii le̱, ni ame̱tšu etawūnii ke̱ eſīlii le̱ ahe nii.