2 Kronika 24:24 - Ṅmãle̱ Kroṅkroṅ Le̱

²⁴ Ši mei fio ke̱ke̱ Aram ta le̱ hĩe ke̱-ba, ni kẽle̱ Iehowa ṅõ ta babaō le̱ ewo ame̱deṅ; edšake̱ ame̱kwa Iehowa, ame̱tše̱mei a-Nyoṅmo̱ le̱; ni ame̱ke̱ kodšomo̱ ba Ioaš no̱.

ŊMALƐ KRƆŊKRƆŊ LƐ

²⁴ Tabilɔi ni Siriabii lɛ kɛba ta lɛ ayikulɛ fioo, kɛ̃lɛ Yehowa hã amɛye Yuda tabilɔi babaoo lɛ anɔ kunim, ejaakɛ Yudabii lɛ ekwa Yehowa, amɛtsɛmɛi aNyɔŋmɔ lɛ. Enɛ nɔ tsɔ̃ ni agbala Maŋtsɛ Yoash toi.

2 Kronika 24:24 ပူးပေါင်းရင်းမြစ်များ

2 Maŋtsɛmɛi 12:17

[16.] Ši sõ-afo̱le šika ke̱ eša-afo̱le šika le̱, ake̱ nomei baa Iehowa we le̱; oso̱foi le̱ anõ dši no.

2 Kronika 16:7

Ni nakai be le̱ mli le̱ Hanani, ninalo̱ le̱, ba Iuda maṅtše̱ Asa ṅõ ni eba-kē̱le̱ ake̱: Ake̱ni *oke̱ ohĩe fõ Aram maṅtše̱ le̱ no̱, ši oke̱ ohĩe efõõ Iehowa, o-Nyoṅmo̱ le̱, no̱ hewo̱ le̱, Aram maṅtše̱ le̱ ta le̱ edše odeṅ. *Ier. 17,6.

2 Kronika 22:8

Ni eba mli ake̱, beni Iehu ke̱ ko-dšomo̱ ba Ahab we le̱ no̱ le̱, eyanina Iuda asafoiatše̱mei le̱ ke̱ Ahazia nyemimei abii ni súmoo̱ Ahazia le̱, ni egbeame̱. 2 Maṅ. 10,12-15.

2 Kronika 24:20

Ke̱ke̱ ni Nyoṅmo̱ Mumo̱ le̱ bayi Zakaria, oso̱fo Iehoiada bi le̱, no̱, ni ete ši edamo̱ maṅ le̱ hĩe ni ekē̱ame̱ ake̱: Bo̱ni Nyoṅmo̱ kē̱ ne̱: Mẽba nyetõo̱ Iehowa kitãi le̱? Ši ehĩṅ hãṅnye; edšake̱ nyekwa Iehowa, ni le̱ hũ ekwanye!

2 Kronika 28:5

Nohewo̱ le̱ Iehowa, e-Nyoṅmo̱ le̱, ṅõle̱ ewo Aram maṅtše̱ le̱ deṅ, ní ame̱ye eno̱, ni ame̱ṅõ emei le̱ ateṅ mei babaō nom, ni ame̱ke̱ame̱ te Damasko. Ni asaṅ eṅõle̱ ewo Israel maṅtše̱ le̱ hũ deṅ, ni ekpãtã ehĩe butū.

Yesaia 13:5

Ame̱dše̱ šikpoṅ ni yo̱ šoṅṅ ke̱ ṅwei nāgbēhe ame̱mība: Iehowa ke̱ emlifũ tawūnii le̱, koni efite šikpoṅ mū le̱ fẽ.

Yesaia 30:17

*Mei akpe aadšo foi ye̱ mokometō yiṅā̃ nā, nyeadšo foi ye̱ mei enumo̱ yiṅā̃ nā, ke̱-yaši beyino̱ ni nyeaſe tamo̱ tšo kakadaṅṅ ko ní mã goṅ ko yiteṅ, lo tamo aflaṅā ní mã goṅkpo ko no. *3 Mose 26,36.

Yeremia 37:10

Ši ke̱dši nyeagbe Kaldeabii ní ke̱-nye wuo̱ le̱ ata le̱ fẽ ni aaſe̱ ame̱teṅ pilafoi komei ke̱ke̱ tete le̱, ame̱teṅ mofẽmo aate ši ke̱-adše̱ ebū mli, ni ame̱ke̱ la aašã ne̱ke̱ maṅ ne̱ kẽ.

3 Mose 26:25

Ni mike̱ *oweletō̱-klante aaba nyeno̱ ní eto̱ mikpãṅmo̱ le̱ he owele; ni ké̱ nyebua nyehe nā ye̱ nyemãdši le̱ amli le̱, mahã gbĕle-hela aba nyeteṅ, ni aaṅõnye awo henyelo̱ le̱ deṅ; *Ies. 1,20.

3 Mose 26:37

Ni ame̱agbēgbē ši, moko kã moko no̱, take̱ bo̱ni agbēo̱ ši ye̱ klante nā, tše̱ foiwolo̱ ko be̱; ni nyenyẽṅ nyehenye̱lo̱i ahĩe nyedamo̱.

3 Mose 26:8

Ni nyeteṅ mei enumo̱ aawo mei oha foi, ni nyeteṅ mei oha hũ aawo mei akpei-nyoṅma foi, ni nyehenye̱lo̱i le̱ aanyõnyõi ye̱ nyehĩe ye̱ klante nā. 5 Mose 28,30.

Habakuk 1:12

Iehowa, aui dšee nāno̱ odše̱, mi-Nyoṅmo̱, mi-Mokroṅkroṅ? *Wo̱gboiṅ; Iehowa, otole̱ ohã kodšomo̱, ni bo, te̱sã, oke̱le̱ emã ši ohā kãmo̱. *Ier. 10,24.

Zefania 1:2

Makpãtã nii fẽ hĩe ke̱-adše̱ šikpoṅ le̱ no̱! Iehowa kē̱.

5 Mose 28:25

Iehowa ahã atſiao nii ye̱ ohenye̱lo̱i ahĩe; gbe̱ kome no̱ ootšṍ oyatuaame̱, ši gbè̱i kpawo no̱ ootsṍ odšo foi ye̱ ame̱hĩe, ni aagbe̱o aſã šikpoṅ le̱ no̱ maṅtše̱yelihei le̱ fẽ.

5 Mose 28:48

Nohewo̱ le̱ ohenye̱lo̱i ní Iehowa aatšũ abaſie ono̱ le̱, oosúmo̱ame̱ ye̱ hõmo̱ ke̱ kũmai ke̱ yayainyiemo̱ ke̱ nibii fẽ he ohĩayeli mli, ni eeṅõ dade apã ewo okue̱, ke̱-yaši beyino̱ ni eekpãtã ohĩe.

5 Mose 32:30

Kũle̱ té aye tẽṅ ní mokome ſieo̱ mei akpeṅ, ní mei enyo̱ woo̱ mei akpei-nyoṅma foiṅ, ké̱ dšee hō̃mo̱ ame̱te̱sā le̱ ehõame̱, ni Iehowa eṅõame̱ ehã le̱? 3 Mose 26,8. 36. 37.